ما هي افضل كلية علمية من حيث الشغل ؟؟؟؟؟

[sayed badr]

كنت بقرأ الموضوع ده كتير ايام الثانوية والمذاكرة وكدة وكنت بشوف افضل كلية للولد من القراءة حسيت انها طب بيطرى مش المنظرة للشغل بجد والتعب والمجهود
والحمدلله ربنا كرمنى بيها

لو ربنا كرمك بأى كلية طبية متزعلش وتقول طب ليه مجاليش كلية كذه طب لية مجاش كذة

احمد ربنا وده الخير ليك والله اعلم بكرا هتبقى اية


لو بتبص للناحية المادية متقلقش شركات الادوية ايديها فرطة اوى او تفتحلك معمل هتكسب بردو او تشتغل فى الفيلد وده مربح جدا

بس يكفيك انك هتعالج اى حيوان بتشوفه مصاب او حاجة حتى لو بالمجان شوف الاجر فى الاخرة مش فى الدنيا لو خايف انك مش هتلاقى شغل وكدة وده استحالة كفاية انك هتقدر تعالج حيوان لا يتكلم وشوف الاجر ان شاء الله هيبقى عامل ازاى

بالنسبة للكليات الاخرى جميلة والله ومتسمعش كلام حد ويعقدك فى الكلية انت اللى هتعمل مكانة لنفسك سواء بشرى او بيطرى او صيدلى او اسنان او علاج طبيعى

لو ع الناس حتى لو بقيت وزير الصحة ذات نفسه مش هيعجبهم حاجة

[sayed badr]

فى رد شوفته من دكتور بيقول مفيش مقارنة ما بين طب بشرى أو اسنان بطب بيطرى

انا عاوز اقول لحضرتك حاجة مفيش مقارنة من انهى ناحية بالظبط

العلمية : حضراتكوا عارفين طب بيطرى من اصعب الكليات الطبية واصعب من اسنان وصيدلة وعلاج طبيعى كمان وفى البعض بيرشح انها اصعب من بشرى كمان


المادية : زى ما كلكوا بتتكلموا عليها فى الموضوع ده

حضرتك العيادة ال pets بتدخل دخل عالى جدا جدا

العيادة فى ارياف بردو بدخل دخل عالى جدا مع مزرعة او مزرعتين تقدر تفتحهم

معمل تحاليل حضرتك تفتحه ويكون بأسمك يدخلك دخل عالى بردو

من الناحية العملية اسنان وبشرى حضرتك متخصص

أول مرة اشوف كلية تخرج دكتور يقدر يفتح عيادة وصيدلية بيطرية و معمل تحاليل بشرى و مزرعة و يشتغل فى مصانع ويشتغل فى شركات الادوية كمندوب زي الصيدلة بالظبط وعلوم وبزيادة عنهم انه يشتغل ميديكال ريب بيطرى

فوق ده كله لو جينا كمان لدوره فى المجتمع ع ما اعتقد معظم اكلنا معتمد ع اللحوم والالبان تخيل لو حاجة فاسدة وصلت لحضرتك هتكون اية النتيجة

مهنتك مهمة جدا كطبيب بشرى او بيطرى او اسنان او صيدلي او علاج طبيعى انما متقللش من قيمة مهن تانية حضرتك متعرفش عنها حاجة


على فكرا لو هنبص للفلوس محدش بيكسب اكتر من المدرس اللى شغال دروس خصوصية كنت دخلت تربية بقى احسن