ايه الفرق بين المعاهد الخاصة للحاسبات زى الشروق و الكليات الحكومية ؟؟

SilveR_SurfeR · #1 30-08-2013, 02:58 PM

انا جاتلى كلية تجارة عين شمس شعبة انجلش بس انا مش حابب انى ابقى بشتغل فى بنك و كدة و انا حابب الكمبيوتر و ميولى فى الكمبيوتر احسن بكتير ... و طبعا بما ان انا هدفع فلوس فى تجارة انجلش و هى حوالى 6000 جنيه كل سنة مع انها كلية حكومة فأنا فكرت انى ادفع الفلوس ديه فى حاجة بحبها و ادخل حاسبات و معلومات خاصة ... بس انا معرفش معلومات كتيرة عن الخاصة ... هل المواد و الاقسام فى كليات الخاصة تفرق عن مواد الحكومة ؟؟؟ ... هل فى الشغل بيفرَّقوا بين خريج الحكومة و خريج الخاص ؟؟؟ ... و هل يا ترى هيبقى ليا نصيب فى النقابة اللى هيعملوها زى خريج الحكومة؟؟؟ ...
(يعنى من الاخر ... هل الفرق بين الحكومة و الخاص هو انى بدفع فلوس بس لكن مفيش فرق فى المواد و البكالريوس ؟؟؟)
اخر سؤال بقى و معلش انى طولت ... ايه هى افضل كلية حاسبات خاصة ؟؟ ... الشروق ولا العاشر ولا العبور ولا فيوتشر اكاديمى ولا ايه ؟؟؟ ... مع العلم انى جايب 91.3% ... مع انى فى 2 ثانوى كنت 97%
ارجو الرد بسرعة لو سمحتوا

Eng.Mo'men · #2 30-08-2013, 08:24 PM

لا المواد هي هي ,, الشهادة هي هي ,, ليك الحق فى التسجيل فى النقابة بشرط انك تكون علمي رياضة وداخل حاسبات ومعلومات المعتمدة مش اي معهد حاسب آلي او نظم ومعلومات ,, لا الخاص كويس جدا ودا بيفرق من معهد لمعهد ,, العاشر والشروق احسن 2 وبعدهم ع طول العبور ,, ربنا يوفقك قدم فى الاقرب لك المهم تكون معتمدة .

SilveR_SurfeR · #3 31-08-2013, 11:59 AM

طب الاقسام اللى في الكليات الحكومية اكتر من الخاصة ... ده معناه ان الحكومية احسن ولا ايه ؟ ... يعنى تقريبا كدة المعهد العالى للحاسبات و المعلومات بتاع الشروق ده مفهوش غير قسم واحد بس اللى هو قسم علوم الحاسب ... انما القسمين التانيين دول بتوع تجارة ... صح ولا انا مش فاهم ؟

Eng.Mo'men · #4 31-08-2013, 07:27 PM

ايوة بالظبط كدا

دي مش اقسام فى المعهد دي شعب تانية خالص كأنها معاهد تانية

وبيتكتب خريج ادارة اعمال او نظم ومعلومات

SilveR_SurfeR · #5 31-08-2013, 09:42 PM

تماااااام شكراً

Eng.Mo'men · #6 01-09-2013, 02:26 AM

حبيبي انت تؤمر