الحل السحرى لمذاكرة الادب دون نسيان

[babagamil]

انا اخوكم عمرو الحمد لله انتهيت من الثانويه والان داخل صيدلة جامعه القاهره حبيت اقولكوا الموضوع ده عشان الادب هيتعبكوا بجد والمدارس هتخش فى بعض وهتحس ان الدنيا بمبى بمبى بمبى
دلوقتى عندنا على ماافتكر 5مدارس فى الادب +مسرحيه وقصه طويله وقصه قصيره
هتقولى يانهار ابيض وده هيتذاكر ازاى ياعم هقلك بسيطه ان شاء الله
بالنسبه للمدارس الادبيه اانت مطالب تعرف خصائص كل مدرسه ومين رائد المدرسه والسمات اللى بتميز المدرسه
هتقولى طيب ماعندنا حوالى 6 مدارس او اكتر وكده هيدخلوا فى بعض هقلك بسيطه اوى ازاى؟؟؟

مثلا فى مدرسه اسمها الرومانسيه رائدها واحد اسمه جبران خليل جبران
علشان تفتكر خصائصها تقول مثلا(جبران راجل حران بيحب التعبير والسحر الجميل) الجمله دى تفكرك بكل حاجه عن المدرسه
يبقى خصائصها.....ا حراره العاطفه والشوق والرومانسيه
2-التعبير عن التجارب الذاتيه
استخدام الالفاظ الساحره
جمال الاسلوب وروعه التعبير
كده انت خلصت مدرسه كامله
لو عملت الادب بالطريقه دى هيبقى بالنسبالك تافه
حاول تخلى كل مدرسه فى جمله واحده زى مانا عملتلك كده
استودعكم الله
لا تنسى الصلاه على النبى الكريم

[babagamil]

شارك بردك لانه يعبر عن شخصيتك ولا ترحل بعد المشاهده

[maha_ramadan]

أولا : اللهم صلى و سلم و بارك على محمد
ثانيا : بجد فكرة حلوة جدا جدا ربنا يبارك فيك و أكيد هفتكر جميل حضرتك ده و أنا فى الأمتحان و طبعا تستحق التقدير لوصولك لكلية الصيدلة ما شاء الله بس ياريت لو فى حاجة مش عارفه اعملها جملة ممكن استشير حضرتك

[babagamil]

ثانكس لردك الجميل اول حد احس انه فاهم الطريقه دى لدرجة ان كنت هحذف الموضوع انا قلت افيدكم والله علشان الادب طويل وصعب ....وطبعا ان شاء الله انا موجود فى الخدمه

[واحدة وبس]

مرسي ليك كتير والف مبروك علي دخولك صيدلة وربنا يوفقك
بس معذرة الادب مش مدارس وبس ده بلاااااااااااااااااااااااوي

[salshetwy]

وباقى المدارس
يا باشا عمرو

[طالبه مجتهده جدا]

اللهم صلي علي سيدنا محمد
ومرسي لحضرتك جدا اكيد هنستفيد من الطريقه دي انشاء الله لان الادب كان مدوخني في تانيه
بس الحمد لله عدي ع خير وجبت 29.5 عربي
في حاجه تاني انا عايزه اسالها لحضرتك بمناسبه انك دخلت صيدله انا جبت السنادي 98.5
فكنت عايزه اعرف راي حضرتك بالنسبه للكليه دي يعني لو مجموعي زاد انشاء الله ولحقت طب
يبقي ايه الافضل من حيث الشغل والمستقبل وكل حاجه يعني طب ولا صيدله
ومبروك لحضرتك

[babagamil]

المشاركة الأصلية كتبت بواسطة طالبه مجتهده جدا

اللهم صلي علي سيدنا محمد
ومرسي لحضرتك جدا اكيد هنستفيد من الطريقه دي انشاء الله لان الادب كان مدوخني في تانيه
بس الحمد لله عدي ع خير وجبت 29.5 عربي
في حاجه تاني انا عايزه اسالها لحضرتك بمناسبه انك دخلت صيدله انا جبت السنادي 98.5
فكنت عايزه اعرف راي حضرتك بالنسبه للكليه دي يعني لو مجموعي زاد انشاء الله ولحقت طب
يبقي ايه الافضل من حيث الشغل والمستقبل وكل حاجه يعني طب ولا صيدله
ومبروك لحضرتك

والله اولا اتمنى حضرتك تنورى معانا صيدلة القاهره
انا اعتقد من وجهة نظرى ان صيدلة كلينيكال هى المستقبل طبعا ممكن تكونى اول مره تسمعى هذا الاسمبس اكيد اما تيجى تدخلى صيدلة هتعرفيه ده قسم فى جامعه القاهره ب 12 الف جنيه فى السنه بس تتخرج منه وظيفتك موجوده فى اكبر مستشفيات مصر بس صعب اشرحاك هتعملى ايه بس صراحه ده احسن من طب 1000 مره
تانى حاجه الدكاتره كتيييير جدا اليومين دول واحنا فى عصر الواحد لازم يكون متميز عن غيره وطب بشرى نفسه طويل والله اللى بيدخلوا اكتر من نصهم بيندموا انهم بيدخلوه علشان ثقافتنا المصريه مش اكتر ان الاب نفسه يشوف ابنه دكتور وخلاص لكن بشهادة الجميع ان صيدلة مجالتها متنوعه وهى صراحه كلية القمه رقم واحد فى مصر لكن طبعا الطب محفوظه مكانته لا باس بها لكن انا بتكلم عن انسان نفسه يكون متيمز جدا جدا من نوعه

[babagamil]

المشاركة الأصلية كتبت بواسطة salshetwy

وباقى المدارس
يا باشا عمرو

هههههههه انا قلتلك بس الطريقه ممكن تمشى على هذه الطريقه لكل المدارس ......وعايز ااقلك ان الادب اكتر من 90 فى الميه مدارس والباقى االه تتجاب بالفهم وده عن تجربه

[طالبه مجتهده جدا]

المشاركة الأصلية كتبت بواسطة babagamil

والله اولا اتمنى حضرتك تنورى معانا صيدلة القاهره
انا اعتقد من وجهة نظرى ان صيدلة كلينيكال هى المستقبل طبعا ممكن تكونى اول مره تسمعى هذا الاسمبس اكيد اما تيجى تدخلى صيدلة هتعرفيه ده قسم فى جامعه القاهره ب 12 الف جنيه فى السنه بس تتخرج منه وظيفتك موجوده فى اكبر مستشفيات مصر بس صعب اشرحاك هتعملى ايه بس صراحه ده احسن من طب 1000 مره
تانى حاجه الدكاتره كتيييير جدا اليومين دول واحنا فى عصر الواحد لازم يكون متميز عن غيره وطب بشرى نفسه طويل والله اللى بيدخلوا اكتر من نصهم بيندموا انهم بيدخلوه علشان ثقافتنا المصريه مش اكتر ان الاب نفسه يشوف ابنه دكتور وخلاص لكن بشهادة الجميع ان صيدلة مجالتها متنوعه وهى صراحه كلية القمه رقم واحد فى مصر لكن طبعا الطب محفوظه مكانته لا باس بها لكن انا بتكلم عن انسان نفسه يكون متيمز جدا جدا من نوعه

مرسي جدا لراي حضرتك وع فكره انا عارفه صيدله كلينيكال وانها افضل بكتير واكيد لو دخلت صيدله هدخلها انشاء الله وربنا يستر السنادي بقي

[سفير القلوب]

حرام عليكم الللغة العربية لبست فناً شعبياً يحاول من لا أساس عنده بقواعدها أن يخترع فيها الأدب يأتي من بين السطور وليس من العناوين يا طالب الصيدلة وإن كنت أشك في كلامك .

[babagamil]

المشاركة الأصلية كتبت بواسطة سفير القلوب

حرام عليكم الللغة العربية لبست فناً شعبياً يحاول من لا أساس عنده بقواعدها أن يخترع فيها الأدب يأتي من بين السطور وليس من العناوين يا طالب الصيدلة وإن كنت أشك في كلامك .

حضرتك مضايق نفسك كده ليه يعنى مش فاهم مش عجبك الموضوع متدخلش ومتتكلمش احسن وانا مبفتيش االمدرس اللى قايلنا على الطريقه دى ودى سهله جدا ولو مش عجبه حضرتك متعملش بيها ..........ثانيا انت مين اساسا علشان تشك ان انا فى صيدلى او مش فى صيدلة اساسا ياريت حضرتك تعرف تتعامل ازاى مع الاعضاء

[medoooo1111]

ياريت يادكتور عمرو حضرتك مضايقش نفسك من الناس اللى جواها حقد وخلاص..الطريقه دى انا عملت بيها وانا فى 2 ثانوى ومش بس العربى معظم المواد والحمد لله جبت 97.8 ودى طريقه بتريح جدا يادكتور والله وانا المدرس بتاعى كان بينصحنا بيها ودى طريقه فى دكتور اسمه مصطفى على النت كان بيتكلم عنها ....والف شكرا يادكتور تانى ومتزعلش من كلام الناس الحاقدين

[hobahoby]

الله بجد الطريقة دى حلوةةةةةةةة اوى

انا كنت بشد شعرى من الادب فى التانية دة انا كرهت العربى مخصوص عشان الادب دة
بس الحمد لله جة الامتحان حلو السنة اللى فاتت
بس ان شاء الله هعمل كدة فى تالتة
دة انت كدة ريحتنى
شكرا جدا بجد يا دكتور

[babagamil]

ربنا يخليكى ياباش مهندسه بس برده احب انبه ان الادب فى حاجات مش هتيجى بالطريقه دى بس ان شاء الله معظمه