استفسار من طالب 3 ثانوي

[NeMo95]

السلام عليكم
يا جماعة انا طالب 3 ثانوي أدبي
وكنت عايز اعرف ايه افضل كلية للتجارة القاهرة ولا عين شمس ولا حلوان
وبالنسبة للمواد هيبقى فيه مواد علمية ورياضة وكدة ولا كلها حاجات أدبية حفظ؟
عشان انا بكره مواد العلمي جداً ومبحبش المواد الرياضية
وياريت الردود تبقى من غير تريقة
مستني ردودكم, وشكراً مقدماً

[mohamed_gad_]

والله اللي اعرفو ان التلاته كويسين ومستواهم احسن من الاقاليم لكن انهي الاحسن فمعرفش اما عن الدراسه
ف المحاسبه مثلا مفهاش شغل رياضه هي بتحفظ ازاي تسجل البيانات في الدفاتر البيانات الماليه بس بتتسجل بطريقه معينه هي دي المحاسبه باختصار ودي اللي معظم الناس بتتخصص فيها يا اما ادارة والادارة كلها حفظ طبعا بتحاول تفهم الكلام عشان الشغل هيعتمد عليه بس كلها رغي وكلام دول المادتين اللي بتتخصص في واحده منهم في تالته وانصحك محاسبه

اما باقي المواد عشان مرغيش كتير نفس الحوار كده بس بتاخد ماده واحده رياضه عامله زي رياضة الثناويه العامه اشتقاق ومعادلات ترسم منها منحنيات وس وص والكلام ده بس بتبقي ماده واحده وبتدرسها في اوله وتانيه بس

يعني من الاخر تجارة مش شبه المواد العلمي اللي في دماغك الفيزيا والكيميا تجارة فيها فهم وحفظ بس الحفظ اكتر في كل المواد

ربنا معاك