هام جدا ارجو الرد بخصوص تجارة والكليات الاقليمية

[samir mohammedd]

السلام عليكم
ارجو الرد
انا لو قدمت فى تجارة عادى علشان ادخل شعبة انجليزى ولاقيت انى مش هاقبل معنى كده انى هافضل فى التجارة العادية ولا عادى ينفع احول الى الكلية اللى انا كاتبها بعدها فى الرغبات ولا ايه؟؟؟؟؟؟؟
يعنى ايه تجارة انتساب او اداب انتساب؟؟؟؟؟؟؟؟.
يعنى ايه كلية اقليمية مثلا زى طب بيطرى الوادى الجديد اقليمى او طب بيطرى مطروح اقليمى ؟؟؟؟؟؟
ارجو الرد وشكرا

[GHOST_LioNeL AndRes MesS]

اولاً انتة بتخش تجارة وبعدين بتدخل تنسيق داخلى وتكتب انجليزى لو متقبلتش بتخش تجارة عربى فى حالة انك عاوز تحول بتنتظر لما العام الدراسى يخلص وتحول الى كلية آخري فى التنسيق بتاع السنة اللى دخلت الكلية فيها بشرط انك تكون كنت جايب مجموعها .

اما بالنسبة لنظام الانتساب فدة بيكون لبعض الكليات زى تجارة واداب ....الخ
ودة بياخد مجموع اقل من الانتظام (اللى هو المجموع بتاع الكلية العادى بتاع التنسيق) يعنى لو افترضنا ان تجارة اخدت على سبيل المثال 80% فممكن تجارة انتساب تاخد 84% ودة بردو بيبقى على حسب التنسيق المهم انها بتكون اقل من الانتظام .

اما الكليات الاقليمية فهى الكليات اللى مستحيل يدخلها سوى اهل البلد يعنى طب بيطرى الوادى الجديد مستحيل حد يدخلها الا اهالى الوادى الجديد وبتاخد من عادة من مجموع صغير يعنى طب بيطرى الوادى فى تنسيق 2012 كانت واخدة من 86%


ملحوظة : لو حضرتك عاوز تجارة انجليزى فمتدخلش انتساب لان تجارة انجليزى بتكون انتظام فقط