معهد الصفوة العالى للهندسة والتكنولوجيا بالقليوبية

[abubakr2]

انا من الزقازيق ثانوية عامة رياضة 88,8% ............ ايه رأيكم ياجماعة في معهد الصفوة انا كتبته بعد السلاب ولاني عارف اني مش هلحق السلاب كتبت الصفوة تاني رغبة وانا متأكد ان هيجيلي الصفوة كتبته لانه معادل ومنضم لنقابة المهندسين واتصلت بيهم قالوا ان فيه باص من الزقازيق للمعهد بـ2050 جنيه ............ بس بالرغم من ان مكتوب في التنسيق ان مصاريفه 6500 الا انهم في التليفون قالوا 7500 في السنة ............. عايز اعرف اختياري كان مناسب ولا ايه

[abubakr2]

64 مشاهده ومفيش رد واحد رمضان كريم

[abubakr2]

المعهد اللي في الكيلو 93 طريق مصر اسماعيلية امام مدينة الشروق ايه مفيش حد يعرفه كويس وحش اي حاجة يااخوانا

[kareem_mohamed]

اهم حاجة معتمد من نقابه المهندسين ولا لأ ؟

[abubakr2]

المشاركة الأصلية كتبت بواسطة kareem_mohamed

اهم حاجة معتمد من نقابه المهندسين ولا لأ ؟

معتمد من الوزارة من 2006 ومعادل من المجلس الاعلي للجامعات منذ 2011
بس مفيش حد بيتكلم عنه انا خايف اكون انا بس اللي قدمت فيه

[nonaaz]

انا كمان قدمت فيه برده معرفش عنه حاجه بس ان شاء الله خير

[abubakr2]

المشاركة الأصلية كتبت بواسطة nonaaz

انا كمان قدمت فيه برده معرفش عنه حاجه بس ان شاء الله خير

اخيرا لقيت حد مقدم فيه يارب خير ان شاء الله واي معلومات ياريت محدش يبخل علينا بيها بس حضرتك مقيم في اي مدينة

[nonaaz]

انا من المنصوره ان شاء الله هروح سنه وهحول السلاب
انا بنت

[abubakr2]

المشاركة الأصلية كتبت بواسطة nonaaz

انا من المنصوره ان شاء الله هروح سنه وهحول السلاب
انا بنت

ربنا يوفقك انا من الزقازيق ونفس الفكرة عيني برضه على السلاب وانا اتصلت بيهم وقالوا ينفع تحول بعد سنة بس السفر بالنسبة ليكي هيكون مرهق ليه مقدمتيش في الدلتا او دمياط الجديدة المسافة كبيرة بين معهد الصفوة والمنصورة هتعملى ايه في المشكلة دي هتسافري كل يوم ولا هتسكني هناك

[abubakr2]

مفيش طلاب قدام بالمعهد موجودين معانا

[abubakr2]

جالي الصفوة خد من 358,5

[black.tiger]

يا جماعة احب اقولكم الف مبروك لطلاب الثانوية العامة والف مبروك للجالوا او جالها معهد الصفوة
انا اسمى حسن أحمد وانا فى اولى مدنى فى معهد الصفوة
وهو معهد ممتاز جدا وعلى مستوى عالى دراسيا
ولو فى اى تساؤلات يشرفنى اجاوبكم عليها واتكلم معاكو فيها

[abubakr2]

المشاركة الأصلية كتبت بواسطة black.tiger

يا جماعة احب اقولكم الف مبروك لطلاب الثانوية العامة والف مبروك للجالوا او جالها معهد الصفوة
انا اسمى حسن أحمد وانا فى اولى مدنى فى معهد الصفوة
وهو معهد ممتاز جدا وعلى مستوى عالى دراسيا
ولو فى اى تساؤلات يشرفنى اجاوبكم عليها واتكلم معاكو فيها

اخيرا لقيت حد بيدرس في الصفوة منور ياباشمهندس حسن التساؤلات كتير بس قبل كده حضرتك مقيم في اي مدينة .................. وتساؤلاتي :-
- انا من الزقازيق وبالاتصال بالمعهد قالوا لي ان فيه باص بـ2050 جنيه من الزقازيق انا قلقان ان ميكونشي حد من الزقازيق مقدم وبالتالي ممكن يلغوا الباص ونحتاس في المواصلات
- اقدم امته واخد معايا فلوس قد ايه علما بان الموقع الرسمي للتنسيق ذكر في كتابة الرغبات ان المصاريف 6500 جنيه لكن بالاتصال بالمعهد (طبعا عن طريق الموبايل لان الارضي مفيش حد بيرد) قالو 7500 جنيه جنيه
- الباص من الزقازيق للمعهد ياخد وقت اد ايه
مستني ردك ياباشمهندس

[moomoom]

ana kman galy el safwaa w isa 5eer :D

[awad5005]

يا جماعة لو سمحتولى انا من مدينة سمنود محافظة الغربية اروح المعهد ازاى و بعدين حد يكتبلى عنوانة بالظبط بليز و يارت رقم تليفون استفسر منه عن المعهد ياريت حد يساعدنى بليز فى اقرب وقت