تجربتى مع تظلمات الثانوية العامة

[PrinceRomany]

بعد الترحيب بجميع اعضاء المنتدى انا بكتب الموضوع ده النهاردة عشان احكيلكوا عن تجربتى فى تظلمات الثانوية العامة

انا رحت القاهرة يوم الخمبس اللى فات وشوفت ورقة الاجابة ولكن صدمت عندما رأيتها لانهم يلتزمون بنموذج الوزارة حتى لو الاجابة صحيحة علميا

هبتدى معاكوا بورقة الفيزياء

1- الاساس العلمى لانبوبة اشعة الكاثود انا كاتب الانبعاث الايونى الحرارى وطبعا متعلم علية غلط عشان نموذج الاجابة مكتوب فية التأثير الكهروحرارى رغم ان الاجابة صحيحية

2- تعريف التوصيلية الكهربية لمادة انا كاتب هى قدرة المادة على توصيل التيار الكهربى وهى خاصية مميزة للمادة وطبعا متعلم علية غلط عشان نموذج الاجابة مكتوب فية هى مقلوب المقاومة النوعية رغم ان الاجابة صحيحة

3- انا كاتب فى السؤال الرابع فقرة (ب) ثانيا السلك A اكبر فى المقاومة النوعية لان اكبر مقاومة والمقاومة النوعية تتناسب طرديا مع مقاومة السلك ومساحة المقطع ثابتة وقام المصحح باعطائى درجة واحدة فقط لان اجابة نموذج الوزارة هى
السلك A ذو مقاومة نوعية اكبر (نصف درجة)
لأن ميل B اقل من ميل A وبالتالى المقاومة النوعية ل B اقل (درجة)

نروح بقى لورقة الانجليزى
1- الجدول الاول

A: I need to get in shape
B: Here are our exercise training programmes
Choose whatever you like

انا اجابتى فى الـ Function هى request والمصحح معلم عليها غلط لان نموذج الاجابة مكتوب فيه inquiry

2- الـ Paragraph
هكتبلكوا موضوع البراجراف اللى انا كاتبه بالضبط فى نموذج الاجابة وعايزكوا تدونى فيه تقييم من 10

In my opinion, I'd like to say that hard work is important and necessary for our life because it has developed our economy so that we can be a developed country. The government should provide jobs to its youth to work hard and develop their country as they have power for this but they want an encouragement to do this. The developing countries can be developed countries by hard work. Hard work not only in jobs but it is necessary for studying. Finally, I want to say for youth that they are backbone of the nation and they play a great role in the nation flourish and progress

المصحح قدر الاجابة 7 من 10

انتظر تعليقاتكم هل استحق درجات ام لا ؟

[abdelRhman772007]

بص يا غالى من واقع تجربتى بتاخد درجات و أنت واقف لو غلط مجموع
بتاخد درجات فى التظلم فى حالة عدم تصحيح السؤال أو جزء من السؤال
يعنى مثلا السؤال اذكر نقطتين لسبب كذا كذا
و فى نموذج الإجابة كانت لكل نقطة درجة مثلا
المفروض ورقة الإجابة علامتين صح
لو لقيت علامة صح واحدة يبقى ليك درجة
و نفس النظام لو سؤال بأكمله ضايع

بالنسبة للأسئلة التقديرية صعب جدًا تاخد درجات بس بتحصل أحيانا و مش هتاخد حقك كامل أبدًا
يمكن مش هتاخده خالص إلا لو الورقة متشنفره خالص هيتصدق عليك بكام درجة بحيث ميأثروش فى التنسيق
حركة خبيثة سعات بيعملوها
حقك لن تأخذه إلا برفع قضية ببساطة و على حسب ما أسمع من الناس هتاخد درجاتك و تدخل متأخر شوية عن زمايلك
و بالتوفيق ،،،،،،،