مستخسرة مجموعى :(

[bebo the one]

يا جماعة اللي مستخسرين مجموعكم على كليات معينة .. هل تعرفوا أن فيه ناس جايبة 97% وهتدخل (آداب إنجليش) ؟؟؟؟؟؟؟؟؟؟
على فكرة آداب إنجليش تعادل ألسن وفيه بعض الجهات بتفضلها على ألسن زي مجال الصحافة مثلا لأن بتوع آداب القاهرة وعين شمس بيتعصروا في الدراسة وبيكون خريج الكليات دي ممتاااااااز في اللغة الإنجليزية وخاصة مجال الترجمة خاصة لو أخد دبلومة ترجمة بعد الليسانس

[doniaanawbs]

المشاركة الأصلية كتبت بواسطة bebo the one

يا جماعة اللي مستخسرين مجموعكم على كليات معينة .. هل تعرفوا أن فيه ناس جايبة 97% وهتدخل (آداب إنجليش) ؟؟؟؟؟؟؟؟؟؟
على فكرة آداب إنجليش تعادل ألسن وفيه بعض الجهات بتفضلها على ألسن زي مجال الصحافة مثلا لأن بتوع آداب القاهرة وعين شمس بيتعصروا في الدراسة وبيكون خريج الكليات دي ممتاااااااز في اللغة الإنجليزية وخاصة مجال الترجمة خاصة لو أخد دبلومة ترجمة بعد الليسانس

كلامك مظبوط ولو مجاتليش السن هضطر ادخل اداب واللى فى الخير يقدمه ربنا انا تعبت بقى واسيب الموضوع على الله كل اللى يجيبه ربنا كويس

[bebo the one]

المشاركة الأصلية كتبت بواسطة doniaanawbs

كلامك مظبوط ولو مجاتليش السن هضطر ادخل اداب واللى فى الخير يقدمه ربنا انا تعبت بقى واسيب الموضوع على الله كل اللى يجيبه ربنا كويس

ربنا يوفقك إن شاء الله

[السيد خليل المتولي]

انا جايب 95,37% علمي علوم هل الحق بيطري في اي مكان

[moslem606]

فكري في تجارة انجليش جميلة جدا ..وربنا يوفقك ..واستخيري ربنا ..وربنا هيكرمك ان شاء الله

[Nurhan Diab]

انا من الدقهلية

وع فكرة انا بدأت دلوقتي افكر في تربية و تجارة انجليزي بس مايله لكليه تجارة اكتر وفي نفس الوقت تربية مجموعها عالي من 90 باين فعايزة ادخلها عشان مجموعها عالي بس :/
طب انتوا ايه رأيكو في كلية اثار ؟؟

[doniaanawbs]

المشاركة الأصلية كتبت بواسطة moslem606

فكري في تجارة انجليش جميلة جدا ..وربنا يوفقك ..واستخيري ربنا ..وربنا هيكرمك ان شاء الله

تجاره انجلش جميله وعلى عينى وعلى راسى بس انا ماليش فى الرياضة ومش هعرف امشى فيها
على العموم اشكرك ع النصيحه

[doniaanawbs]

المشاركة الأصلية كتبت بواسطة nurhan diab

انا من الدقهلية

وع فكرة انا بدأت دلوقتي افكر في تربية و تجارة انجليزي بس مايله لكليه تجارة اكتر وفي نفس الوقت تربية مجموعها عالي من 90 باين فعايزة ادخلها عشان مجموعها عالي بس :/
طب انتوا ايه رأيكو في كلية اثار ؟؟

لا هو لو ع المجموع يبقى اثار اعلى من تربية اولا اثار ممله وفيها 3 تخصصات اثار مصريه -اسلامية-ترميم اثار
انا بصيت على منهجها صعبه جدا والحفظ بتاعها ملهوش اخر ده غي رانك بع ما تتخرجى شغلانتها مش مضمونة اعرف ناس خريجى اثثار اشتغلو مدرسين !!
طب وايه لازمتها بقى مندخل تربيه ارحم

بالنسبة لتجاره ناس كتير نصحتنى بيها بس انا للأسف ماليش فى الرياضة والمحاسبة بس لو انتى مستريحالها انصحك بيها شغلانتها كويسه خصوصا لو جايبه تقديرات كويسه
استخيرى ربنا واتكلى على الله
اما انا بالنسبالى استقريت على اداب انجلش

[mohamed_gad_]

تجاره انجلش جميله وعلى عينى وعلى راسى بس انا ماليش فى الرياضة ومش هعرف امشى فيها
على العموم اشكرك ع النصيحه

انا داخل تانيه تجارة انجليزي وبقولك بعد ما اخدت فكرة عن المواد بتاعت الكليه اولا الكليه معظم الناس فيها بروحو تخصصين يا اما محاسبه ودول الاغلبيه او ادارة الاعمال المحاسبه عبارة عن قواعد لتسجيل البيانات والارقام بتاعت الشركات قوائم وكده بتحفظيها ملهاش علاقه بالرياضه اللي في دماغك بتاعت التفاضل والجبر والكلام ده وادارة الاعمال ماده مفهاش ارقام اصلا كلها حفظ وفهم زي علم النفس مثلا مع اختلاف المواضيع

باقي المواد بقي
قانون تجاري:كله حفظ وملوش لزمه
اقتصاد:بيعتمد علي الفهم وفيه مصطلحات وعلاقات بيانيه ودي اهم حاجه فيه العلاقات البيانيه
انجليزي:بتدرسي جرامر او مواضيع تجاريه تحفظيها بالانجليزي
رياضه:وهي دي الماده اللي انتي مش بتحبيها بس هتلاقي فيها حجات مكررة من ثانوي هتسهل الموضوع عليكي

كل المواد دي بتخلصي منها بعد اول سنتين وبتتخصصي في تالته في المحاسبه او الادارة

يعني الرياضه ماده واحده كل ترم ومش هتاخديها في تالته ورابعه يعني مش هتبقي عقبه كبيرة قدامك فكري وربنا معاكي

[Nurhan Diab]

طب ايه احسن تجارة عربي ولا انجليزي
ونهين شغلها احسن
وهوا اللي بيدخلوا تجارة انجلش اكتر ولا عربي

[mohamed_gad_]

طب ايه احسن تجارة عربي ولا انجليزي
ونهين شغلها احسن
وهوا اللي بيدخلوا تجارة انجلش اكتر ولا عربي

تجارة انجلش احسن ومطلوبين في الشغل اكتر بس برضو تجارة انجلش لازم يبقي واخد كورسات وتقديرو كويس مش يبقي جايب مقبول وعايز يلاقي شغل

و عدد الطلبه في تجارة انجلش اقل من عربي بيامه