عنوان وميعاد اللجنة العمانية للتعاقدات

[starali]

حضرتك استاذ مصطفى ممكن استفسار
بالنسبه للاعلان اللى نزل يوم 14/8
مكتوب فيه مشرف داخلى ولماسجلت على موقع الوزارة مالقتش خالص
فهل ممكن يتصلم بى ولا هماكدا استكفم خالص
وشكرا

[مصطفى إسماعيل أحمد]

المشاركة الأصلية كتبت بواسطة starali

حضرتك استاذ مصطفى ممكن استفسار
بالنسبه للاعلان اللى نزل يوم 14/8
مكتوب فيه مشرف داخلى ولماسجلت على موقع الوزارة مالقتش خالص
فهل ممكن يتصلم بى ولا هماكدا استكفم خالص
وشكرا

طالما منزلين الإعلان يبقا محتاجين مشرفين داخلين ايلى عليك زى ما قلتلك إنك تتصل باللجنة أو حتى تروح بنفسك علشان تتأكد ووالله علشان مصلحتك قبل الرابط ما يقفل وعلى فكرة هما ازاى هيتصلوا عليك وانت ما قدمتش اساساً وحتى لو قدمت فى تخصص آخر ممكن يكون امتحان التخصص بتاعك فات معاده

[الاستاذ اسلمان]

ان حاولت مع كذا مكتب وقالولى انت اتأخرت لاننا عطينا اللجنة الاسامى بتاعتنا

[الاستاذ اسلمان]

لا يوجد الاسبوع المقبل امتحانات الا المقابلات فقط

[مصطفى إسماعيل أحمد]

المشاركة الأصلية كتبت بواسطة الاستاذ اسلمان

لا يوجد الاسبوع المقبل امتحانات الا المقابلات فقط

ههههههههه أستاذ / اسلمان إنت إتأخرت كتييييييييير أستاذ أسلمان معلهشى خدلك فكرة لبكرة وصدقنى مش هتندم

[الاستاذ اسلمان]

يا جماعة اللى يعرف مكتب مضمون يسفرنا يا ريت يقولنا

[منار على]

المشاركة الأصلية كتبت بواسطة الاستاذ اسلمان

يا جماعة اللى يعرف مكتب مضمون يسفرنا يا ريت يقولنا

وهو يعنى هيحصل حاجه فى البلد دى لو كل واحد خد فرصته بمنتهى عداله ومحدش اتعدى على حق حد خاصه ان دى مسابقه عقود حكوميه مش خاصه

[الاستاذ اسلمان]

هنعمل ايه يا استاذ مصطفى الامر لله مفيش حاجة صح فى البلد دى

[الاستاذ اسلمان]

يا استاذ مصطفى حضرتك انت والاستاذة منار معنى الكلام ده ان العمانيين اللى فى اللجنة بياخدوا فلوس من المكاتب ويمكن اللى بيطلع عن طريق سنة وبيتفنش وتانى سنة يطلعوا غيره لانه بقيت تجارة ولا رايكم ايه

[منار على]

المشاركة الأصلية كتبت بواسطة الاستاذ اسلمان

يا استاذ مصطفى حضرتك انت والاستاذة منار معنى الكلام ده ان العمانيين اللى فى اللجنة بياخدوا فلوس من المكاتب ويمكن اللى بيطلع عن طريق سنة وبيتفنش وتانى سنة يطلعوا غيره لانه بقيت تجارة ولا رايكم ايه

لا مااعتقدش يمكن يكون حد فى اللجنه بياخد فلوس وممكن بيدخلوا ليه الناس بتوعهم لكن اكيد مش كلهم يعنى لانى الصراحه لاحظت ان اغلب العمانيين ناس كويسه وباين عليهم الطيبه والاخلاق لكن لكل قاعده شواز والله اعلم وقرار تفنيشك او لا دا بيرجع هناك لاكتر من حد وبيعتمد على شغلك معاهم بس فيه حاجه انا افتكرتها خلتنى اخمن ان فيه حد معين بيدخله ناس معينين انا وانا هناك كنت واقفه جمب اللى بينادى الاسماء وكان مخبى الكشف مننا بس انا كنت واقفه جمبه وبصيت ولاحظت حاجه كان فيه حوالى اربع او خمس اسماء فى بدايه القايمه ومش ورا بعض متلونيين ولما لاحظ انى شفت الكشف اضايق بشكل واضح وخباه وسالت نفسى وقتها اشمعنى الكام اسم دول متلونين وملقيتش اجابه بصراحه لكن دلوقت ابتديت اشك بس مفيش اى تاكيد طبعا دا مش اكتر من تخمين

[منار على]

كبروا دماغكوا بقى ياجماعه لا حد بياخد رزق حد ولا حد بياخد نصيب حد

[مصطفى إسماعيل أحمد]

المشاركة الأصلية كتبت بواسطة منار على

كبروا دماغكوا بقى ياجماعه لا حد بياخد رزق حد ولا حد بياخد نصيب حد

والله عندك حق يا أستاذة منار خلاص كل واحد خد نصيبه والحمد لله على كل شئ وخيرها فى غيرها إن شآء الله وكل سنة وأنتم طيبين

[الاستاذ اسلمان]

ايه رأيك فى الكلام يا استاذ مصطفى وما الحل اذا

[الاستاذ اسلمان]

شكرا
على اجابتك الوافية

[الاستاذ اسلمان]

يا جماعة فى احد اصدقائى قال لى فى مكاتب بجوار اللجنة بتدخل الناس للامتحانات وكمان بتديهم نماذج الامتحانات بدون الواحد ما يقدم ولا اى حاجة وبعد الواحد ما ينجح يدفع للمكتب 22000 جنيه