مجهودنا بيضيع ادام عنينا

[Dr.diamond]

يا جماعه هى الامتحانات بتتسرب بجد يعنى بجد فى حد شاف الامتحان قبل معاده انا بصراحه مش مصدقه يعنى ازاى احنا نبقى تاعبين نفسنا طول السنه والقلق قبل الامتحان وبعد كده تيجى ناس تاخده عالجاهز وبنموذج الاجابه كمان دى يبقى ايه اسمه ده انا مش عارفه بصراحه وخايفه احسن يطلع الكلام ده صح ويعيدوا الامتحانات خاصه الانجليزى لانهم بيقولوا ان فى ناس كتير عارفاه انا بصراحه مش عارفه ايه الحكايه

[زهقانه]

طب وانتى عرفتى منين ان فى ناس كان معاها نموذج الاجابه ومبلغتيش عنهم ليه لو شوفتى دليل ؟؟ وضحى الموضوع اكتر

[Dr.diamond]

المشاركة الأصلية كتبت بواسطة زهقانه

طب وانتى عرفتى منين ان فى ناس كان معاها نموذج الاجابه ومبلغتيش عنهم ليه لو شوفتى دليل ؟؟ وضحى الموضوع اكتر

يا بنتى انا ماعرفش حد معين معاه الى الامتحان ومش اساسا فى محافظتى بس فى ناس كتير بتقول الموضوع ده وبيقولى انهم بيحطوه عالنت على موقع كل الناس عارفاه بس طبعا معرفش اى حاجه

[dr YARA_RG]

انا بقى اللي ضيعني السنه اللي فاتت في الكيمياء هو حكايه تسريب الامتحانات دي
بيسربوها وبيحلوها زي مامات الليمبي!!!!!!!
وعلى فكرة ده بيحصل في كل الامتحانات لدرجه ان لو اتاخروا شويه نفتكر انهم اتقبض عليهم او حصلت ليهم مصيبه
اما عن شوفت الامتحان انا شوفت الامتحان بعيني وهو بيتوزع على البنات محلول بالاجابات النموذجيه كمان
شوفي الظلم!!!!!! بس ربنا مش هيرضى بكده طبعا
ولما واحد جه يديني ورقه وسبته وطلعت اللجنه قال عليا معقده "انت شكلك معقده خليكي انا بديكي علشان مصلحتك "
يعني شوفي الواحد يعمل ايه ويتقاله ايه بس مش مهم اهم حاجه ان ربنا موجود
سوري يا حبيبتي طولت عليكي

[Dr.diamond]

المشاركة الأصلية كتبت بواسطة yara_RG

انا بقى اللي ضيعني السنه اللي فاتت في الكيمياء هو حكايه تسريب الامتحانات دي
بيسربوها وبيحلوها زي مامات الليمبي!!!!!!!
وعلى فكرة ده بيحصل في كل الامتحانات لدرجه ان لو اتاخروا شويه نفتكر انهم اتقبض عليهم او حصلت ليهم مصيبه
اما عن شوفت الامتحان انا شوفت الامتحان بعيني وهو بيتوزع على البنات محلول بالاجابات النموذجيه كمان
شوفي الظلم!!!!!! بس ربنا مش هيرضى بكده طبعا
ولما واحد جه يديني ورقه وسبته وطلعت اللجنه قال عليا معقده "انت شكلك معقده خليكي انا بديكي علشان مصلحتك "
يعني شوفي الواحد يعمل ايه ويتقاله ايه بس مش مهم اهم حاجه ان ربنا موجود
سوري يا حبيبتي طولت عليكي

انتى فى محافظه ايه وبعدين ما تبلغوا

[dr.saeed]

هى الدولة فيها ايه صح اصلا علشان نتكلم عن دى
كفاية ان عميد كلية هندسة هو الى يحط امتحان التفاضل والتكامل

[مايكل مليك]

ايه رايكم فى الناس اللى مبتروحش الامتحان وبتحل فى البيت وبتجيب خمسينات و25 و30

[بدون إسم]

مين الناس دي يا بختهم

[hambola]

يا جماعة حتى لو زى ما انت بتقولى؟؟؟؟؟؟ هل ربنا هيسوى ما بين الى مذاكروالى بيأخد الامتحان؟؟؟

اعملى الى عليكى وتوكلى على الله صح ولا انا غلطان؟؟؟

وانا عارف ان ده ظلم كبييييييييييير بس هنعمل ايه ؟؟؟؟ فشيله الحاجات ديه يا جماعة من بالكم وركزوا واعملوا الى عليكم وان شاء الله الى انتى عايزاه ربنا هيحققهولك

[SENDRILLA]

المشاركة الأصلية كتبت بواسطة yara_RG

انا بقى اللي ضيعني السنه اللي فاتت في الكيمياء هو حكايه تسريب الامتحانات دي
بيسربوها وبيحلوها زي مامات الليمبي!!!!!!!
وعلى فكرة ده بيحصل في كل الامتحانات لدرجه ان لو اتاخروا شويه نفتكر انهم اتقبض عليهم او حصلت ليهم مصيبه
اما عن شوفت الامتحان انا شوفت الامتحان بعيني وهو بيتوزع على البنات محلول بالاجابات النموذجيه كمان
شوفي الظلم!!!!!! بس ربنا مش هيرضى بكده طبعا
ولما واحد جه يديني ورقه وسبته وطلعت اللجنه قال عليا معقده "انت شكلك معقده خليكي انا بديكي علشان مصلحتك "
يعني شوفي الواحد يعمل ايه ويتقاله ايه بس مش مهم اهم حاجه ان ربنا موجود
سوري يا حبيبتي طولت عليكي

اه ليكي حق يا يارا
مانتي في المنيا
بلد الكوسه
خالو بيقوللي ان الامتحانات بتبقي في المكتبات قبل الفجر وبنامذج الاجابه كمان
وحلفلي انه كان شاف امتحان العربي وكان في ايده يكلمني ويقوللي ع الامتحان
بس قاللي ان انا مش هسامحه ولا هسامح نفسي لو خدت ربع درجه بس مش بمجهودي
ياللا خير
شدوا حيلكم بس
ربنا يحاسبهم حساب عسيرع اللي بيعملوه فينا بتسريبهم للامتحانات

[زهقانه]

يا ناس يابشر ياللى شوفتوا بعنيكوا الظلم العلنى ده مبلغتوش ليه يعنى جايين هنا تشتكوا وتقولوا مجهودنا ضاع وف نفس الوقت سالبيين ومتكلمتوش طب ماتلكمتوش ليه ؟ مبلغتوش ليه ؟ اعتقد ان لو الخبر وصل لاى مسئول ف المدرسه هييطلع اللجنه يجرى خايف ليتشال فيها والموضوع يوصل للصحافه وتبقى فضيحه بجد لو كان فى حد من اللى شاف بعينه اتكلم كان حاجات كتيره اتغيرت

[Dr.Nobel]

طيب نفرض ان الامتحانات بتتسرب
واللي بيأخدها بينجح وبيطلع من الاوائل مع انى عارف ان لو حد جه قاله علي الاجابات في الامتحان مش هيعرف يكتب حاجة لان محدش بيعرف يغش غير اللى فاهم هو بيغش ايه
هيبقي حمار مش فاهم حاجة ويخش الكلية ويفشل
ولو نجح في الكلية برده بأمتياز مش هينجح في حياته هيفضل شخص معتمد علي غيره مش هيعرف يتصرف بنفسه

الحمار بيفضل طول عمره حمار :D

[د/ ماجدولين]

مش المنيا بس هى اللى بلد الكوسة
انا هنا فى القاهرة واحب اقولك يا سندريللا ان اللجان هنا مهازل بمعنى الكلمة كفاية بس انى اقولك ان فى بنت عندنا فى اللجنة
المدرس بتاعها اتصل بيها على الموبايل فى لجنة الانجلش دة احنا كان ناقص كل واحدة تقوم تقعد جنب التانية
ودة طبعا مش كويس لان الصوت العالى دة مش بيخليكى تعرفى تركزى لدرجة ان انا اعدت نص ساعة احل القصة وكل اما افتكر حاجة واجى اكتبها تقوم اللى ورايا تنادى عليا فانسى انا كنت عايزة اكتب اية ولما طلبت من المراقب ان الصوت يهدى شوية بصلى كدة باستحقار
وساب اللجنة وطلع يشرب السيجارة برة
انا والله مستغربة الكلام دة محصلش السنة اللى فاتت ولا حتى فى لجنة العربى وانا بدعى ربنا ان الكلام دة مايحصلش فى الفيزياء
لانها مش ناقصة نقعد نفكر فى المسالة ساعتين
معلش اذا كنت طولت عليكوا بس ادعولى ان الكلام دة ميحصلش فى الفيزياء لان الموضوع دة قالقنى اوى
واحب اطمن الكل ان ربنا بيمهل ولكنة لا يهمل
فى رعاية الله

[xXx ALI xXx]

المشاركة الأصلية كتبت بواسطة زهقانه

يا ناس يابشر ياللى شوفتوا بعنيكوا الظلم العلنى ده مبلغتوش ليه يعنى جايين هنا تشتكوا وتقولوا مجهودنا ضاع وف نفس الوقت سالبيين ومتكلمتوش طب ماتلكمتوش ليه ؟ مبلغتوش ليه ؟ اعتقد ان لو الخبر وصل لاى مسئول ف المدرسه هييطلع اللجنه يجرى خايف ليتشال فيها والموضوع يوصل للصحافه وتبقى فضيحه بجد لو كان فى حد من اللى شاف بعينه اتكلم كان حاجات كتيره اتغيرت

هو انتى مش بتقرى جرايد ولا ايه ....
ماهو الكلام ده موجود فى كل الجرايد و هتلاقيه فى الجمهورية مالى الصفحة ....
فى المنيا الامتحانات زى ما قالو بتتسرب من الفجر .... وبنماذج الاجابة كمان
والناس بتستغرب ليه اوائل الجمهورية معظمهم من الصعيد ......

لا اله الا الله .....


وبجد والله انا اللى بيريحنى زى ما نبيل قال ... الحمار هيفضل طول عمره حمار ..

[أسيل رزق]

تصدقوا بالله

من كام يوم أصحابى بيقولولى فى واحدة بتجيب للعيال ورقة الامتحان بس يدخلوا اللجنة الساعة تسعة ونص

ولان غالبا فى مدرستنا فى بعض اللجان بتبدأ متاخر فى ناس بياخدوا ورق الامتحان ويدخلوا اللجنة تسعة ونص

وهو كده كده اللجان عندنا بيغششوا العيال لدرجة انهم بينقلوا من الكتب والمذكرات

والله الحكاية دى تعبت منها جدا وجابتلى احباط سواء السنة اللى فاتت او السنة دى

ولا بعرف اركز فى المزاكرة وبفضل اقول لنفسى ويقولى انا اتعب وازاكر وناس يجلها ورقة الاسئلة وورقة الاجابة مع بعض

بس ربنا منتقم جبار

حسبنا الله ونعم الوكيل