المراقبون يبيتون فى اللجنة والامتحانات مستمرة

[الاستاذ عوض على]

الامتحانات فى الازهر مستمرة فى مواعيدها المحددة ان شاء الله تعالى

وسيتم عقد الامتحان يوم الأحد 30 يونيو 2013 فى موعده ان شاء الله تعالى

على أن يبيت المراقبون فى اللجان يوم السبت ليلة الأحد

حتى لا يتسبب أى تعطل فى المواصلات عن تأخيرهم أو منعهم من الحضور إلى مقر اللجنة

حفاظا على مستقبل أبنائنا وبناتنا طلاب وطالبات الأزهر

وبالتوفيق للجميع

[الاستاذ عوض على]

المشكلة ستكون فى المدرسات
حيث يوجد عدد كبير منهم يراقبون فى الامتحانات
كيف يصلون إلى اللجنة صباح يوم الأحد 30 /6

[ام ياسين وآمر]

المشاركة الأصلية كتبت بواسطة الاستاذ عوض على

المشكلة ستكون فى المدرسات
حيث يوجد عدد كبير منهم يراقبون فى الامتحانات
كيف يصلون إلى اللجنة صباح يوم الأحد 30 /6

المشكله بس مش في بعد المسافه المشكله ان في ناس بتركب 3 او 4 مواصلات

[mab4math]

أنا موافق على البيات شريطة وجود استراحات مجهزة تجهيز آدمي
القضاة مش أحسن مننا.

[الأثري المالكي]

هل المبيت إلزامي مع الأخذ في الاعتبار عدم وجود استراحات بالمعاهد

[زكريا مختار]

والطلاب يباتوا في اللجان

[محمد تونى بدر]

المظاهرات بتكون متأخر مش من الصبح يعنى اعتقد الامتحانات هتمر عادى

[طاهر صبحي *]

والله فضايح ومصيبه كبيره ربنا يستر علي البلد هي دي اللي كانت ناقصه نبات في اماكن عملنا كمان

[د.السيد العزازى]

عزيزى عوض /اقتراح قد يكون مقبولا لكن ما الحكم فى تأخر الطلبة بسبب المواصلات كم من الوقت يسمح به لهم ..وما الحكم بالنسبة للنساء خاصة الحوامل ..والمرضعات ..فهل هذا مقبول شرعا من الناحية الفقهية ..خاصة فى عدم وجود أماكن مخصصة للمبيت ومهيئة صحيا .....وما الحكم لو لم يتمكنوا من الذهاب الى اللجنة..وما الحال بالنسبة للمعاهد المشتركة فتيات وفيها ملاحظة من الرجال والنساء..
..بل ما الحكم اذا ما اقتحمت اللجنة الجماهير الغاضبة هنا وهناك خاصة فى ظل عدم وجود أفراد الأمن ....قرار ان اتخذ ففيه عوار مخالف للقانون قد يكون مقبولا للرجال غير مقبول للنساء اللاتى وان علمت به مسبقا قد لا ترضى بالملاحظة مبدئيا....أسئلة محيرة ...وشكرا

[Mr MohammedHassan]

معذرة أستاذ عوض
ده اسمه تهريج
لو هيحصل كده فعلا
لو فرضنا (وده مش هيحصل بإذن الله) إن فيه اضطراب أو قلق حتى لو تم توفير إقامة آدمية على أعلى مستوى ( وده مش هيحصل بكل تأكيد) لا بد وأن تتوقف الامتحانات خوفا على أمن الطلاب والمراقبين لأن طبيعي إن أوراق الإجابة كمان هتتعرض لمشاكل

[الاستاذ عوض على]

هذا الموضوع حدث بالفعل
وقريبا جدا سيصل به منشور إلى لجان الإمتحانات فى المعاهد المختلفة
وأردت مناقشتة مع حضراتكم
ليصل صوتكم ورأيكم فى الأمر ويكون معروضا أمام الإدارة فى الأزهر
وبالطبع لا توجد استراحات للمبيت وسيكون المبيت فى المعهد

[الأستاذ أحمد راشد]

أرفض بشدة ذلك الامر

يعنى اية نبات فى معاهد غير مجهزة لذلك

مش كفاية بدل السفر اللى يقدر بملاليم

[الفيلسوف]

طيب وبعد ما أبات وأراقب يوم 30/6 يا ترى الأمن هيروحنى ولا المهم الشغل يستمر واحنا نموت فى ستين داهية مش مشكلة ؟؟
الناس دى لو عملت كدا تبقى بتهرج

[أ/ سعيد موسى]

اعتقد انه سوف يكون اقتراحا بذلك لكنه لايمكن ان يكون الزاميا فلايستطيع مسئول اى كان موقعه
ان يشترط ذلك وخصوصا ان الموضوع متفاوت من شخص لاخر
فمنهم من يوجد منزله قريب من اللجنه ومنهم من يسافر ومنهم .... فكيف يكون الزاميا
جزاك الله خيرا استاذنا الفاضل

[zein768]

اقترح ان الامتحانات تنضغط ويكون يوم الأحد 30 / 6 وهو الجبر يصبح مادة تانية يوم الثلاثاء القادم .. وهكذا لباقي الأيام وتنتهي الامتحانات فعلا يوم السبت 29 / 6 وبكده نكون حفظنا على حياتنا وتكون الامتحانات انتهت على خير ... ونرحم نفسنا وغيرنا من قرارات متضاربة ومش بتجيب نتيجة سليمة ... والتوفيق للجميع