هل تم الغاء التوزيع الجغرافى فى التنسيق هذا العام ام لا ؟؟

[masternew]

يمكن الموضوع مش فى القسم الصح انما لما جيت اضف الموضوع فى قسم اخبار النتيجه والتنسيق لم يسمح لى مش عارف ليه
المهم خلينا فى الموضوع وفى السؤال الى عاوز اجابه ضرورية بما ان لسه ايام قليلة على التنسيق

انا كنت قرأت من زمان فى الجرايد ان التوزيع الجغرافى تم الغاءه بعد تنسيق السنة الى فاتت يعنى مش هيتبق علينا والخبر ده موجود هنا
http://news.egypt.com/ar/index.php?o...5239&Itemid=63
بتاريخ 16 / 12 / 2007
ويقول :
قرر وزير التعليم العالي والبحث العلمي الدكتور هاني هلال، إلغاء نظام التوزيع الجغرافي، الذي تم الأخذ به خلال العامين الماضيين، بعد تعدد شكاوى أهالي طلاب الثانوية العامة.

ونقلت تصريحات الدكتور هاني هلال، بأنه سيسمح للراغبين بالالتحاق بالكليات المتشابهة في أي جامعة حكومية، بغض النظر عن مكان الإقامة، وأنه قرر إلغاء توزيع الطلاب الناجحين بالثانوية العامة علي الجامعات طبقًا للنظام الجغرافي، مشددا على أن إلغاء النظام الجغرافي، سيتبعه إعفاء الجامعات من تدبير أماكن إقامة للطلاب والطالبات بالمدن الجامعية.

وأكد هلال أن المدن الجامعية ستحصل على الأعداد المتاحة لها، طبقًا لأولويات المجموع، دون النظر إلي ابتعاد سكن الطالب عن مقر الجامعة التي التحق بها، مضيفا أن إلغاء التوزيع الجغرافي، استهدف القضاء علي شكاوى المواطنين، الذين التحق أبناؤهم بكليات لا تناسب مجموعهم بالثانوية العامة، وإتاحة الفرصة للطلاب للالتحاق بالكليات المتناظرة التي يرغبون فيها بالمحافظات المختلفة.

كما يذكر أن نحو 30 ألف طالب وطالبة تقدموا بتظلمات، وطالبوا الوزير بنقلهم لكليات متناظرة أو تناسب مجموعهم، وتم تسوية نحو 5 آلاف طلب منها فقط، وحالت إمكانات الكليات دون قبول جميع طلبات المتظلمين.

ومن المقرر أن يتم مناقشة إلغاء التوزيع الجغرافي قريبًا، في اجتماعه بالمجلس الأعلى للجامعات، للتنسيق مع رؤساء الجامعات، تمهيدًا لإقراره، وتطبيقه العام الدراسي الحالي.

ويذكر أن نظام التوزيع الجغرافي تم إلغاؤه منذ عشرين عاما، وعاد هاني هلال وقرر العمل به منذ عامين فقط، قبل أن يقرر الآن إلغاءه مرة أخرى


ولاكن المفاجأة لى فى المقال الموجود على هذا الموقع :
http://www.thanwya.com/arabic/index....id=62&Itemid=1

وجاء فيه جملة غريبة جدا وهى "مشيرا الي ثبات جميع قواعد التوزيع الجغرافي كما هي مثل العام الماضي عدا كليات القاهرة الكبرى"

فهل معنى ذلك ان التوزيع الجغرافى الغى ام لأ؟
ارجو الايضاح من المختصين

[Sharp Nails]

ازاى يعنى هيلغى التوزيع الجغرافى
هى ناقصة مايتهدوا بقى

[basmala]

المشاركة الأصلية كتبت بواسطة ملك اليمين

هى ناقصة مايتهدوا بقى

:D:D.........

[masternew]

يا جماعه خبر الغاء التوزيع الجغرافى قديم و كان اكيد و مفيش فيه شك انما الى مكتوب النهرده فى المقال ده خلانى استغرب
فياريت حد يفيدنا بالجواب الفصل

[masternew]

يا جماعة حد يرد عليا ويفهمنى الوضع دى النتيجة النهارده

[masternew]

التنسيق يوم السبت ومحدش عبرنى لحد دلوقتى ليه

[اوركيديا]

ايوه
التوزيع الجغرافى ثابت و متلغاش و لا حاجه
بس الجديد انك اذا كنت فى بلد مثلا القاهره
و عايز تدخا طب القاهره بس مش جايب مجموعها
وجايب مجموع طب اسيوط مثلا
يبقى تقدم على طب اسيوط و بعدين تحول على طول
بدون حتى ما تاخد فيها اعدادى زى الاول
وتبقى فى طب القاهره عادى
وده للم شمل العائله على حسب كلام الوزير
و انا متاكده ان التوزيع الجغرافى عادى ماشى
عشان انا باباى دكتور فى الجامعه
ياريت اكون افدتك
فى رعايه الله

[masternew]

امل ايه الى كان اتقال قبل كده فى الجرايد ؟؟؟
وكده ظلم ان الواحد يخش مثلا طب القاهرة منغير ميجيب مجموعها ؟؟؟ امال التنسيق فائدته ايه؟؟

[اوركيديا]

ايوه
التوزيع الجغرافى ثابت و متلغاش و لا حاجه
بس الجديد انك اذا كنت فى بلد مثلا القاهره
و عايز تدخا طب القاهره بس مش جايب مجموعها
وجايب مجموع طب اسيوط مثلا
يبقى تقدم على طب اسيوط و بعدين تحول على طول
بدون حتى ما تاخد فيها اولى زى الاول
وتبقى فى طب القاهره عادى
وده للم شمل العائله على حسب كلام الوزير
و انا متاكده ان التوزيع الجغرافى عادى ماشى
عشان انا باباى دكتور فى الجامعه
ياريت اكون افدتك
فى رعايه الله