ما رأيكم في فكرة عمل ماراثون جري في كل منطقة تحت شعار في حب الأزهر

[الأثري المالكي]

ما رأيكم في فكرة عمل ماراثون جري في كل منطقة تحت شعار في حب الأزهر
الماراثون شئ جميل موجود في كل الدول المتقدمة

[محمـد الشيخ على]

مع خالص تقديرى واحترامى لك اخى الفاضل

[محمـد الشيخ على]

احنا عايزين حقنا فى العلاوات المجرده والترقيات والماليات
واحنا نعمل كل اسبوع مارثون

[بنت الأزهـر]

وهل نحن دولة متقدمة؟

[الأستاذ أحمد راشد]

فكرة جميلة

وممكن تعرضها على وكيل الوزارة فى المنطقة ولو محتاج اى مساعدة انا معاك

[اسماعيل صمد]

ياريت نعمل مارثون جرى من الازهر

[أ/ سعيد موسى]

بالامانه فكرة جميله لكنها صعبه التنفيذ

[الفيلسوف]

فكرة متحضرة وراقية جداً بس للأسف هتواجه صعوبات سواء انتقاد ونكت عليها أو اعتراض من المسئولين
أحييك على الفكرة

[الأستاذ أحمد راشد]

يا جماعة الفكرة رائعة خاصة انها ستجد صدى واسع داخل الصحافة والميديا المحلية والعالمية

ولعلها تجد صدى عند اصحاب القرار

[زياد نورالدين]

مارثون فى حب الازهر ما شاء الله انا من كتر حبى للازهر عاوز احول تربيه وتعليم انا عاوزكم تسيبكم شويه من المثاليه زياده عن اللزوم والله الازهر اوشك على الانقراض هى فين الطلبه كل معهد فيه كام طالب ولما يفتح التحويل مش هتلاقى حد

واحنا المعلمين المثبتين حديثا اللى مشغلين كل المعاهد الان واحنا افضل عناصر فى الازهر الان اين حقوقنا اين العلاوات التى تم تجريدها اين الترقيات

ارحمونا بقى والله انا معى ناس خريجه تربيه وتعليم شغاله مسخره على الازهر ليل نهار ولا يعترفوا بالازهر وخريج الازهر وطالب الازهر خصوصا فى المواد الثقافيه ويبقى شوفو نسب النجاح وقارنوها بالتربيه والتعليم رغم الغش الموجود كتير فى الازهر والله عندنا نتيجه الشهاده الاعداديه فى المحافظة 27 % فضيحه والثانويه 32 % اما التربيه والتعليم الاعداديه حاجه وثمانون فى الميه

[علي أزهر]

يا إخواني والله أغلب المعاهد لا تجد طلابا انتظروا مفاجآت قريبا سيكون هناك إغلاق لبعض المعاهد لعدم وجود كثافة كافية
نحن نريد مارثون في إنقاذ الأزهر

[Pukka]

والمشايخ هتجري ازاي؟ انا متخيل رئيس المنطقة لو طلبت منه نجري هيقولي ما تجري الشوارع قدامك او ممكن يقولي استنى استطلع راي فضيلة وكيل الازهر عشان يعلن ان الماراثون سيتم تحت رعاية فخامته وبرعاية مباشرة منه .. دا اذا لم يطردني اصلا من مكتبه ويحولني للتحقيق مع جزا محترم من ابو 3 ايام .. موضوعك للاسف عامل زي واحد عايز يجمل ويزين بيته من بره وهو من جوه على الطوب الاحمر مع احترامي لحضرتك وللفكرة طبعا

[العشرى1020]

انا موافق ياجماعه نعمل كل شهر هذا الموضوع بس لوكلاء الوزارة

[حاتم سعيد]

مشكلة الازهر انه عامل معاهد علمى فى القرى بدون فائده وتجى الطلبه تغش اخر العام وخلاص بقا دكتور الولد .لكن مفيش مدرسين ولا العيال بتحضر اصلا ,احد المعاهد يوجد بها فصل علمى مدر س بيدرسهم كيمياء فيزياء احياء جملة واحده كده و يقلك اصلا العيال مخلصه المواد بالصيف وجدول عادى بس لسد العجز بالذمه دن نظام ولا تعليم وعاوزين نعمل مارثون احنا نعمل مارثون لانقاذ الازهر وتصفية كل القيادات اللى مش عارفه تاخد قرار فيه المصلحه . لابد من غلق العلمى بجميع القرى وتوزيع جداول المعلمين وغلق المعاهد التى لا توجد بها كثافة لحين اشعار اخر بكده هنوفر المدرسين ولا يوجد عجز ونخلق بيئة تعليميه صالحه وشكرا .....!!!!!!

[MR.Mamdouh Ramadan]

فكرة جميله لكنها صعبه التنفيذ