توبيك للرد على اى اسئلة 2013 :) ادخل حط سؤالك

[bahaaeldeen]

عملت التوبيك دة علشان اللى عنده اسئلة يسالها هنا
مبدأيا كدة كليتنا مظلومة فى المجتمع برغم ان شغلها ممتاز جدا وليها مستقبل
المشكلة الناس فاكراها بتاخد 50% او بتطلع مدرسين رسم مع ان الكلام دة غلط لان فنون جميلة فيها اقسام عمارة وديكور وجرافيك وتصوير ونحت وكل قسم ممتاز
والدكاترة هناك اكتر من ممتاز لانهم ناس عمالقة فى الفن والتصميم وياما عملوا مجهودات جبارة ومشاريع عملاقة فى مصر وخارج مصر كمان
كمان فرص العمل متاحة بشكل كبير رلان اقسام عمارة وديكور وجرافيك بتخرج مهندسين معاهم لمسة فنية ووظيفية وجمالية يعنى مصمم وفنان فى نفس الوقت ودى خبرات عميقة جدا
دة غير بقى نظام الكلية يعتبر احسن نظام تعليمى مصرى لان الكلية اصلا فى الاول كان فيها طاقم تدريس اوروبى من احسن مصممين ومهندسين اوروبا فى المجال الاكاديمى وحطوا مناهج قوية جداااااااا
وخصوصا ان الدراسة عملى يعنى بتتعلم حاجة مش بتدخل تحفظلك كلمنين وترميهم ف الورقة ويتبخر!!
ياريت الناس تدرك كليتنا دى عاملة ازاى ومتسمعوش اى شائعات
مستني اسئلتكم فى كل حاجة هرد عليها

[juventus]

لو سمحت انا لسة عارف موضوع امتحان القدرات ده دلوقتى فانا اعمل ايه انا عايز قسم عمارة و قسم ديكور بردو
و هخلص امتحانات ثالثة ثانوى يوم 26-6 و لسة معرفش حاجة عن الرسم ولا العمارة اعمل ايه ؟!

[mody931]

طب تنسيقها بالنسبة لعلمي رياضة ايه لو قسم ديكور ارجو الرد و ايه الحد الادني ؟
بعد اذنك

[yassmin omar]

انـا عايزهـ أسأل عن كورسآت تعليم الرسم اللى بتتعمل فيهـا
تفاصيل عنها يعنى .. بس مش كورسات القدرات

[22shimaa]

انا فى معهد فنى صناعى ومجموعى 94 % سنه اولى وكنت عايزه اعرف مواعيد امتحان القدرات للسنه ده فى كليه فنون جميله

[Nasha ~]

السَلامْ عليكُم . .

كآن عندي استفسَـار دلوقتي انا ثانوية السنة اللي فـاتت بس انا شهادة معآدلة . .
انا حابة احول من كُليتي لِ فنون جميلة المنيـآ لاني جايبة مجموعهـا
بس سمعتْ ان التحويل مينفعش طالما ممتحنتـشْ قدرات السنة اللي فاتت . .
هل الكلام ده صحيح ؟

ولو الكلام ده صحيح ، ينفع ادخل تنسيق السنة ديْ وادخل الامتحان بتآعه ؟

ممكن حد يقدر يفيدني . .
وشَكرا واسفةْ ع الاطآلة

[bahaaeldeen]

المشاركة الأصلية كتبت بواسطة juventus

لو سمحت انا لسة عارف موضوع امتحان القدرات ده دلوقتى فانا اعمل ايه انا عايز قسم عمارة و قسم ديكور بردو
و هخلص امتحانات ثالثة ثانوى يوم 26-6 و لسة معرفش حاجة عن الرسم ولا العمارة اعمل ايه ؟!

التقديم يوم 10 يوليو
الكلية عاملة كورسات هتبدا يوم 1 سبعة وهى ب 300 جنيه الحجز فيها دلوقتى

[bahaaeldeen]

المشاركة الأصلية كتبت بواسطة mody931

طب تنسيقها بالنسبة لعلمي رياضة ايه لو قسم ديكور ارجو الرد و ايه الحد الادني ؟
بعد اذنك

92 او 91 ونص ع الاقل

[bahaaeldeen]

المشاركة الأصلية كتبت بواسطة yassmin omar

انـا عايزهـ أسأل عن كورسآت تعليم الرسم اللى بتتعمل فيهـا
تفاصيل عنها يعنى .. بس مش كورسات القدرات

متاحة فى كل وقت وللتفاصيل قدمى فى الكلية هى غالبا ب 200 جنيه

[bahaaeldeen]

المشاركة الأصلية كتبت بواسطة 22shimaa

انا فى معهد فنى صناعى ومجموعى 94 % سنه اولى وكنت عايزه اعرف مواعيد امتحان القدرات للسنه ده فى كليه فنون جميله

لازم تكون نظام 5 سنين

[bahaaeldeen]

المشاركة الأصلية كتبت بواسطة nasha ~

السَلامْ عليكُم . .

كآن عندي استفسَـار دلوقتي انا ثانوية السنة اللي فـاتت بس انا شهادة معآدلة . .
انا حابة احول من كُليتي لِ فنون جميلة المنيـآ لاني جايبة مجموعهـا
بس سمعتْ ان التحويل مينفعش طالما ممتحنتـشْ قدرات السنة اللي فاتت . .
هل الكلام ده صحيح ؟

ولو الكلام ده صحيح ، ينفع ادخل تنسيق السنة ديْ وادخل الامتحان بتآعه ؟

ممكن حد يقدر يفيدني . .
وشَكرا واسفةْ ع الاطآلة

مينفعش تمتحنى من جديد لكن التقديم ف المنيا ممكن على حسب لايحة كل سنة

[مشتاقة الجنة]

لو سمحتى هى كلية فنون جميلة عمارة بتاخد علمى علوم زلا لأ ؟؟؟

[juventus]

طب انا جايب 94 السنة الى فاتت و السنة دى احتمال اجيب 93 او 92 اقدم عمارة ولا ديكور ؟

[jazzsonic]

لو سمحت انا دلوقتي عايز اروح كورسات بتاعت الكليه نفسها و هي بتبقي قافله يوم الجمعه و السبت يعني يوم الحد 30/6 هاتبقي فاتحه ولا هاتبقي قافله بسبب الاحداث الي هاتحصل ؟؟؟؟ لو هاتبقي فاتحه اروح الكليه و اقدم علي الكورس و ادفع الفلوس وكده و ابتدي الكورس يوم 1/7 صح؟ معلش اصلي مهرفش كتير عن الموضوع ده

[Mustafa Nada]

لو سمحت أنا حاسبات ومعلومات المنوفية وعاوز أحول فنون تطبيقية إيه الخطوات اللي قدامي أعملها في الكلية وكورسات والإمتحان وآسف على التفاصيل الكتيرة