يافنانو المستقبل عندى ولد موهوب جدا هل يوجد دراسات حره

[bahaaeldeen]

المشاركة الأصلية كتبت بواسطة social_worker

:av4056b b7jp3::a v4056bb7jp3:

السلام عليكم ورحمة الله وبركاته ...
أولا أشكر حضرتك على الإستجابه لمناشدتى
ثانيا هذا الطالب بالصف الثانى الثانوى فنى تجارى وأنا الأخصائيه الإجتماعيه بالمدرسه اللى هو فيها لكن الولد موهوب فعلا وبيرسم بورتريهات لعظماء وممكن أحمل لك بعض من رسوماته لأنى مصوراها أما بالنسبه لدخوله مسابقات بما إننا فى مدرسه فنى لايوجد عندنا مدرس تربيه فنيه لكى يستطيع تنميه هذه الموهبه ولكنى منذ اكتشفت هذه الموهبه وأنا أقوم بإدخاله مسابقات فنيه وأبحث عن المسابقات الفنيه فى كل الأنشطه لإخاله فيها لتنمية موهبته لكنى أعتقد إنه لو كان فيه حد متخصص ح ينميه بصوره أفضل ويطور موهبته هو ليس إبنى لكننى متحمسه جدا له ومسانده لموهبته
لى سؤال هل كليه الفنون بالزمالك تقبل من الحاصلين على ثانوى تجارى أم لا ؟
ولو الكليه مابتقبلش طيب كيف ومتى استطيع تقديم له مع الدكاتره وكيف اعرفهم وماهى الرسوم المطلوبه والأوراقالمطلوبه ايضا ؟

يا افندم احنا تحت امر حضرتك بجد والله
الحقيقة ان فنون بتقبل شهادات دبلومات بس 5 سنين وقسم عمارة بس
لكن ممكن يقدم تربية فنية او نوعية وقريبة ف نفس المجال برضو
الاجراءات المطلوبة بعد امتحان الثانوية العامة يقدم ف امتحانات القدرات ويسحب استمارة من مكتب التنسيق
يا اما يستنى لما يخلص كلية ويقدم دراسات تحضيرية ف الكلية بتكون مدتها 6 شهور
او يشارك فى مسابقات الكلية اللى بتعلن عنها ع طول وبكدة يطور من نفسه اهم حاجة انه ميركنش الرسم خالص عشان مستواه يتحسن ويوصل لاعلى مرحلة ممكنة
احنا ف مصر محتاجين فنانين بجد يبقى ليهم اسمهم ف العالم كله
بالتوفيق باذن الله واى حاجة انا تحت امركم فيها بجد وجزاكى الله كل خير يا افندم