أمتحان التفاضل والتكامل 2008

[M.H.Seadawy]

مفيش حاجة قدامنا دلوقتي غير إن ندعي إن ربنا يوقف لنا أولاد الحلال في التصحيح

[محمود سعد شاهين]

ممكن الحلول بتاعت امتحات التفاضل والتكامل بتاع2 ث

[Mr_HalEeM]

اللى انتوا لازم تعرفوة ان الامتحان لما يكون صعب بيكون صعب على الكل يعنى لو جبتم مجموع وحش فى الامتحان ونقصتوا مثلا 1 او 2% يبقى مش انت بس لا ده للكل وبالتالى اللى هيجيب 100% هيبقى مش كتير وبالتالى هيه هياها
بس اهم حاجة ان كله يركز فى اللى جاى وانا متاكد ان شاء الله ان اللى جاى هيبقى سهل وخاصة اللغة الانجليزية

[(عزت ابو شحاتة)]

عندك حق احنا لازم نعمل حاجة علشان التصحيح

[(عزت ابو شحاتة)]

عندك حق احنا لازم نعمل حاجة وكمان انتحان المرحلة الاولى التفلضل وحساب المثلثات كان صعب جدا

[A_1]

لازم نعمل وقفه بجد

[محمد الشونى]

لا حول ولا قوة الا بالله العلى العظيم
بكرة الانجليزى يارب استر ياستير

[محمود عبد الحليم]

حسبى الله ونعم الوكيل فى واضع امتحان الرياضيات الصف الثالث والصف الثانى وواضح انهم متفقين مع بعضهما علينا

[el_sh2ya]

والله البدايه مش محتاجه كلام ايه الجمال دا
الامتحنات زي الزقت تانيه ولا تالته والله حرام اللي بيعملوه فينا دا
احنا كدا مش هنحصل حته معاهد
انا سمعت ان في ناس في 3 راحت بلغت عن الامتحان
يارب يعملوا حاجه ونقدر ناخد حقنا بقي
والتصحيح يكون متهاون معانا
والامتحنات الجايه تكون احسن مش كله كدا بقي

[h2714]

بسم الله الرحمن الرحيم فى البداية احب ان انوهه الى كلامى فان كان فية شى غير مقنع ارجو التوضيح :
الامتحنانات من وجهة نظر الطالب سواء كانت مليانة افكار او كانت خالية من الافكار فهى دائما وحشة جدا من وجهة نظر الطالب واحب ان انوه الى الجيل الصاعد من الشباب بتوع الشات والموبيلات والدش والدروس الخصوصية والسباق للذهاب للمدرس الذى ياخذ كتير من الوقت والمال والفسح على البلاجات ؟ واحب ان اسئل لكل طالب وطالبة ان يقف وقفة مع نفسه وينظر هو تعب قد اة فى المذاكرة فالكل بيركن المذاكرة لاخر شهر والذهاب للدروس والتباهى بالمدر لغايت البيت والله الامتحانات فى متناول الطالب المتوسط بس كل الطلبة من وجهة نظرهم عبقرة وهم عكس ذلك ؟ اه الهم فى المتحانات بيها صعوبة فى التركيز لان المخ الطالب كله دلوقت مبيلات وزبزبات كهربية وافكار غربية مطالبين بيها فمتظلموش اهلا العلم وتتحججوا بالصعوبة لان طلاب اليوم عاوزين يبقودكترة فشلاين ومهندسين ضيعين؟؟؟؟؟؟؟

[No WaY]

[بسم الله الرحمن الرحيم فى البداية احب ان انوهه الى كلامى فان كان فية شى غير مقنع ارجو التوضيح :
الامتحنانات من وجهة نظر الطالب سواء كانت مليانة افكار او كانت خالية من الافكار فهى دائما وحشة جدا من وجهة نظر الطالب واحب ان انوه الى الجيل الصاعد من الشباب بتوع الشات والموبيلات والدش والدروس الخصوصية والسباق للذهاب للمدرس الذى ياخذ كتير من الوقت والمال والفسح على البلاجات ؟

ارجو يا باشا انك تفك عقدك بعيد عننا هوا كل واحد متعقد وفشل في حاجة ييجي هنا يتنطط علينا ويشتغل دكتور نفساني ويطلع عقده فينا يا عم ايه العيب في اننا نروح البلاجات ونجيب موبايلات وناخد دروس خصوصية الكل بيعمل كدا وبرضه في ناس بتدخل طب وهندسة هوا لازم علشان ابقا مهندس ولا دكتور اعيش عيشة التقشف وعلي فكرة الكلام بتاعك ان اي امتحان سهل بييجي بنطلع نصوت متنساش انك دلوقتي بتتكلم علي طلبة الرياضيات2 يعني طلبة جايبين مجاميع ميشكوش غير من الشديد القوي وبعدين انتا شكلك مشفتش الامتحان عامل ازاي لدرجة ان المدرسين معرفوش يحلوه اضافة الي انك شكلك مبتجبش جرايد ومشفتش الاخبار والجمهورية يا عم حرام عليكم لما تتكلموا لازم تبقوا فاهمين انا كنت جايب في تانية ثانوي 96 في الميه و50 في الرياضة بس الامتحان ده فوق مستوايا بمراحل !!!!

واحب ان اسئل لكل طالب وطالبة ان يقف وقفة مع نفسه وينظر هو تعب قد اة فى المذاكرة فالكل بيركن المذاكرة لاخر شهر والذهاب للدروس والتباهى بالمدر لغايت البيت

[/b]

يا باشا انتا دلوقتي بتتكلم علي طلبة الرياضيات2 يعني طلبة بتذاكر من اول السنة ومش فاضية للتباهي ويا ريت عقدك تكون في مكان بعيد عن هنا والحمد لله مركناش حاجة لاخر شهر وفي الاخر معرفناش نحل برضه

والله الامتحانات فى متناول الطالب المتوسط بس كل الطلبة من وجهة نظرهم عبقرة وهم عكس ذلك ؟ اه الهم فى المتحانات بيها صعوبة فى التركيز لان المخ الطالب كله دلوقت مبيلات وزبزبات كهربية وافكار غربية مطالبين بيها فمتظلموش اهلا العلم وتتحججوا بالصعوبة لان طلاب اليوم عاوزين يبقودكترة فشلاين ومهندسين ضيعين؟؟؟؟؟؟؟

والله انتا كداب ومحتاج 3 ايام صيام يا عمي الامتحان ده اصعب امتحان تفاضل من 30 سنة والله انتا اللي دماغك فيها ذبذبات عهبل يا راجل عيب عليك شكلك واخد سيجارة وفايق مش قلتلك شكلك معقد يا استاذ اتش

[M.H.Seadawy]

المشاركة الأصلية كتبت بواسطة h2714

بسم الله الرحمن الرحيم فى البداية احب ان انوهه الى كلامى فان كان فية شى غير مقنع ارجو التوضيح :
الامتحنانات من وجهة نظر الطالب سواء كانت مليانة افكار او كانت خالية من الافكار فهى دائما وحشة جدا من وجهة نظر الطالب واحب ان انوه الى الجيل الصاعد من الشباب بتوع الشات والموبيلات والدش والدروس الخصوصية والسباق للذهاب للمدرس الذى ياخذ كتير من الوقت والمال والفسح على البلاجات ؟ واحب ان اسئل لكل طالب وطالبة ان يقف وقفة مع نفسه وينظر هو تعب قد اة فى المذاكرة فالكل بيركن المذاكرة لاخر شهر والذهاب للدروس والتباهى بالمدر لغايت البيت والله الامتحانات فى متناول الطالب المتوسط بس كل الطلبة من وجهة نظرهم عبقرة وهم عكس ذلك ؟ اه الهم فى المتحانات بيها صعوبة فى التركيز لان المخ الطالب كله دلوقت مبيلات وزبزبات كهربية وافكار غربية مطالبين بيها فمتظلموش اهلا العلم وتتحججوا بالصعوبة لان طلاب اليوم عاوزين يبقودكترة فشلاين ومهندسين ضيعين؟؟؟؟؟؟؟

مين الي قال لسيادتك إن إحنا كنا بنلعب ونركن لآخر شهر؟
كان ممكن الكلام ده فيتانية
لكن دلوقتي بقينا في ثالثة وعرفنا إيه الي كان ناقص عندنا في يثانية وبنذاكر عشان نعوض في ثالثة عشان تعب أهالينا معانا
وعلى فكرة مش طلبة علمي بيبقوا بتوع الشات والموبيلات زي ما بتقولي إلا إذا كان مضيع تحت ال 85%
يعني الي ناوي عىل خاص
وبالنسبة للنت
إحنا هنا بنستفاد مراجعات وبنتناقش وبنساعد بعض وفيها برضه تفويق من جو المذاكرة مش لعب وهزار يعني

وفي حاجة غريبة جداً مش فاهمها فعلاً -زي شقاوة ما قالت- كل الي بيأيد الإمتحان بتاع التفاضل والتكامل تلاحظ إنه عضو جديد لسه ما عملش أكتر من 5 مشاركات
يعني مش فاهم هو إيه ده
حد مسلطهم علينا يعني يعملوا لنا إحباط ولا إيه ؟؟؟؟؟؟؟؟؟
كانوا دخلوا وشافوا الإمتحان بدل ما يعملوا فيها الفيلسوف ويتفلسفوا
حسبي الله ونعم الوكيل

[sara_black]

ازيكوا يا جماعه
انا زيكوا بالضبط بس لسه داخله النهارده عالموقع بعد الميكانيكا انا عاوزه اعرف رأيكوا بعد الجبر والفراغيه والميكانيكا
انا شايفه ان التفاضل اصعب واحد بعديه الجبر والميكانيكا
بس هستني ردكوا لما تخلصو الاقتصاد والاحصاء لأني خلصت النهارده عشان واخده علم نفس
بااااااااااااااااااااااااااااااااااااااااااااااااا اااي

[Maha Ezzat]

مبرووووووووووووك امتحان الانجليزى يا جماعة
اعتقد انه كان امتحان حضانة
امهم الحمدالله
وخلينا ننسى امتحان التزافت و التعابط
وانا سمعت اخبار كويسة عن التصحيح

[No WaY]

المشاركة الأصلية كتبت بواسطة Maha Ezzat

مبرووووووووووووك امتحان الانجليزى يا جماعة
اعتقد انه كان امتحان حضانة
امهم الحمدالله
وخلينا ننسى امتحان التزافت و التعابط
وانا سمعت اخبار كويسة عن التصحيح

الحمد لله امتحان الانجليزي كان كويس بالنسبة لتصحيح التفاضل والتعايط لسا حيخدوا عينة وحظه منيل اللي حيقع في العينه