عليك السؤال وعلينا الاجابة بإذن الله

[أ/ تامر صفوت]

بالنسبة للمنهج لسه مجاليش ربنا يسهل قريبآ
بالنسبة للمدة ممتدة ام لا
منذ شهر قالوا ممتدة طوال العام
ثم سمعت من زميل في الوزارة قال ممكن تكون ترم واحد فقط
لسه مش متأكد

[خالد البش]

انا شايف ان السؤال ده "ولكن اذا كان تخزين المعلومات بين( 5-10) ثواني يكون تبع اي انواع من الذاكرة ؟؟؟؟؟" غريب اوى و عجيب , يعنى اية التخزين من 5- 10 تتبع انهى ذاكرة ؟ التقديرات الزمنية دى حاجات كده تقريبية لا اكتر و لا اقل
دى مراحل ممكن تزيد ثانية او تقل ثانية مفيهاش اى مشكلة و مفيهاش اى اهمية , و لو كان بالمثل بقى فية سؤال على نفس النمط " لو ذاد تخزين المعلومة ل دقيقة او اتنين ده يتنمى لأى ذاكرة ؟
على فكرة يا استاتذة انتو بتركزو على أسئلة ليس لها اى قيمة علمية لأن الأزمنة دى حاجات تقريبية مش اكتر
على فكرة المدى الزمنى للذاكرة الحسية فى المنهج القديم كان نص ثانية بقدرة قادر بقى 5 ثوانى , ازاى بقى التغيير ده ؟
علشان تعرفو انه مجرد تقديرات لا تسمن و لا تغنى من جوع كل اللى يهمنا دخول المعلومة الذاكرة الطويلة علشان تبقى دخلت عقل الانسان و استقرت فيه
اخوكم الاستاذ /عمرو مصطفى
ماجستير علم نفس - دبلومة عامة فى التربية

[nenoonasr]

الله ينور عليك يا دكتور هو سؤال هايف

[د/هاشم درويش]

الحسية من 1 الى 5
القصيرة من 5 الى 30
طويلة المدى الاكثر من \لك والله اعلم

[عمرو محمد الدمرداش]

ممكن مثال يشرح ذاكرة قصيرة المدى وشكرا

[بلال الصاوى]

شرطى المرور عندما يلتقط رقم العربية المخالفة فهو يضع الرقم فى ذاكرة قصيرة المدى مدة لاتزيد عن 30 ثانية لكى يكتب هذا الرقم فى دفتر المخالفات

[nermo22]

تصفحت كتاب علم النفس الجديد للصف الثالث الثانوى ولقيت تغيرات فى موضوع الذاكرة عن السنة الى فاتت واظن انها اخطاء مثلا سعة الذاكرة الحسية مكتوب فى الكتاب" تسع عدد غير محدوده من المعلومات من ثانية الى ثلاث او خمس ثوانى" ازاى عدد غير محدود ومححدد فترة زمنية ثانيا السعة تسأل عن الكم ,ثانيا دوام المعلومات فى الذاكرة الحسية وقصيرة المدى من 10 :30 ثانية المفترض ان المرحلة الثانية من عمل الذاكرة اقوى من الاولى هل دى اخطاء ارجو الافادة

[ناصر حسن مصطفى]

سؤال من فضلك يا استاذ تامر هل الجزئية الخاصة بالذاكرة الحسية فى المدى التى تتشابه معها فى الذاكرة قصيرة المدى خطأ مطبعى أم مقصود وندرسه هكذا مع العلم انه فى العام السابق كان مداها محدود من 1-5 ثوان فهل السنة ديه أتغير مع غلاء الاسعار

[عمرو محمد الدمرداش]

من فضلكم هو منهج 2 ثانوى علم نفس واجتماع كام وحدة علم نفس وكام وحدة علم اجتماع

[أ/ تامر صفوت]

3 نفس و3 اجتماع
والمنهج موجود في منتدي علم نفس 2 ثانوي

[سيكي ميكى]

ارجو الرد السريع والصحيح الذاكرة الحسية السعه محدوده
الدوام محدود من 1:3:5 فيه فنسخة الكتاب كلام غريب السعة من 1:3:5 والدوام 10 :30 وده مش منطقى ايه الصح الله يكرمكم بسرعه

[المعلم الاول ارسطو]

المشاركة الأصلية كتبت بواسطة سيكي ميكى

ارجو الرد السريع والصحيح الذاكرة الحسية السعه محدوده
الدوام محدود من 1:3:5 فيه فنسخة الكتاب كلام غريب السعة من 1:3:5 والدوام 10 :30 وده مش منطقى ايه الصح الله يكرمكم بسرعه

الدوام : تحتفظ بالمعلومات لفترة قصيرة جدا تتراوح من ثانية إلى خمس ثواني ثم تنسى.
السعة : سعتها غير محدده .
ولكن نسخة الكتاب خطأ مطبعى تقريبا

[ايهاب_فكرى]

الاستاذ تامر صفوت المحترم
عندما تحدث الكتاب الجديد 2015 للصف الثالث الثانوى عن ظرق الاحتفاظ بالمعلومات فى الذاكرة والتى منها
{ التسميع الآلى } فان الشرح كان مبهم فيقول المؤلف
انه كلما كرارنا المعلومات فى اذهاننا فيتم الاحتفاظ بها فى ذاكرة المدى القصير بشكل عير متناه واعطى المثال اننا عندما نريد استدعاء قاعدة نحوية فلابد من الاستدعاء الحرفى لها .
عموما : تكرار المعلومة فى اذهاننا يساعد على بقاؤها فى ذاكرة المدى القصير خلال الفترة التى لاتتجاوز 30 ثانية وبعدها تنفل الى ذاكرة المدى الطويل وتستقر بها .
وهذا بجانب انه بعد استقرارها فى ذاكرة المدى الطويل حيث يتم اعطاءها معنى ويتم تنظيمها وتصنيفها فمن السهل استرجاعها الحرفى . هذا من وجهة نظرى ارجو أعادة النظر فى تلك الفقرة . وتفضلوا بقبول وافر الشكر والاحترام والتقدير

[طه محمد رضا]

هو كتاب علم النفس 2 ثانوى 2015 نزل منه نسخه ولا لأ
ارجو الافادة ،،،

[أ/ تامر صفوت]

نزلت نسخة منه في المثبت