معهد الفراعنة علوم حاسب

[ahmed-r]

انا برشحلك معهد القاهرة العالى تجمع اول علوم حاسب بنظام الساعات المعتمدة

ومش بقول كده علشان انا دخلته لا بس انا اصلا كنت حطه رغية تانية

ودى معلومات موثوقة علشان محدش يقول انى بجيب حاجة من عندى وبتعصب للمعهد بتاعى وقارنى بنفسك

اولا القاهرة معادل ومعتمد ومقيد فى النقابات وواخد شهادة الايزو وبقاله 18 سنة يعنى تخيلى الخبرة وسعره مناسب جدا متبصيش ل 259
للساعة المعتمدة الواحدة انا متصل انهارده ومصاريفه 4500 جنيه فقط واتصلى واتأكدى بنفسك
وشوفى قرار المعادلة بنفسك
http://www.tansik.egypt.gov.eg/appli...tutions/46.htm
وده موقعه الالكترونى ادخلى شوفى الدكاترة اللى فيه منين و......و....
http://www.cairohigherinstitute.com/

طيب سيبك من موقع الوزارة وموقعه ده لينك لسؤال عن المعهد لقيته بالصدفة والله العظيم وواحد من طلاب علوم حاسب فيه بيجاوب عليه
http://ejabat.google.com/ejabat/thre...bfff6a7f715860

طيب تعالى نشوف الفراعنة اولا شهادة المعادلة بتاعته مش موجودة
واتأكدى بنفسك
http://www.tansik.egypt.gov.eg/appli...tutions/59.htm

واللى شايفنى غلط يصححلى بس انا مش جايب حاجة من عندى ده موقع الوزارة

وانا والله كنت كتبه فى اواخر علوم حاسب لانى كنت هنقل منه بعد سنة لو كان جانى بس الحمد لله جانى بتاع القاهرة ورايح اقدم بكره والخلاصة علشان انا اسف طولت عليكى
لو عايزة تروحى اى معهد وبعد كده تنقلى منه روحى الفراعنة ولو عايزة تروحى معهد تستقرى فيه لانه مش نقصه حاجة روحى القاهرة

انا اسف انا مش بتعصب والله للمعهد اللى انا فيه بس حضرتك كنتى بتقولى الاتنين اى كلام ممكن توضحلى القاهرة العالى اى كلام فى ايه ؟؟؟

وربنا يوفقك للأصلح يارب

[حتشبسوت7]

ميدئيا اشكرك جدا على التوضيح اللى اقنعنى احول

خصوصا ان الفراعنة طلع اول سنة السنادى ينزل شعبة علوم حاسب واغلب اللى هناك مش عارفين عنه تفاصيل

اما بالنسبة ان ان قولت الانتين اى كلام
لان فى تحذير من المعاهد اللى بالساعات المعتمدة عموما

فقولت يقعد سنة وبعدين يحول مودرن اكاديمى ولا العاشر على اساس السمعة
والمقارنة بينهم

[draktour]

يجماعه انا اسمي محمد اوكي وجالي الفراعنه ده وبكره ان شاء الله رايح ادفع المصروفات بيتاعتي واشوف جدول محضراتي وكده يعني وبالمره اشوف سكن بره لاني مش من القاهره يريت لو حد مكن يتفضل ويساعدني ويقولي المميزات ولو حد في المعهد ده يريت يكلمني علي الفيس ده الاكونت بيتاعي dr.midoo55*yaho.com
وشكرا ....................

[ahmed-r]

المشاركة الأصلية كتبت بواسطة حتشبسوت7

ميدئيا اشكرك جدا على التوضيح اللى اقنعنى احول

خصوصا ان الفراعنة طلع اول سنة السنادى ينزل شعبة علوم حاسب واغلب اللى هناك مش عارفين عنه تفاصيل

اما بالنسبة ان ان قولت الانتين اى كلام
لان فى تحذير من المعاهد اللى بالساعات المعتمدة عموما

فقولت يقعد سنة وبعدين يحول مودرن اكاديمى ولا العاشر على اساس السمعة
والمقارنة بينهم

اولا لا شكر على واجب

ثانيا معظم المعاهد الخاصة نظام الدراسة فيها بالساعات المعتمدة ومتقلقيش مفيش اى مشكلة فى كده بالعكس ده نظام متقدم وبيريح الطالب والجامعة الامريكية بتستخدمه

وبالتوفيق ان شاء الله