اتمنى حد يفيدنى بخصوص المسمى الوظيفى

[marwa noor]

لو ممكن اى حد يفيدنى بخصوص تغيير المسمى الوظيفى من معلم ابتدائى لمعلم اعدادى انا فى ادارة غرب محافظة الاسكندرية ياترى اقدر اقدم دلوقتى ولا امتى ؟؟؟؟؟؟؟؟؟؟؟

[Ramy Hassan 00]

اولا يا استاذه مروة لازم تبقى دخلتى كادر ويكون مؤهلك تربيه عام او اداب ودبلومه تربوى ثانيا التقديم ملهوش ميعاد معين لان ده قرار وزارى مش مرتبط بوقت ينتهى فيه حضرتك يستحسن تسالى فى الاكاديميه المهنيه عندكم فى اسكندريه علشان حتى تعرفى اي الاوراق المطلوبه بالضبط

[aleman]

كل التفاصيل هتعرفيها من الادارة يامروة
روحى واسالى هناك هيفدوكى باذن الله

[marwa noor]

المشاركة الأصلية كتبت بواسطة RAMY00

اولا يا استاذه مروة لازم تبقى دخلتى كادر ويكون مؤهلك تربيه عام او اداب ودبلومه تربوى ثانيا التقديم ملهوش ميعاد معين لان ده قرار وزارى مش مرتبط بوقت ينتهى فيه حضرتك يستحسن تسالى فى الاكاديميه المهنيه عندكم فى اسكندريه علشان حتى تعرفى اي الاوراق المطلوبه بالضبط

شكرا جزيلا

[marwa noor]

المشاركة الأصلية كتبت بواسطة aleman

كل التفاصيل هتعرفيها من الادارة يامروة
روحى واسالى هناك هيفدوكى باذن الله

شكرا جزيلا

[mfa1]

السلام عليكم و رحمة الله و بركاته
يمكن التقديم في ذلك الوقت للإدارة أو الموجه الخاص بمادتك أو موجه التنسيق المختص بالمادة أو من يكلفه الموجه الأول للمادة بذلك
و المطلوب للتصعيد من معلم ابتدائي لمعلم اعدادي أن يكون المتقدم تربية عام و ليس تربية تعليم أساسي لأن تربية تعليم أساسي يتم فقط تحويله و تغيير المسمى الوظيفي له من معلم فصل إلى معلم مادة ابتدائي
المطلوب:
1- صحيفة أحوال حديثة معتمدة من الإدارة.
2- صورة من المؤهل الدراسي معتمدة من الإدارة.
3- صورة بطاقة الرقم القومي.
4-طلب موجه لمدير عام الإدارة لتغيير المسمى الوظيفي.
5- تقريرين من الموجه المختص و مدير المدرسة.( التقارير موجودة جاهزة للطباعة من النت و من على بوابة الثانوية العامة المصرية ولو احتاجتيها ممكن ارفعهم لك)
توضع المستندات في ملف و تقدم للمختص

[malkhamza]

هل لازم يكون للمعلم درجه ماليه انا قرار 244 فى الغربيه ومليش درجه ماليه ومش عايزين يغيرولى المسمى بحجه انى لسه متعاقد

[mfa1]

ممكن بعد التثبيت

[كافوران2]

ما هي خطوات تغيير المسمي الوظيفي من مدرس مادة الي مادة اخري ؟ ( اي حصول علي مؤهل دراسي اخر اثناء العمل )

[mfa1]

بعد قضاء عام كامل بالوظيفة الجديدة أو المؤهل الجديد يتم تقييمه من مدير المدرسة و الموجه الفني المشرف عليه من خلال تقريرين هم تقرير الموجه الفني ( من 100 درجة )و تقرير الرئيس المباشر و هو مدير المدرسة ( من 50 درجة ) و تقدم نفس المستندات السابقة بالإضافة لصورة المؤهل الجديد معتمدة و بعد صدور القرار التنفيذي لتغيير المسمى الوظيفي يتم توزيعه من توجيه المادة الجديدة التي حصل على المؤهل لها لتدريسها.
مرفق مع الرد تقريري الموجه الفني و مدير المدرسة( الرئيس المباشر)
طبعا تغيير المسمى الوظيفي يكون طبقاً للقرار رقم (275 ) لسنة 2011