المرأة والبندقية متشابهتان..

[لافانيا]

يوم أمس قرأت موضوع نقاش علي صفحة نجوم اف ام علي الفيس بوك
قام ادمن الصفحة بنشر موضوع للنقاش وهذا الموضوع خاص لصديق له خائف من الارتباط او الزواج لانه يري انه لا يوجد فتيات محترمات وان المجتمع اصبح مجتمع عاهرات، وانه لم يرتبط حتي الان باي فتاه ، وانه علي وشك انه يشك باخته ايضاً

من الطبيعي جداً يحصل هلوسات ماقبل الزواج لأي شاب ، وكل رجل له منظوره الخاص عن المرأة وده بيرجع للعالم اللي عايش فيه والبيئة بتاعته.
يعني متجيش تاخد رأي واحد عايش في قريه فقيرة مفيهاش تليفزيون وكل ام واخت وزوجه في القرية دي لابسه الايشارب علي راسها 24 ساعة وتجيبه القاهرة وتنزله سيتي استارز الساعة 10 بالليل في الصيف وتخليه يشوف الميني جيب وكمان الحملات والكات ، حُكم اغلب الشباب والرجال علي المرأة من خلال المظهر غلط جداً ...
انا مش في صف البنات بالمرة بالعكس انا بحب اكون حياديه في موضوعي جدا ، انا كبنت تعبت جدا بسبب الحاجات اللي بواجهها بسبب بعض البنات اللي بأفعالم وبتصرفاتهم قاموا بتشويه صورة البنات،
ومش معني كده ان الرجاله ملايكة يعني ، بص لوجه المرأة واحكم عليها بعكس مانت فاهم بلاش الحكم السريع.
بلاش تخلي المرأة لعبتك تبقي تسلايه ليك حابب تتسلي تتسلي بيها حابب تضحك تضحك عليها ، حابب تنسي تنسي بيها وترجع تقول العيب فيها .
وانا بحمل المجتمع اللي احنا عايشين فيه المسؤليه لانه بيساهم في وجود اماكن الخبث والخبائث ، والبؤر الفاسدة الموجودة في المجتمع في كل الأوساط .
فـ المرأة والبندقية متشابهتان.. لايمكن للمرء العبث بها
يا صديقي العزيز لا تخوض في اعراض الفتيات منهم من هي اختك ومن هي امك ومن ستصبح ام ابنتك ، وربنا قال في كتابه الكريم "الطيبون للطيبات والخبيثون للخبيثات" صدق الله العظيم .

بانتظار رأيكم
تحياتى

[modym2020]

من الطبيعي جداً يحصل هلوسات ماقبل الزواج لأي شاب ، وكل رجل له منظوره الخاص عن المرأة وده بيرجع للعالم اللي عايش فيه والبيئة بتاعته.

الهلوسات دى من اللى بيسمعه وبيشوفه وبيعمله
واللى فى بيئة كويسة حيعرف ناس كويسة وحيعرف ان فى كتير محترمين شباب وبنات

ومش معني كده ان الرجاله ملايكة يعني

كلنا بشر
الغلط على الاتنين شاب أو فتاة

وانا بحمل المجتمع اللي احنا عايشين فيه المسؤليه لانه بيساهم في وجود اماكن الخبث والخبائث ، والبؤر الفاسدة الموجودة في المجتمع في كل الأوساط .

المجتمع عليه مسئولية أيوة
لكن اللى بيغلط يتحمل غلطه تحت أى ظروف والمجتمع مش شماعة نبرر بيها الغلط

يا صديقي العزيز لا تخوض في اعراض الفتيات منهم من هي اختك ومن هي امك ومن ستصبح ام ابنتك

نصيحة من ذهب
على الجميع أن يحترم الآخرين حتى وإن كانوا مخطئين

وربنا قال في كتابه الكريم "الطيبون للطيبات والخبيثون للخبيثات" صدق الله العظيم .

دى الخلاصة
إن الله لا يظلم الناس شيئا
" اعمل ما شئت كما تدين تدان "

شكرا جزيلا للموضوع

[abousna]

هذا تشبيه خاطئ وان صح فالبندقية تستخدم للدفاع (واعدوا لهم مااستطعتم من قوة) وان كانت البندقية في يد عاقل فانه سيحسن استخامها وكذلك المراة من عرف قيمتها وقدرها فان الحياة ستكون رغدة

[life goes on]

موضوع جميل جزاك الله خيرا

[samar tawfik ali]

اولا شكرا جدا على الموضوع المتميز
انا اظن ان الفساد جاى من النحيتين البنات والولاد البنات ولبسها طبعا والولاد ومابيرحموش من الكلام والفعل
وبعد كده انا بحس ان البنات بتقلد وخلاص اى حاجه تشوف الاجانب لبسنها يلا البس زيهم علطول اللى حطه سلكه على وشها واللى مبينالى شعرها واللى مشمره كمها حاجه اخر قرف والله
يلا ربنا يهدى الجميع

[ana_ahmed_bahgt]

والله انا عن نفسي بحترم كل البنات ومش بشتم في اي بنت وبقول كده لاي واحد علشان ميتقالش نفس الكلام علي اختي او علي بنتي في المستقبل او اختي حاليا والمفروض ان كل واحد يحط الكلمه دي في راسه علشان يحذر نفسه " يا من تعبث باعراض الناس .... افعل ما شئت فان الديان لا يموت وكما تدين تدان "

[غازي محمد]

تلك هي مشكلة مقعدة شوية
نعم الشخص الذي سوف يقدم على الزواج كل الاحتمالات يضعها في الحسبان فيما يتعلق بالفتاة التي يريدها زوجة له
الهلوسه قد تقوده الى بعض الاحتمالات لكن للشخص عديم الثقة بنفسه لا للشخص الطبيعي
فهذا الشخص يتصور مثلا حتى لو على ثقة تامه بأن الفتاة محترمه الا انه يخشى بعد الاترباط يتغير سلوكها وعاداتها

مثلا ماذا لو كان الشخص عديم الثقة او مريض نفسيا مستواه المعيشي ضعيف عاجز عن تلبية معظم الطلبات التي ترغب بها الزوجه
يظن ربما تنفر منه وتبحث عن شخص آخر غني ترتبط معه بطريقة غير شرعية


وحتى لو يعترف بأنه يعاني من حالة نفسيه هل ستتحمله وتتصبر طوال حياتها معه ؟
اور ربما يوم من الايام يتجرأ على خيانتها فيظن بانها سوف تنتقم منه وستلجأ بنفس اسلوبه مع شخص آخر



نعم هناك امور اجتماعية شائكه يرجع السبب الى الزوج نفسه

ان كان يرى نفسه بهذه الطريقه فالافضل له ان يظل اعزب
او يغير من عاداته ان اراد الاستقرار والزواج

[مروة محمد فراج]

موضوع جمييييييييل جدااااااااااا
جزاكى الله كل خير

[نسيــــــم الجنـــــــــة]

الاقدام ع اى خطوة هامة بحياتنا .. طبيعى يسبب لنا بعض القلق

...........
...
..


فلكل شىء ايجابياته وسلبياته

ولان الزواج والارتباط .. عُمر فبديهى اننا نحرص ع الاختيار


......
...
..


بالنسبة للحكم ع اى شخص .. رجل او امراة
...
..


بيكون وفق نظرتنا احنا للشخص وللحياة عموما


لان ف حد بيشوف ديما الخير فيما يواجهه .. فالشخص دا بحكمه هيكون حيادى


وف حد عموما بحياته قلق.. وبيشوف الوحش



المجتمع

عليه عاتق لكن بالنهاية البيئة الصالحة .. لن تنتج الا اشخاص اسوياء



تصرفاتهم قد تتغير لاسباب لكن الاصول صلبة




نصيحة للجميع

لتحصل ع حياة مختلفة ونقية .. ابحث عن النقاء داخلك قبل ما تطلبه من غيرك




مشكوووورة لافانيا ... مميزة دوووما بموضوعاتك

موفقة حبيبتى

[لافانيا]

المشاركة الأصلية كتبت بواسطة modym2020

الهلوسات دى من اللى بيسمعه وبيشوفه وبيعمله
واللى فى بيئة كويسة حيعرف ناس كويسة وحيعرف ان فى كتير محترمين شباب وبنات

كلنا بشر
الغلط على الاتنين شاب أو فتاة

المجتمع عليه مسئولية أيوة
لكن اللى بيغلط يتحمل غلطه تحت أى ظروف والمجتمع مش شماعة نبرر بيها الغلط

نصيحة من ذهب
على الجميع أن يحترم الآخرين حتى وإن كانوا مخطئين

دى الخلاصة
إن الله لا يظلم الناس شيئا
" اعمل ما شئت كما تدين تدان "

شكرا جزيلا للموضوع

صح كلام حضرتك كلنا بشر وبنغلط
لكن منقدرش نعمم الاخطاء ديت
وكل شحخص مسئول عن سلوكه
قدام ربنا ونفسه والمجتمع
ومينفعش نعمم ع الجميع ونتهمهم بالباطل
نورت الموضوع
تحياتى لحضرتك

[لافانيا]

المشاركة الأصلية كتبت بواسطة abousna

هذا تشبيه خاطئ وان صح فالبندقية تستخدم للدفاع (واعدوا لهم مااستطعتم من قوة) وان كانت البندقية في يد عاقل فانه سيحسن استخامها وكذلك المراة من عرف قيمتها وقدرها فان الحياة ستكون رغدة

ايوه حضرتك ما هنا البندقية مستخدمة للدفاع عن المرأة
لان اخطاء فردية بيعمموها على ال*** اللطيف كله
وده غلط ومع حضرتك حق اللى بيعرف يقدر
وجود المرأة بهيبقى من اسعد البشر
لانها بالمقابل هتقدره وتسعده
تحياتى لحضرتك
نورت الموضوع

المشاركة الأصلية كتبت بواسطة اسماء ماهر55

موضوع جميل جزاك الله خيرا

تحياتى لحضرتك
نورتى الموضوع

المشاركة الأصلية كتبت بواسطة samar tawfik ali

اولا شكرا جدا على الموضوع المتميز
انا اظن ان الفساد جاى من النحيتين البنات والولاد البنات ولبسها طبعا والولاد ومابيرحموش من الكلام والفعل
وبعد كده انا بحس ان البنات بتقلد وخلاص اى حاجه تشوف الاجانب لبسنها يلا البس زيهم علطول اللى حطه سلكه على وشها واللى مبينالى شعرها واللى مشمره كمها حاجه اخر قرف والله
يلا ربنا يهدى الجميع

ايوه انا متفقة معاكى اى حاجة بتقلدها ع البنات من غير ما تختار المناسب
اللى يليق بها ومجرد تجرى ورا الموضو خلاها تفقد احترامها قدام الشباب
الا طبعا قلة من البنات
تحياتى لحضرتك نورتى الموضوع