الطين العلاجى و النقرس Gout

[DPT-Blue Phoenix]

السلام عليكم و رحمة الله و بركاته
بسم الله الرحمن الرحيم

‫‏النقرس‬ Gout

معلومات سريعة : ايه يا ترى المرض دا ؟!

مرض النقرس دا هو عبارة عن زيادة فى نسبة الاحماض البولية Uric acid فى الدم بعد ما بتزيد نسبة الاحماض دى عن حد معين الدم بيبدا يتشبع منها فيبدا يحصل ترسيب للاحماض دى على شكل بللورات شوكية بللورات على شكل اشواك لدرجة انها ممكن تعمل جروح او غيره ... و الاحماض البولية اصلا مش كويسة ..

دى نفس الفكرة لو انت جبت سكر او ملح و فضلت تدوب فى الماء هيوصلوا لحد معين و بعدين لا يتم الذوبان ..

بيظهر النقرس دا على شكل حصوات ظاهرة كدا غالبا فى اصابع القدم و ممكن حصوات فى المثانة او غيره و هكذا ..


الطين العلاجى :-

نفس الفكرة ‫#‏العلاج_الطبيعى‬ العلاج بالطين العلاجى ههههههههههه ايه دا الى انت بتقوله دا علاج بالطين ؟!

ههههههههه شكلك حلو و انت مخضوض كدا من العلاج الطبيعى ؟!

فى علاج بالطين انت تعرف ليه المراهم و الكريمات و الحاجات دى كلها ليها فايدة لان فيها عناصر غذائية الجلد بيمتصها و تعمل فايدة ؟!

بالنسبة ‫‏للطين العلاجى‬ Muds and Peloids فيه منه أنواع :-


1- طبقة الطمى فى الاراضى الزراعية الطبقة الخصبة دى ايووووووون و بيتعملها تنقية و بتمر بمراحل و ناخد كل العناصر الغذائية مرة واحدة احلى من اى كريم او غيره ..

2- فى الطين الى بييجى من البحار و الكائنات البحرية بكل الفوائد بتاعتها تخيل بقى ..

3- فى اغلى الانواع الرماد البركانى من البراكين و كدا ..


طيب ليه هى بتعالج ؟!


لما احنا بنعمل العلاج بالطين على المريض دا بيعمل نوع من الحرارة فى الجسم و ينشط عمليات التمثيل الغذائى Metabolism و كمان ضغط و وزن الطين دا على الجسم بيعمل تاثيرات الضغط منها انه بيعمل تليين للانسجة و ياثر على الضغط الاسموزى للجسم بيقلل من مقدار الشد Tension فى العضلات و يخفض ضغط الدم ...


و بعدين ممكن نستفيد من تقنية عندنا فى العلاج الطبيعى و هى تقنية اسمها Iontophoresis يعنى بنعمل نقل للمواد او الايونات مثلا و ليكن الزنك و النحاس و اليود و الماغنسيوم للجسم بواسطة التيارات الكهربية المباشرة قليلة الجهد الى بنستعملها فى العلاج Low Voltage direct currents

و دى بتعالج امراض كتير جدا جدا جدا ...
فمثلا اليود مفيد فى مشاكل الالتصاقات الى هو التصاق الانسجة ببعض Adhesion و النحاس فى المشاكل الجلدية و الماغنسيوم فى الاستسقاء او الايديما Edemaتجمع السوائل فى منطقة فى الجسم و الزنك فى الامراض الفطرية ..

طيب احنا فهمنا ان الطين العلاجى ليه فوائد كتير جدا و ممكن نستعمل معاه تقنيات العلاج الطبيعى طيب دوره فى مرض النقرس ؟!


المرض الى هو النقرس دا بيسبب آلام فظيعة و بيسبب التهابات و الطين العلاجى بيخلص على كل الآثار الى بيعملها المرض دا و بيقلل الالم بسبب الى قلناه قبل كدا و المعادن الى بتدخل الجسم دى بيكون ليه دور مهم فى تعديل نسبة الاحماض البولية دى فى الدم طبعا مع اخد الادوية اللازمة و اشهرها الفوار الى بيتاخد لتكسير بللورات الاحماض البلوية دى ..


و ممكن بنستعمل الثلج او يعنى البرودة بوجه عام Cold لتخفيف الالم و تقليل الالتهاب و ممكن وسائل تانية ..



انواع ‫‏الاكل‬ الى بتسبب ترسب كميات كبيرة من حمض البول :-

1- اللحوم الحمراء
2- الاسماك مثل السلمون و التونة و خاصة الى بيكون عليه زيت كتير
3- السبانخ
4- الكرنبيت

و غيرهم ... عشان كدا بنحاول نقلل من الأكلات دى لو مصابين بنقرس على قدر الحاجة و طبعا بيسمى النقرس مرض الملوك لانه دائما بييجى من الاسراف فى الاكل و اللحوم .. فدائما ناكل زى ما الرسول صلى الله عليه و سلم قالنا ثلث للطعام و ثلث للماء و ثلث للهواء و لا ناكل حتى نجوع و اذا اكلنا ناكل قدر ما نحتاج ..

و زى ما بنقول دائما العلاج الطبيعى مجال واسع جدا جدا جدا عشان كدا اعرف عن مجالنا و اعرف عن اهميته و مستقبله هو مستقبل الطب فى العالم كله ..
و كل يوم فى تقدم ..

و السلام عليكم و رحمة الله و بركاته