ارجو من الجميع المشاركة فى اجابة هذا السؤال ... امتحان البحيرة 2013

[taatoo77]

تكرر السؤال عن اجابة هذا السؤال وهو احد الاسئلة التى جاءت فى امتحان محافظة البحيرة هذا العام وهو

تستخدم جملة Select Case فى حالة اختيار أكثر من تعبير شرطى بجملة شرطية واحدة. ( صح ام خطا )

وقد اجاب معظم الاساتذة عن هذا السوال بانه صح ولكنى راى المتواضع ان هذا السؤال خطا وتصحيحه احد الاجابتيتن التاليين :

تستخدم معاملات المقارنة فى حالة اختيار أكثر من تعبير شرطى بجملة شرطية واحدة

او

تستخدم جملة Select Case فى حالة اختيار أكثر من تعبير شرطى فقط ( بدون فى جملة شرطية واحدة )

ولو بحثنا فى كتاب الوزارة لن نجد اى جملة تفيد بامكانية استخدام select case مع اكثر من تعبير شرطى مع العلم انها ذكرت صراحتة مع المعاملات المنطقية .

ومعنى انها تستخدم فى حالة اختبار اكثر من تعبير شرطة فى جملة شرطية واحدة انها لا يمكن استخدامها فى حالة اختبار اكثر من تعبير شرطى دون ان يكونوا مجتمعين فى جملة شرطية واحدة

نرجو المشاركة فى هذا الموضوع حتى لا يضيع مجهود الطلاب الذين تعبوا فى فهم هذا المقرر الملئ بالاخطاء

[منى محمد عوض]

معاك فى الراى ولكن
جاءت الجملة فى كتاب الوزارة فى اسئلة الفصل الثانى وموقع الوزارة اجابها صح

[ابو كيرلس]

مع حضرتك بأن الاجابة خطاً وذلك لوتأملنا مثال الكتاب المدرسى صـ 48 التالى
case =0 ثم case =0 ثم case < 0 ثم case > 0 كلها تعبير شرطى واحد فى الجملة الشرطية الواحدة لكن اذا تم استخدام المعامل AND أو Or يسمح باكثر من تعبير شرطى فى الجملة الشرطية الواحدة لكن لو اخذنا بالنوايا الحسنة انه يفترض وجود معاملات منطقية وده كلام غريب لكن ما علينا فى التخبيط الذى نراه الان كله يمشى وتبقى الاجابة صحيحة لكن بالمنطق خطا لعدم ذكر المعاملات المنطقية راى المتواضع

[taatoo77]

اكتر حاجه ممكن تخلى الجملة دى خطا كمان انه قال (( فى حالة )) ودة معناه ان select case تستخدم فى الحالة دى بس ولو حبينا نتاكد لو عملنا السؤال بشكل اكمل يعنى مثلا :

* تستخدم ...................... فى حالة اختبار اكثر من تعبير شرطى فى جملة شرطية واحدة .

استحالة اى حد يقول غير المعاملات المنطقية

احنا كده بنعاقب الطالب الذكى على ذكائة لان فى فعلا طلاب اذكياء جدا فهموا السؤال بالشكل ده لكن فكرة اللعب بالالفاظ وان سؤال يكون فيه اجابة صح واجابة اصح اكتر مينفعش بالذات قى اسئلة صح و خطا لازم تكون الاسئلة صريحة

[taatoo77]

المشاركة الأصلية كتبت بواسطة منى محمد عوض

معاك فى الراى ولكن
جاءت الجملة فى كتاب الوزارة فى اسئلة الفصل الثانى وموقع الوزارة اجابها صح

مع حضرتك لكن احنا لو مشينا على كتاب الوزارة هنضيع الطلاب لان نصه فى اخطاء وبعدين احنا المفروض نعمل الطلاب انهم يفكروا ويحللوا وياخدوا المعلومة بالمنطق مش زى مكتاب الوزارة قال لاننا ففقدنا الثقة فى كلامهم

[rery fared]

لازم نمشي علي كتاب الوزارة لان نموذج الاجابة حتكون النقطة دي فيه صح واحنا منقدرش نلخبط الطلبة
ومن الاخر مينفعش اقول للطالب النقطة دي غلط بس لو جت في الامتحان اعملها صح

[عصام لظفى داوود]

وأنا مع حضرتك فى هذا وقدشحتها فى الحصة وفهمها الطلاب بهذا الشكل وعندماأتت فى الاختبار أجابوا أنها خطأ

[ابوالحمد ثابت]

انا معك لان هذا التعبير (( بجملة شرطية واحدة )) يجعلها خطأ

[steng25]

لا إله إلا انت سبحانك انى كنت من الظالمين