ما هو نظام الثانوية العامة لـ 2013/2014 للصف الثالث الثانوى القادم

[محمد كلاى 1]

ما هو نظام الثانوية العامة لـ 2013/2014 للصف الثالث الثانوى القادم

أنا تعبت الصراحة من كثرة الأسئلة

1- كل ما أسئل أستاذ عن المواد : اللى يقول لى 11 مادة و الرياضيات للشعبتين علمى علوم و علمى رياضة

واللى يقول 6 مواد

و اللى يقول المواد كلها بتاعت العلمى

فصراحة العبد لله يريد أن يعرف أيه هى المواد اللى هندرسها
( الصف الثالث 2013/2014 )

2 - القصة
هل قصة الأنجليزى و العربى .... إلخ
هيتلغوا و لا فى قصص هتتلغى من مواد و مواد لا
و لا مفيش حاجة ملغية و لا أيه

3 - تالت حاجة و اللى أنا أكتشفتها بنفسى و لوحدى و الله العظيم
أن البلد دى ماشية بالبركة و دعاء الوالدين

شكرا لكل من أهتم بموضوعى أو سيهتم أو بيفكر أنه يهتم

والسلام عليكم

[احمدالمدريدي]

يبني راجع القرار رقم 88 لسنة 2013 وانت تعرف

[Islam_sokar]

سيبك من الهرى ده كله >> واسمع .... علمى علوم (( عربى + انجليزى + المانى + احياء + فيزيا + كيميا )) + المواد اللى مش بتنضاف للمجموع زى الدين والحاسب الالى والانشطة والجيولوجيا برضو مش بتنضاف ...

أما علمى رياضة ... نفس المواد بالظبط .. ماعادا هيخدوا رياضة 2 .. بدل الاحياء ....

أما بالنسبة لموضوع القصص ده .. فأنا معرفش الصراحة )

[hanan150]

الى اعرفه ان منهج اللغه الانجليزيه زى ما هو وده اخر كلام الناشرين للكتب الخصوصيه
والقصص كلها موجوده زى ما هى
هذا حتى الان الى اشعار اخر
وربنا يصلح الحال

[عبد المقصود مصطفى]

يعنى دا بالنسبة لمين 2 ولا 3 ؟؟

[asmaa232]

باختصار النظام نزل من زمان وهو
علمى علوم "" عربى _ انجليزى _ لغة تانية _ أحياء _ كيمياء _فيزياء ""

علمى رياضة ""عربى _ انجليزى _ لغة تانية _ رياضة 2 _ كيمياء _فيزياء ""

بالنسبة لمواد أدبى للأسف مش عارفة

وهيبقى فيه مواد لا تضاف للمجموع للعلمى كله وهى ..
تربية دينية _ مواطنة _ جيولوجيا
ملحوظة مش هيكون فيه حاسب كمان

والقصص للأسف لسا موجودة وبالفعل فيه مدرسين بدؤا فيها سواء العربى او الانجليزى

[AhmedIbrahimElsayed]

تمام شكرا لصاحب الموضوع على السؤال وشكرا للى جاوبو على السؤال

[سلمى يكن]

والله اللى اخر قرار نزل زى ما asmaa22 قالت
يعنى هو دة اخر كلام اتكتب

[Asa7be Wawa]

أراهنك أن الوزير نفسه مش عارف النظام حيكون بتاعكوا حيكون ازاى

[هبة محمد2011]

ياريت اللى يعرف حاجة عن النطام الجديد للقسم الادبى يفيدنا

[alone girl]

ده اخر كلام http://thanwya.com/vb/showthread.php?t=541771

[احمدالمدريدي]

أكد محمد نادر آمين اتحاد طلاب مدارس مصر، أن الدكتور محمود أبو النصر، وزير التربية والتعليم، اعتمد توزيع درجات الثانوية العامة الجديدة، كما اقترحها أعضاء المجلس التنفيذي بالإتحاد، ليكون هو أخر تعديل للنظام وهو النهائي، لافتا إلي أن الوزارة وستنشره علي موقعها الرسمي تحت مسمي "تعديلات القرار الوزاري رقم 88 بشأن نظام الصف الثالث الثانوي".

وأوضح نادر، في تصريحات خاصة لليوم السابع أن طلاب الثانوية بمختلف الأقسام سيدرسون 3 مواد أساسية هم "اللغة العربية من 80 درجة، واللغة الأجنبية الأولى من 50 درجة، واللغة الأجنبية الثانية من 40 درجة.

أما عن المواد التخصصية، فقال إن طلاب شعبة العلمي علوم، سيدرسون مواد "الكيمياء من 60 درجة، والفيزياء 60 درجة، والأحياء 60 درجة، والجيولوجيا من 60 درجة، وشعبة العلمي رياضة، "مواد الكيمياء 60 درجة، والفيزياء 60 درجة، والرياضيات التطبيقية 60 درجة ، والرياضيات البحتة من 60 درجة"، وشعبة الأدبي مواد "التاريخ 60 درجة، والجغرافيا 60 درجة، والفلسفة والمنطق 60 درجة، وعلم النفس والاجتماع 60 درجة".

وأضاف، أن النظام الجديد أقر بوجود إعادة قيد للطالب مرة واحدة، ثم يحول إلي نظام منازل وذلك في حال تغيبه 15 يوم متصلة أو 30 يوم منفصلة، وبالنسبة للقصص المقررة فأن اللغة العربية قصة " عبقرية العقاد "، واللغة الأجنبية الأولي قصة " the prisoner of zenda "، مشيرا إلي أن طلاب جميع الشعب ستدرس 3 مواد لا تضاف للمجموع " التربية الدينية، والتربية الوطنية، والاقتصاد والإحصاء.

وقال نادر، إن مواد " الكيمياء، والفيزياء، والأحياء، والتاريخ، والجغرافيا، والفلسفة والمنطق، وعلم النفس والاجتماع"، سيستكمل الطالب باقي المنهج ولن يتم إضافة أي جديد عليه، عل عكس مادة الجيولوجيا سيتم حذف أجزاء من المنهج ولن يتم دراستها كاملة، وطلاب العلمي رياضة سيتم إضافة جزء المستوي الرفيع على المنهج المقرر.
المصدر http://www.youm7.com/News.asp?NewsID=1217411 او http://moheet.com/news/newdetails/70...87%D8%A7-.html
دول بتاريخ النهاردة