عااجل : دبلومه تربوى عام جامعه الازهر ولا القاهرة

[قوووت القلوووب]

السلام عليكم

من فضلكم ضروري أنا مدرسه بالعقد وعاوزه اتأكد من كذا نقطه بخصوص دبلومة التربوي والتثبيت الي قال عنه الوزير في اكتوبر 2013 :

- هل يعتمد التثبيت في التربية والتعليم أن لزم اكون معايا دبلومة التربوي ؟

ودلوقتي انا عاوزة اخد التربوي بس للاسف بجامعة القاهرة والزقازيق قفلت التسجيل

دلوقتي في فرصة في جامعة الازهر بالزقازيق اني اخد تربوي الازهر

فهل هو نفس الغرض يعني مفيش اختلاف بينهم في التتقديم او التثبيت في ووارة التربية والتعليم ؟

لاني خايفه بعد مااخد تربوي الازهر يقولو انه مينفعش ولزم اخد تربوي في جامعه عامه زي القاهره

لان اخر معاد للتقديم هو بكره وعاوزة اخد قرار سريع أأقدم ولا لاء

وياريت الي يعرف نظام التدريس والتقديم ولحضور بالنسبه لتربوي الازهر

ياريت النصيحه

[bebo the one]

النهاردة الخميس وبكرة الجمعة أجازة .. إزاي آخر موعد للتقديم بكرة؟

[اللورد المشاكس]

لا مفيش اى فرق بين الاثنين

[almogahed]

اخى الكريم

الدبلوم العام تربوى الازهر معترف به فى وزارة التربية والتعليم

لى بعض الزملاء اتموا دراسة الدبلومة فى الازهر وفى انتظار النتيجة الان

نظام الدراسة فى الازهر

عدد المواد 18 مادة بالاضافة الى 6 مواد شرعية تضاف الى مواد الدبلومة لغير خريجى الازهر مصاريف الدبلومة 550 جنيه

المصاريف هذا العام الف جنيه حسب ما ورد الى من معلومات .

هذا ان ايضا نظام الدبلومة فى الازهر ليس فيه ترمان بل التقديم فى شهرى 8و9 و الامتحان كل المواد فى شهر 9 اى سنة كاملة و عليه ان تستنتج ان جدول امتحاناتك سيكون 21 يوم فى الشهر الاول للعام الدراسى
و انت تعلم صعوبة الاجازات فى هذا الشهر الا اذا كان هناك مرونة و علااقات جيدة بينك و بين ادارة المدرسة

ملحوظة كلية تربية جامعة حلوان يتم فتح التقديم للدبلومة مرة اخرى فى نصف العام الدراسى القادم و هسئلك ان كان ممكن تقدمى وتلتحقى ان كانت اوراقك جاهزة فى حلوان
بالتوفيق

[mr_mgm]

السلام عليكم ورحمه الله وبركاته

المصاريف 1010
تضاف اليك مواد ازهريه لتصبح عدد المواد 23
الدراسه ثلاث ايام في الاسبوع (خميس & جمعه & سبت )
بتجيب افاده من الازهر انك في التربوي وبتاخد الخميس اجازه من المدرسه
ايام الامتحانات بتخدها اجازه بناء علي جدول الامتحانات
لا يوجد ترم كل المواد تمتحنها في شهر 9
لا يوجد لك تربيه عملي
شرط اساسي للتعين (icdl - دبلوم تربوي - شهاده الاكاديميه )

[الاستاذ عوض على]

الامتحانات فى شهر 8 - 2014 عقب اجازة عبد الفطر مباشرة وتنتهى قبل أن تبدأ الدراسة وبالتوفيق