العلاج المغناطيسى Magnetic Therapy

[DPT-Blue Phoenix]

‫#‏العلاج_المغناطيسى‬
‫#‏العلاج_بالمجال_المغناطيسى‬
‫#‏العلاج_بالمجال_المغناطيسى_الكهربى‬
Magnetic Therapy

- ممكن واحد يضحك كالعادة من الناس الى مبتصدقش اى حاجة و يقولك هو فى حاجة اسمها علاج مغناطيسى !؟ يعنى ايه بقى المغناطيس دا بيعالج !؟ طيب ازاى المغناطيس بيعالج و الى اى مدى المغناطيس دا فعال فى علاج الامراض ؟! و ايه دور دكتور العلاج الطبيعى هنا ؟! طيب لو بيعالج هل ليه انواع ؟!
- #العلاج_المغناطيسى : هو استعمال قوة الجذب المغناطيسى فى العلاج عن طريق استعمال المجال المغناطيسى فى التاثير على وظائف الجسم او استعمال المجال المغناطيسى الكهربى فى العلاج ..
- ‫#‏المجال_المغناطيسى‬ : المجال المغناطيسى دا ممكن يكون مجال مغناطيسى ساكن Static و دا فكرته ان يكون مغناطيس او جهاز بيتولد منه مجال مغناطيسى او مجال مغناطيسى بيتولد من مجال كهربى متردد Electro-magnetic field مش موجات كهرومغناطيسية عشان الناس بتخلط دا مجال و ليس موجات فرق كبير جدااااااااا ..
- يا ترى ازاى المغناطيس دا بيعالج انت بتقول كلام غريب ؟!
الأول تعالوا نتامل جسمنا من ‫#‏وجهة_نظر_العلاج_الطبيعى‬جسمنا دا عبارة عن مادة الى هى الجسم العادى دا و طاقة الجسم عبارة عن الطاقة الى بتمشى فى جسم الانسان ايا كان نوعها كهربية حركية مغناطيسية كهرومغناطيسية او ايا كانت ..
تعال كدا نفكر فى تركيب الجسم بشكل ادق ؟! الجسم عبارة عن مجموعة خلايا و الخلية دى عبارة عن ايه ؟!
الخلية عبارة عن نواة و حواليها مكونات النواة دائما بتحمل شحنة موجبة Positive Charge و المكونات الى حوالين النواة تحمل شحنة سالبة Negative Charge طيب جميل اوى طول ما فى اتزان بين الموجب و السالب دا فى الخلية الخلية تكون سليمة مفيهاش حاجة و المفروض لو مررنا تيار كهربى فى الجسم يمر بسهولة سعتها ..
طيب لو كبرنا نظرتنا للجسم شوية الجسم دا عبارة عن مجموعة اوعية دموية ماشى فى الاوعية دى مكونات الدم و مكونات الدم منها كتير بيتكون من الحديد ايا كان صورته ثنائى او ثلاثى او ايا كان فلما بطبق مجال مغناطيسى بياثر على الدورة الدموية بوجه عام ..
و اخيرا الجسم دا عبارة عن اعصاب و فى اتزان دقيق جدا بين الشحنات الموجبة الى متمثلة فى ايونات الصوديوم و البوتاسيوم و ايونات سالبة متمثلة فى ايونات الكلور و البروتينات السالبة على جانبى غشاء العصب و بالتالى المجال المغناطيسى بياثر على الشحنات و المعادن الى فى الجسم ..
‫#‏من_وجهة_نظر_المجال_المغناطيسى_للقلب‬ المغناطيس بياثر على طاقة الجسد او بمعنى اصح بيزودها لو اتطبق بطريقة صح و بالتالى ببحسن من وظائف الجسم كلها ..
‫#‏من_وجهة_النظر_الطبية_او_العلاج_الطبيعى‬ :-
1- نتيجة تاثير المجال المغناطيسى على الاعصاب Nerves بيعمل استثارة للاعصاب دى و بالتالى بيستحث الاعصاب دى انها تفرز فيها مواد مسكنة للالم و كمان عن طريق دراستك لعلم الفسيولوجى و خواص المجال المغناطيسى لو فى خلل فى الشحنات على جانبى الغشاء فى العصب بتقدر تعمل اعادة اتزان للايونات فى العصب Rebalance و بالتالى بنستخدمها فى كتييييير جدا من مشاكل الاعصاب الى بتكون اصلااااااااا ناتجة عن عدم اتزان فى العصب ..
2- مشاكل الدورة الدموية .. فى امراض كتير بتنتج من ركود الدورة الدموية و هنا دور العلاج المغناطيسى هندى مثال بالهيموجلوبين ..
لما بطبق المجال المغناطيسى بيعمل جذب لجزئيات الهيموجلوبين و بالتالى بيخلى الدورة الدموية تمشى بطريقة كويسة و بالتالى لما الدورة الدموية تمشى كويس المرض دا بتبدا اعراضه تقل بالتدريج لحد ما المرض ينتهى ..
حاجة تانية ان المجال المغناطيسى بيبقى ليه قطبين و بنقدر من كل قطب اننا نجذب نوع معين من الخلايا الموجبة او السالبة فى المكان الى احنا عايزينه و بالتالى يبدا الجسم يبنى او يصلح نفسه بنفسه ..
3- لما بعمل مجال مغناطيسى و اعمل فيه قطع او تردد و دا بيبقى من امكانيات الجهاز دا بيخلى المجال المغناطيسى يولد تيارات كهربية مستحثة داخل اعصاب الجسم و بالتالى بستفيد من خصائص الكهرباء فى العلاج لكن هنا دا مميز باكتر من حاجة اولها انه هيتولد داخل الجسم على طول و بالتالى مش هيلاقى مقاومة من الجسم زى ما بيحصل فى الكهرباء العادية غير كدا بيعملى اختراق كويس لمسافات عميقة ..
-- ‫#‏دورك_انت_بقى‬ من خلال دراستك لخصائص المجال المغناطيسى و دراستك للجسم بتعرف امتى و ازاى استخدم المجال المغناطيسى دا ..
و معلومة جميلة المجال المغناطيسى دا بياثر على حاجة اسمها الغدة الصنوبرية فى المخ Pineal Gland و دى بتفرز مواد زى حاجة اسمها الميلاتونينMelatonin و حاجة زى السيروتونين و اتكلمنا عليه كتير Serotonin و دا بيعمل تسكين للالم ..
-- و عشان الآثار دى كلها بنقدر نستعمل العلاج المغناطيسى دا فى الآم العضلات و الشد و العضلى لان بيكون هناك نقص اكسجين و دم طيب لما اسرع الدورة الدموية و اقلل الالم ينتهى ال Muscle spasm مشاكل الظهر معظمها بيكون بسبب ركود فى الدورة الدموية طيب لما اسرع الدورة الدموية Back Pain مشاكل المفاصل و العظام بقدر اقلل منها و اقدر اعمل اعادة توازن و اعمل جذب للخلايا اللازمة لاعادة بناء الجزء دا من الجسم زى الخشونة و مشاكل و الآم المفاصل و عرق النسا و غيرها ..
اقدر استعمله فى مشاكل الاعصاب لما بعيد التوازن للايونات على العصب بقدر انهى المشكلة بقدر استعمله فى بعض مشاكل الصداع و تقليل الالتهابات و تقليل الآلام ..
اهم خاصية احنا الى بنقدر نحددها من خلال دراستنا هى الResonance Interaction و دا من خلال دراستنا للمجالات المغناطيسية و من خلال دراستنا للجسم بنقدر نحدد اى برنامج و اى اسلوب نشتغل بيه ..
العلاج الطبيعى العلاج المغناطيسى