طب الأزهر الفرقه الاولى/2013

[moazmoaz12]

ياجماعه عايزين نعمل جروب خاص بينا للمتفوقين اللى داخلين طب
انا معاذ عبدالرازق الاول على القاهره السنادى بمجموع 656
مستنى ردودكم

[ebrahim513]

فكرة رائعة جدا وعلي العموم انا الحمد لله الثاني مكرر علي القاهرة وجايب بالمستوي 655وبفضل الله تعلمت القراءات العشر الصغري_ملحوظة_انا اسمي(محمود محمد نصر)معهد طلائع الازهر اماebrahim513فهذا اسم خالي وياريت اعرف صفحتك علي الفيس بوك للتواصل

[moazmoaz12]

وياريت لو تعرف تجيب اسامى العشره الاوائل يبقا تمام اوى
عشان نعرف نتواصل معاهم

[ebrahim513]

انا بإذن الله هحاول اجيب اسامي العشرة الاوائل وعلي العموم انا مقلتش اني الاول وتبقي اقرأ الرسالة كويس اللي انا كتبتها قبل كده (الثاني مكرر)علشان عيب تكون ازهري وتكذب

[moazmoaz12]

المشاركة الأصلية كتبت بواسطة ebrahim513

انا بإذن الله هحاول اجيب اسامي العشرة الاوائل وعلي العموم انا مقلتش اني الاول وتبقي اقرأ الرسالة كويس اللي انا كتبتها قبل كده (الثاني مكرر)علشان عيب تكون ازهري وتكذب

أكذب ايه ياعم من اولها كده !!!!
انا بقول انك عمال تقول على الرحمه ان مدرستنا بطلع الاوائل كل سنه وبتاع !!!!!

[جى جى نصر]

علي العموم اسأل عن معهد طلائع الازهر واعرف بيطلع من عنده الاوائل علي القاهرة في كل المراحل ولا لأ

[moazmoaz12]

المشاركة الأصلية كتبت بواسطة جى جى نصر

علي العموم اسأل عن معهد طلائع الازهر واعرف بيطلع من عنده الاوائل علي القاهرة في كل المراحل ولا لأ

انا عارف بس لعلمك الخاص عموما ملهوشحق انه يدخل فى ترتيب الاوائل على الجمهوريه ده سياسه

ثانيا المدرسه مش هتكون حلوه لما يكون 2 ولا 3 جايبن مجاميع عاليه
والباقى دور تانى وفى التمانينات

لكن طلعت السيد النموذجى اللى يشرفنى اكون فيه مخرج السنادى مش أقل من 30 طالب هندسه وطب

ثالثا السنه اللى فاتت مفتكرش ان اوائل القاهره كانوا من عندكم اصلا
لان الاربع اوائل كانوا من فتيات المنطقه السادسه
رابعا احنا خرجنا كده عن الموضوع ياجماعه عايزين نعمل جروب دكاتره مش كده بقااا

[ebrahim513]

ياريت نهتم بمستقبلنا الا وهو كلية الطب

[ebrahim513]

علي فكرة انا كنت في غاية السعادة لما عرفت انك بتتواصل مع اخوانك المتفوقين من ابناء الازهر لكن فوجئت لما لاقيتك بتقول بأسلوب غريب في اول مرة(اول ومش اول ههه) وخلي في بالك انا بفضل الله عمري ما قلت كلام فيه كذب

[ebrahim513]

احب اوضح لك ان اول سنة في الشهادة الثانوية الازهرية في معهد طلائع الازهر كانت السنة ده

[moazmoaz12]

غير كده اانا كنت زعلان جدا لما النتيجه طلعت وعرفت انى الاول وولا حد اتصل ومأخدتش جوايز وكده
وانت فى البرنامج مجيتش سيره عنى صح ولا انا غلطان ؟!!!!!
انت اكتفيت بمدح مدرستك والمدرسين والسلام !!!

[ebrahim513]

انا مش ذنبي ده مقدم البرنامج هو اللي طلب مني كده وقال ان هو هيعمل حلقة خاصة عني

[moazmoaz12]

المشاركة الأصلية كتبت بواسطة ebrahim513

انا مش ذنبي ده مقدم البرنامج هو اللي طلب مني كده وقال ان هو هيعمل حلقة خاصة عني

بأمانة ربنا لو كنت قلتله ان فيه واحد بنفس مجموعى وفيه معاذ الأول مش كان الموضوع هيختلف ؟!!!

[Nihal !]

ياجماعه عادي يعني بتحصل والله ؟!!
طيب مهو احنا ممكن نلاقي اوائل ادبي عندنا ف الثانوي العام مجموعهم اقل من العلمي علووم ! دي سياسه عجيبه اصلا !!!!
انا ثانوي عام مش ازهر !!

[Nihal !]

بس افتكر اني لازم اقول سوري اني اتدخلت !
ســـــــــوري !