سوال مهم رد عليا فيه

[Grand_Dreams]

بسم الله الرحمن الرحيم

لو سمحت حد يرد عليا ويكون واثق من الرد

1)انا مش فاهمه ايه الفرق بين المرحله الاوله والمرحله التانيه فى التنسق الثانوية العامه
2) انا دلوقتى عايزه ادخل تجاره و مجموعى كان فى تانيه 75% وتالته لسه مش ظهرت النتيجه بس انشاء الله حيكون احسن من تانيه فا انا طبعا مش حلق كليه تجاره انتظام بس ممكن الحقها انتساب وطبعا الامل فى الله وحده وكليه تجاره السنه ال فاتت انتساب طنطا وخده من 75% فا انا علشان ادخل انتساب بيكون فى المرحله الاوله ولا التانيه وعلى فكره انا كمان ادبى

ارجو حد يرد عليا لو سمحت

[3olomgy]

لا مش هتبقى الاولى ...ممكن التانية وهيبقى مكتوب فى الجرايد الحد الادنى للمرحلة الاولى وكل مرحلة كذلك
ربنا يوفقك

[Grand_Dreams]

المشاركة الأصلية كتبت بواسطة 3olomgy

لا مش هتبقى الاولى ...ممكن التانية وهيبقى مكتوب فى الجرايد الحد الادنى للمرحلة الاولى وكل مرحلة كذلك
ربنا يوفقك

شكرا جدا على الاهتمام والرد

[miss charisma]

طلبة الثانوية العامة كلهم بيتقسموا على 3 مراحل على حسب المجموع بحيث ان المرحلة الاولى فيها اعلى مجاميع و دول اللى ليهم فرصة اكبر فى دخول الحاجة اللى عايزينها
المرحلة التانية للناس اللى فى النص و اغلبية كليات القمة بتاخد كفايتها من الطلبة فى المرحلة الاولى و بيتبقى الاقاليم منها و معاها الكليات اللى هى مش قمة
اللى بيكون فى المرحلة التالتة غالبا بيدخل معاهد على ما اظن

مش انتى اللى هتحددى انهى مرحلة .. التقسيم بيتم على حسب المجموع و انتى تقدرى تختارى اللى انتى عايزاه فى الرغبات بقى