الهدف من تدمير الثانوية لهذا العام

[mido_sayed84]

ان خبثاء التعليم فى مصر يريدون الاطاحة بيسرى الجمل
فققرو تدمير ابنائنا حسبى الله ونعم والوكيل
ان يسرى الجمل لا يصلح ان يكون مدرس اقتصاد منزلى

[dr_shiro]

لا الهدف يخلوا الناس تدفع فلوس ف التعليم الخاص ومحدش يدخل التعليم المجاني

[مها 1984]

الهدف الحد من العدد داخل الكليات !!

[saso2008]

الهدف الحقيقي هو النسبة المدفوعة لدخول معظم الطلبة الكليات الخاصة

[emad77]

هو فين التعليم اللي في مصر علشان يدمروه

[محمد ابراهيم حسنين]

تعرفوا ان الجمل معاه دوكتوراه من جامعة جورج واشنطن

[egmixer]

اكيد دكتوراه فى التخلف

[وحوح العظيم]

الهدف الحقيقى هو تحويل التعليم المجانى للتعليم الخاص يعنى معاك فلوس خش واتعلم ممعكش فلوس نام على السلم

[هند2006]

اولا* شكرا على الموضوع وجزاك الله كل خير
ثانيا*انا ارى ودى طبعا وجهه نظر شخصيه ان الهدف هو انهم مش محتاجين ناس تدخل علمى علشان مش عاوزين حد يتكلم ويفهم وجدال ومناقشات فى الدوله واعتقد ات ده هو ده الهدف الاساسى يارب تكونوا فهمتونى

[السندباد المصري]

موضوع مهم وياريت الكل يقول رأيه بموضوعية بس بعد ظهور النتيجة مش قبلها

[sweet heart]

الهدف هو زيادة عدد الطلبة اللى بيدخلوا كليات خاصة
وبعد كده ان شاء الله هيخلوا كل الكليات بلفلوس
وهدفهم برضو انهم يدمروا التعليم ويطلعوا جيل مش فاهم حاجة
فعشان كده اللى هيبقى معاه فلوس هيتعلم واللى مش معاه حتى لو دخل كلية كويسة مش هيتعلم حاجة
وحسبنا الله ونعم الوكيل وان شاء الله ربنا مش هيضيع تعب حد

[اخرالعنقود1]

الهدف من ده انهم يخلوا الطلبه
تدخل كليات خاصه علشان عدد
الطلاب فى الكليات العامه يبقى قليل
ويقولوا ان الدوله مش قادره تدير الجامعات
الحكوميه ويقولك بقى اعطى العيش لخبازه
يقوموا مخصخصين الجامعات كمان يعنى هى جت عليها
مهى كل حاجه اتخصخصت

[dr.saeed]

فى الاونة الاخيرة كثرت كثير من الاحاديث حول التعليم فى مصر وانا كطالب متفوق الى حد كبير احب ان اضيف
انا لا ارى فى صعوبة الامتحانات ما يعتبر تدمير للثانوية العامة!
فهل كانت الثانوية العامة فى عهد الدكتور زويل وعهد العالم المصرى اسامة الباز بهذة (المهذلة)
لقد استمتعت لحديث للعالم الباز قال فيه
(انا كنت عاوز ادخل كلية طب ولم يشأ لى القدر ذلك لان مجموعى كان اقل منها وكان ادامى اختيارين
الاول انى ادخل طب اسنان او صيدلة
التانى انى اسيب موضوع كليات القمة وادخل الكلية الى تتناسب مع عقلى الا وهى كلية العلوم)
ولكن!
انا كطالب بشتكى الى وضع امتحان رياضة واحد لجميع الاعوام عدا 2004 و 2008!
لانهم هما بس الى وضعوا (امتحان)
اما الباقى فكان (تهريج)
فحينما تاتى الامتحانات صعبة فيكون هذا على الجميع ولا فرق بين هذا وذاك
ولكن ما المشكلة!
المشكلة هى
اولياء الامور
ان الاب الذى يصرف دم قلبه على ولده عشان يكون دكتور او مهندس
فى الاغلبية لا يكون التفكير فى ذلك
انما يكون التفكير فاننى حينما اتحدث امام الناس يكون هذا دكتور وهذا مهندس وهذا صيدلى
وطالما ان الاباء رؤوا مجهود من اولادهم طوال 22 شهر!
فلما يكون اللوم الا ان الله اختار له ما يناسبه وما هو افضل له
حينما اخى لم ياهله مجموعه على دخول كلية طب الاسنان
فى عام 1999 (وامتحان الفيزياء فيه لم يحصل فيه على 50 سوى 3 فقط فى الدلتا!)
كان البيت وكانه محزنة
والان وقد انتهى من كلية الهندسة (لانه ايام علمى شامل)
قد من الله عليه بوظيفة فى اكبر شركات صيانة الكمبيوترات فى مصر
ولها فرع فى الامارات وفرع فى انجلترا
فهل احد منا يعلم ما الخير؟
واين الخير؟
ومتى وكيف سياتى له الخير؟
لا والله
انما الله يعلم ما كائن
وما سيكون
وما كان
وما لم يكن لو كان كيف يكون
انا اعترف اخطاء كبيرة تمت الا ما هى؟
هى ان الطلاب تعودوا على
(اسطانبة)
واحدة من الامتحانات طوال تاريخ الثانوية العامة عدا امتحانات
1989 و 2004
فهل امتحان الفيزياء بتاعنا ماحدش قفله
لا فيه قفله كتير
انما امتحان الفيزياء 1989 لم يقفله طالب واحد على مستوى دولة باكملها
الموضوع يطول
واكتفى بهذا القدر
فى امان الله

[Rien]

تمام يا دوكتور

[sweet heart]

انا اوافق حضرتك يا دكتور على كلامك
بس تسريب الامتحانات ده مش ظلم لينا
امتحانات 2ث السنة دى مش صعبة ولكن المشكلة فى تسريب الامتحانات