|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
06-08-2012, 12:17 AM
|
||||
|
||||
قصتى الاولى جعلتنى ملاكا يارب تعجبكم
القصه ديه كتيرررررررررررررررر حلوه يارب تعجبكو يومياتنا الجديده يارب تعجبكم  "" الحلقه الاولى "" انا شيطان بس ده مش اسمى انا سميت نفسى كده علشان كانت اعمالى تشبه اعمال الشيطان كتير بس ده قبل اما اقابلها ..............هى.........هى ملاك نزل عليا من السما علشان ينقز انسان كان خلاص هيضي...ع ..................... ايوه بحبها ............. بس ياترى هى كمان .................................................. .. ايوه بحبه ولازم اغيره علشان يبقى ليا انا لوحدى انا مش انا نيه بس انا من كتر حبى فيه عايزاه يبقى ليا لوحدى بس هو هيتعبنى كتير .................. بس .................بس هو يستاهل لانه اول واحد احبه بجد علشان كده ............... اول مره هتشوفوا شيطان هيبقى ملاك ............ طبعا مش مصدقين ........... تعالوا بنفسكوا شوفوا ازاى هيتغير . ********************* ديه الشخصيات  شرين :بنت متوسطه الجمال ذات عيون سوداء وشعر اسود قصير طبعا محجبه ذات اخلاق عاليه وهدوء ورقه من اسره متوسطه وداخله اولى صيدله محمد :والد شرين وبيحبها قوى وبيشتغل محاسب سهير:والده شرين وشرين بتحكلها كل حاجه عادل :اخو شرين وداخل اولى ثانوى وبيحب شرين جدا وبيحكلها كل حاجه احمد :شاب مغرور من اسره غنيه وتصرفاته سيئه جدا مع انا وسيم شويه ومدلع جدا وفى 2 تجاره وطبعا فاشل فى دراسته مدحت :والد احمد ونفسه احمد يتغير علشان يشيل الشركه ناريمان :والده احمد ومدلعاه جدا وهى من اصل تركى انجى :اخت احمد وطبعا عكسه خالص هى محترمه جدا ومتفوقه فى دراستها ودايما فى بينها وبين احمد ومامتها مشاكل ومتعلقه بباها جدا هناء :الانتيم بتاعه شرين وساكنه فى الدور الى تحت شرين وهى محجبه ومؤدبه زى شرين ************************** " الحلقه الاولى " فى بيت شرين وتحديدا فى غرفتها سهير:شرين يلا يابنتى قومى هتتاخرى على الكليه ده النهارده اول يوم شرين :حاضر يا ماما هقوم اهوه اتوضا واصلى وهنزل على طول سهير:لا يا حبيبتى انتى تتوضى وتصلى وتفطرى وبعدين ابقى انزلى شرين :هههههههههههه حاضر هو انا اقدر ارفض لحبيبتى طلب تليفون شرين بيرن ترن ترن شرين :اوف تليفونات ع الصبح ... الو مين معايا هناء:على اساس انك متعرفيش النمره يلا يا اختى قومى وانزلى بسرعه وانتى نازله خبطى عليا متتاخريش انتى لسه قاعده يلا قومى بقى يلاااااااااااااااااااااااااااااااااااااااااااااااا ااااااا شرين :ايه راديو بس اسكتى ده انا لسه مقومتش من ع السرير هناء:لا معطلقيش انا همشى انا رين: لا استنى متبقيش بايخه انا خمس دقايق وهنزل هناء :على اساس انى كنت همشى يعنى يلا يا بت خمس دقايق بس شرين ( وهى بتضحك ): ماشى هناء : ماشى يا ست المبسوطه شرين لبست وجهزت ونازله شرين: ماما انا ماشيه سهير: راحه فين مش هتفطرى شرين : لآ كده هتاخر ........... سلام سهير :خدى هنا يابت شرين :خلاص بقى سلام سهير :عارفه انى مش هخلص منك يا لمضه شرين قدام باب هناء وبتخبط واتفتح الباب شرين: اتاخرت يا اختى هناء : لا هو انتى تقدرى شرين : لا طبعا .. يلا بقى ولا انتى عماله تقليلى بسرعه وانتى الى هتاخرينا اهوه هناء :خلاص يلا . انا نازله يا ماما نعمه( ام هناء ) : ماشى يا حبيبتى ........ ازيك يا شرين شرين :الحمد لله يا طنط فى الشارع هناء: النهارده اول يوم فى الجامعه انا مرعوبه بيقولوا الجامعه مليانه شباب وبنات مش كويسين شرين: بس زى مافى الكويس فيه الوحش واحنا نحاول منخطلتش بحد غير لما نعرفه كويس .... قصدى حد بنت هناء :اه طبعا انتى معاكى راجل شرين: ههههههه طب يلا يا عم الراجل .......... تاكسى وركبوا التاكسى واول اما وصلوا نزلوا شرين :عادل اخويا خايف جدا من الثانوى النهارده اول يوم ليه فى اولى ثانوى عامل زى العيل الى لسه رايح الحضانه وماسك فى مامته ومش عايز يخرج من البيت ههههههههههههه هناء: هههههههههه الله يكون فى عونه ويوفقوا انتى فكره شكلنا فى الثانوى كنا لا بنام ولا بناكل ولا بنشرب بس ايه النتيجه فى الاخر زى الفل دخلنا صيدله ........ ياه ده انا لغايه دلوقتى مش مصدقه انى فى الكليه الى كنت هموت وادخلها شرين : اه والله عندك حق انا كمان مش مصدقه من كتر الفرحه وفجاه  هناء: شريييييييييييييييين  -------------------------------------------------------------- "" الحلقه التانيه "" وقفنا لحد اما هناء قالت شرييييييييييييييييييييييييييييييييين بس نستنى حبه كده ونروح لبيت احمد وخاصه فى اوضته ناريمان :قوم يا حبيبى يلا علشان تودى اختك الجامعه احمد :فين عربيتها ماتروح بيها انا عاوز انام ناريمان :عربيتها ادتها لباباك قل ايه بتحس انها بتبقى مغروره اما بتركبها .............كلام فاضى احمد:اوف خلاص تاخد تاكسى تتحمل بقا نتيجه دلعها ( ملحوظه الحوار ده واحمد لسه ع السرير ناريمان :قوم بقى وكمان انت مش عندك كليه احمد: فكرتينى ايوه انا قايم اهوه ( احمد طبعا بيحب يروح اول يوم علشان يتفرج ويتعرف على بنات سنه اولى ............ حقير طبعا) ناريمان : اوكى ياحبيبى انا هنزل اقول للشغاله تحضرلك الفطار احمد :اوكى يا مامى لبس احمد ونزل لقى انجى قاعده لبسه ومستنياه احمد : انا معنديش استعداد يا انسه انى اتحمل نتيجه دلعك ديه اخر مره اوصلك فيها انجى :______________ احمد: طبعا اتخرستى دلوقتى واتفاجا احمد بباه قدامه مدحت: بتزعق ليه يا احمد احمد ( بارتبك) : لا ابدا يا بابا مبزعقش ولا حاجه انجى : لا يا بابا بيزعقلى علشان انا اديتك عربيتى وهخليه يوصلنى الجامعه مدحت: يا سبحان الله مفروض انك تفرح ان اختك هتبقى معاك فى الرايحه والجايه من الجامعه علشان محدش يديقها ولا انت مبتحسش احمد ( بارتباك اكتر ) : لا طبعا افرح جدا مدحت :يبقى هتوصلها علطول ومش عايز مناقشات فاهم احمد :امرك يا بابا انجى (بضحك ) : احسن هههه احمد : ماشى هوريكى انجى :طب يلا ياعم انا كده هتاخر على الكليه وانت كمان هتتاخر ( ملحوظه هما الاتنين فى جامعه واحده بس كل واحد فى كليته حمد: قدامى وخرجوا احمد وانجى فى طريقهم للجامعه  وفى بيت احمد دارالحوار ده بين مدحت وناريمان مدحت: يا خوفى لا الواد احمد يسقط ده انا مصدقت عده اولى تجاره من اول سنه من غير ما يسقط هو اينعم جايب مقبول وكمان بالعافيه بس اهوه نجح ناريمان: متقرفش الواد فى عيشته سيبه يعيش حياته مدحت :انا مش عارف انتى ام ازاى مفروض انتى الى تحفزيه علشان يتفوق ولا اهلك مكانوش بيعملوا كده معاكى ناريمان: انت اكتر واحد عارف اهلى علمونى ازاى ولا نسيت انا بنت مين ولا خليتك ايه مدحت بنرفزه : منستش يا بنت الحسب والنسب انا غلطان انى بكلمك وسابها وفى طريقه لباب الفيلا ناريمان حست انها غلطت فجريت بسرعه على مدحت ناريمان: انا اسفه يا حبيبى مكنتش اقصد والله مدحت : تقصدى ولا متقصديش الكلمه طلعت وخلاص ناريمان :خلاص بقى والله والله ماكان قصدى مدحت: خلاص انا ممكن اتاخر فى الشغل النهارده ناريمان : تروح وتيجى بالسلامه يا حبيبى نروح لاحمد وانجى وهما فى العربيه انجى ( بخوف ) : وطى الزفت الى انت مشغله ده وامشى براحه شويه انت ماشى فى وسط بشر ( قصدها الزفت الكاسيت بتاع العربيه ) احمد :انتى جبانه كده ليه اهدى بقى اووف انجى: حاسب يا احمدددددددددددددددددددد انا نزلت حلقتيين يارب تعجبكم ولو لقيت ردود هنزل الباقى يلا بقى قولولى هتعجبكم ولا ل ا سلاااااااااااااااااااااا هتوخشووووونى كتييييييييير 
__________________
الحمد لله الذي عافاني مما ابتلى به كثيرا ً من عباده و فضلنا على كثير ٍ ممن خلق تفضيلا |
|
#2
06-08-2012, 12:18 AM
|
||||
|
||||
معلش يقى حجم الكتايه طلع معايا صغير المره الى جايه ان شاء الله
هكبر الخط 
__________________
الحمد لله الذي عافاني مما ابتلى به كثيرا ً من عباده و فضلنا على كثير ٍ ممن خلق تفضيلا |
|
#3
06-08-2012, 12:27 AM
|
||||
|
||||
|
قصة رائعة لو انك كنتى فى بداية عهدك بالادب
تصور حالة الصراع النفسى التى تعانيها رما تكونين مررت بنفس التجربة يوما ما -- او انتى قلقة من تكرارها ...ربما المأخذ على تلك القصة - خالية من الحبكة القصيية والتشويق - استخدامها للغة المصرية العامة وهذا يشين الادب المصرى ... نحن هنا لا نتحدث عن الادب الشعبى لكننا ف زمن ليست به اساطير او اداب شعبية فى ظل الثورة المعلوماتية التى شهدتها المنطقة العربية خاصة المصرية -- اذا فلا داع للحكاية العشبية وتكفينا الخزعبلات والهراء BullShit الذى يتحفنا به التلفزيون المصري والقنوات الفضائية على شاكلته والتى جعلت من اللغة - والادب المصري ترفا نزقيا سيأخذنا عليه التاريخ فيه بتخلف ورجعية - بداية طيبة - استمرى حاولى الاعتناء بالالفاظ "المعانى والتراكيب" دعى افكارك تنطلق بحرية من منطلق " تداعى المعانى " -راعى الحبكة الدراماتيكية والقصصية "السردية "فى عمالك اقرأى كثيرا واجعلى عقلك ينمو مثلما ينمي شعر رؤسكن ... تحياتى بأخلاص :مدرس بالاجر سابقا
__________________
|
|
#4
06-08-2012, 04:58 AM
|
||||
|
||||
|
اقتباس:
__________________
الحمد لله الذي عافاني مما ابتلى به كثيرا ً من عباده و فضلنا على كثير ٍ ممن خلق تفضيلا |
|
#5
06-08-2012, 05:00 AM
|
||||
|
||||
|
ايه يا جماع ه مش عجباكوا القصه ولا اييييييييييييييييييييه
__________________
الحمد لله الذي عافاني مما ابتلى به كثيرا ً من عباده و فضلنا على كثير ٍ ممن خلق تفضيلا |
|
#6
06-08-2012, 05:28 AM
|
||||
|
||||
|
أكملي .. ربنا يبارك فيكِ 
__________________
اللهُم’ إجعَل نَفسي نَفساً طَيبة’ , مُطمَئنة’ , طَائعة’ لك’ , تُؤمن’ بِ| لقَائك’ , تَرضى’ بِ| قَضائك’ , تَقنع’ لِ| عَطائك’ , ولا حَول’ ولا قُوة’ إلا بك’ ..  |
|
#10
06-08-2012, 06:21 AM
|
||||
|
||||
|
" الحلقه الثالثه ""
هناء: شرييييييييييييييييييين انجى : حاسب يا احمددددددددددددد ... هناء بتصرخ وهى بتشد شرين من ايدها هناء : حصلك حاجه شرين طبعا مش قادره تتكلم من الخضه وفجاه نزل من العربيه الى كانت هتخبط شرين شاب وراح قالع النظاره وحاطط طرفها على لسانه وبيقول بكل الاطه وغرور الشخص : انتى يابتاعه انتى . .......... انتى ازاى توقفى اقدام عربيتى  شرين( بكل عصبيه ونرفزه) : انت متخلف انت كنت هتموتنى وكمان بتلومنى انت اكيد مجنون  الشخص: اخرسى انتى متعرفيش انتى بتكلمى ميين 'شرين لسه هترد لقت نزلت من نفس العربيه انسه وبتقول الانسه : عيب كده يا احمد......... انت الى غلطان (طبعا هو احمد الى فى بالكوا والى بتتكلم ديه انجى اخته) احمد : اسكتى انتى وملكيش دعوه يا انجى شرين : انت معندكش ريحه الدم ولا الزوق راحت مسكتاها هناء وقالت هناء : اهدى يا شرين متنزليش مستواكى لواحد زى ده يلا بينا الحمد لله انها جت سليمه انجى: احنا اسفين جدا يا انسات والله هو ماكانش قصده احمد ( بكل الاطه وغرور) : اتكلمى عن نفسك انا مبتاسفش لحد شرين لسه هتتكلم راحت شداها هناء من ايدها ومشيوا على كليتهم ملحوظه الكلام ده كله كان امام باب الجامعه __________________________________ انجى : ايه الى هببته ده انت الى غلطان وكمان بتتكلم بكل اله زوق ووقاحه احمد : بقولك اخرسى وغورى من قدامى طبعا احمد متنرفز جدا لانه ديه تعتبر اول مره حد يهزئه بالشكل ده هناء: انتى كويسه يا شرين شرين: الحمد لله انا كويسه هناء: اهدى بس وسيبك من الانسان ده ده شكله كده واحد من بتوع مامى وبابى وواخد زميلته معاه كمان فى العربيه بس الصراحه البت الى معاه محترمه وزوق جدا كفايه انها اعتذرت شرين : هى تعتذر ليه مفروض الحيوان الى معاها هو الى يعتذر ده كان هيموتنى هناء: خلاص بقى ده واحد اخلاقه زى الزفت ايه هواحنا هنصلح الكون شرين: على رايك ......... احنا منقلناش الجدول يلا بسرعه ننقله شرين واقفه وهناء اقتحمت الجيش الى كان واقف اقدام الجداول شرين (وهى بتضحك) : هههههههههه انتى ايه الى عمل فيكى كده هناء: التتار ده ايه ده دول ولا الناموس فى يوم صيف والنور قاطع ومفيش مراوح وحاجه تزهق و تقاطعها شرين شرين : حتى وانتى متبهدله بترغى اسكتى هناء : على رايك انا اصلا مش قادره اتكلم اتفضلى الجدول اهوه انا تعبت لغايه اما جبته ده عندى اغلى من ابنى الى لسه مخلفتوش وبعدين انا كنت هموت جوه يعنى لوضاع انسى انى اجيبه تانى و تضع شرين ايدها على بق هناء وهى تقول شرين : هشششششششش انتى رغايه قوى هناء : اصل انا شرين : هش هناء : هقولك حاجه بس اصل انا شرين:no هناء : طب بس شرين: قولت no شرين : يلا على المحاضره يا رغايه احمد داخل على اصحابه مدايق اوى حوده : ايه ده احمد البرنس مدايق ديه اول مره تحصل احمد : مش نقصاك يا عم الخفه حوده : ايه مالك ياعم احمد: قولت مدايق خالد: طب احكى واحنا هنزبطلك الامور احمد: حكى على موضوع شرين والى هيه عملته فيه قدام الجامعه كلها حوده : ايه ده ديه جريئه قوى خالد: ياعم فكك خالد( وهو مندهش ) : ايه ده انت مسالتش يعنى على بنات الدفعه الجديده احمد: اه ايه الاخبار حوده: اهو الحال ماشى بس لسه معدى من علينا كام بنت انما ايه دمار احمد: قشطه هناء وشرين بعد المحاضره اما خلصت راحوا الكافيتريا واعدين بيتكلموا هناء: شوفتى الدكتور مصطفى ده لابس نضاره كعب شفشء مش كعب كوبايه شرين: بنت عيب كده انا ربيتك على كده برضو هناء بصوت طفولى : اسفه يا بابا هناء\ شرين: هههههههههه وفجاه قطع كلامهم حد الشخص: صباح الخير هناء وشرين فى زهول :__________ الشخص : صباح الخير هناء\ شرين: انتى هناء : اتفضلى شرين : خير جايه تكملى انتى وخطيبك تهزيئكوا فيا هنا انجى : اولا احمد مش خطيبى ده اخويا وانا مش جايه اهزئك انا جايه اعتذرلك واتكلم معاكى شويه ان سمحتيلى شرين( بعد ان هدأت): اوكى اتفضلى انجى : انا اسفه جدا على الى عمله اخويا معاكى ومع الانسه هناء : هناء اسمى هناء وهى شرين انجى : انا اتشرفت جدا بمعرفتكم انا فى اولى صيدله وانتوا هناء\ شرين : واحنا كمان كلهم : ههههههههههه نسيبهم ونروح لاحمد شويه _________________________________________ خالد: اوبا شوفوا البت ديه صاروخ حوده: احمد ايه رايك يا احمدفى البت ديه احمد__________ حوده: احمدددددددددد احمد: ايه ياحمار انت بتزعه ليه خالد: ايه ياعم انت مش معانا خالص احمد: انا مروح حوده: خدبس ياعم مش هتسهر معانا النهارده ديه الحفله هتبقى ملغمه موزز من بتوع اولى احمد : لأ انا مروح ومشى احمد الى عربيته وروح البت حتى من غير اما يعدى على انجى ______________________________________ انجى: بعد ازنكم انا هروح اجيب الجدول واجى تانى هناء: لأ خدى الجدول اهوه بس خلى بالك منه ده عزيز عليا جدا انجى( بضحك): ليه هو ابنك هناء( وبتمثل الجديه): اكتر من ابنى انتى متعرفيش انا تعبت فيه ازاى شرين: اسكتى بقى هوانتى كل اما تشوفى حد لازم تحكيله ازاى جبتى الجدول ده انتى رغايه قوى انجى: حرام عليكى ديه هناء طيبه شرين: طيبه اه صح ماانتى لازم تقولى كده منتى مبقالكيش معاها غير يوم واحد كبيرك يومين وهتنتحرى من كتر رغيها هناء: كده ياشرين وانا الى كنت معتبراكى صاحبه من صحباتى وجاره من جاراتى وصيدلانييايا من صيدلانياتى تقاطعها شرين شرين: شوفتى الرغى علشان متقوليش بس طيبه هناء: كده طب انا هقولك على الحقيقه المره انتى مش شرين ومش صاحبتى انتى لقيد.... لقيد. لقيد شرين: عاجبك كده اهى قلبت عماد حمدى فى الخطايا انجى: هههههههه ديه دمها زى السكر هناء( وهى لسه عايشه فى الدور) شكرا يابنتى نردهالك فى الافراح كلهم: ههههههههههههههه وبعد اما خلصوا محاضرتهم هناء: ايه يا انجى مش هتروحى معانا ولا ايه انجى: لأ سورى اصل احمد اخويا بيعدى عليا بس مش عارفه اتاخر ليه شرين: يمكن عنده محاضرات انجى: هههههههه محاضرات هوبيحضر محاضراته اصلا ده بيروح الكليه علشان يهزر ويسهر هوواصحابه الفاسدين هناء: طب اتصلى بيه وشوفيه كده انجى : اه صح عندك حق وبتتصل انجى باحمد واحمد مبيردش هناء: رد انجى: لا . بصوا انا هروح معاكوا وخلاص ومشيوا مع بعض وركبوا تاكسى وكل واحد روح بيته _________________________________________ وفى بيت احمد وانجى انجى دخات من باب الفيلا لقت احمد قاعد اقدام التليفزيون انجى: انت يا استاذ ازاى تمشى من غير اما تعدى عليا وايه الى رجعك بدرى مش عاويدك ده انت مكنتش بتعد فى البيت كنت دايمه مع اصحابك الفاسدين بره ايه الى غير احمد:_________ انجى قربت منه انجى:احمددددددددددددددددد _________________________________________ فى بيت شرين سهير: ايه اخبارالكليه شرين : الحمد لله اتعرفت انا وهناء على واحده جديده اسمها انجى هى من عيله غنيه جدا بس هى البنت طيبه ومتواضعه جدا جدا سهير: وديه اتعرفتى عليها ازاى شرين :شرين حكتلها على كل حاجه وعلى موضوع احمد) سهير( بخضه وهى بتبص لشرين من فوقها لتحتها): ايه وحصلك حاجه يابنتى شرين( بضحك): فيه ايه ياماما مانا زى القرد قدامك اهوه........ امال فين الواد عادل مش سمعاله حس فى البيت سهير: اهو فى اوته قدام الكمبيوتر شرين: طب انا دخلاله شرين دخلت لعادل اوته شرين: دوله حبيبى ههههههههه ها قاعد لوحدك ليه عادل : يعنى اعمل ايه مفيش حاجه ورايا شرين: ماشى يا سيدى ايه اخبار الثانوى عادل : الثانوى اه ده كويس جدا وجميل جدا وامور جدا شرين:هو ايه ده الى جميل وامور عادل( بارتباك): اه طبعا الثانوى امال ايه يعنى شرين( بخبث اكتر) :بحسب يعنى عادل: ايه انتى بتشكى فيا ولا ايه شرين: انا ابدا دانت ملاك ده انت حتى من كتر الطيبه الى انت فيها طلعلك جناحات عادل: ههههههههههه _____________________________________ انجى:احمددددددددددددد احمد: ايه بتزعقى ليه انجى( قعدت جمبه على الكنبه):ايه ياابنى ده انا بقالى ساعه عماله بكلمك وانت ولا هنا احمد: سورى يا انجى اصلى سرحان شويه انجى: اوكى ........ اه صح انت عارف انا روحت مع مين النهارده احمد( بسخريه): مع مين يعنى مع شاكيرا مثلا انجى: لأ يا خفه انا روحت مع شرين احمد: شرين مين انجى: شرين البت الى انتى كنت هتخبطها بالعربيه الصبح احمد: هو انتى برضو رحتى اعتذرتلها انجى: لأ والله اصل هى وهناء زميلتها الى كانت واقفه معاها طلعوا فى اولى صيدله معايا....... وتعالى قولى هنا انت مسهرتش بره يعنى زى عاويدك احمد: مش عارف يا شرين.......... سورى مش عارف يا انجى انجى: شرين ..... اوكى انا طالعه اوتى احمد: انجى استنى عايزك فى حاجه وياترى احمد هيقول ايه لانجى؟
__________________
الحمد لله الذي عافاني مما ابتلى به كثيرا ً من عباده و فضلنا على كثير ٍ ممن خلق تفضيلا |
|
#11
06-08-2012, 06:29 AM
|
||||
|
||||
|
ياريييييييييت بجد تقرؤا القصه جميله موووووووووووت وعايزه ردود بقى علشان انزل الباقى
__________________
الحمد لله الذي عافاني مما ابتلى به كثيرا ً من عباده و فضلنا على كثير ٍ ممن خلق تفضيلا |
|
#15
06-08-2012, 08:19 AM
|
||||
|
||||
|
قصة جمييييييييييييييييييييييييله جد ا
يلا انا مستنيه الجديد لو سمختى نزلى بسررررررررررررررررررررررررررررررررررررررعه جدا جدا
__________________
(samar tawfik ali) |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 07:37 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
