الأحد..نتيجة تنسيق المرحلة الأولى للثانوية+ شوية فتي

[fire king]

تعلن وزارة التعليم العالى صباح الأحد، نتائج المرحلة الأولى للتنسيق، والتى من المتوقع أن ترتفع فيها كليات الطب إلى أعلى من 98.6%، والصيدلة إلى أعلى من 96.8%، وطب الأسنان فوق 97.5%، والهندسة أعلى من 94.2%.

وتشهد كليات الطب والصيدلة والهندسة بالجامعات حالة من الغليان فى ظل الارتفاع الجنونى فى مجاميع طلاب الثانوية العامة، مما دفع المجلس الأعلى للجامعات لمضاعفة أعداد بالكليات الشهيرة بكليات القمة.

وكشفت إحصاءات وأرقام المجلس الأعلى للجامعات، أن كليات الطب فى مصر وعددها 15 كلية طلبت أقل من 4 آلاف طالب هذا العام، طبقا لطاقاتها وعدد أعضاء هيئة التدريس بها وقدراتها الاستيعابية، بمتوسط 250 طالباً لكل كلية، إلا أن الالتزام بهذا الحد سيضع "التعليم العالى فى أزمة مجتمعية وشعبية، حيث سيؤدى لارتفاع كليات الطب لأكثر من 99.5%.

ولجأ "الأعلى للجامعات" إلى مضاعفة أعداد المقبولين، حيث ستصل أعداد الذين سيتم قبولهم فى كليات الطب إلى نحو 7 آلاف و300 طالب وطالبة، بمتوسط يقارب 500 طالب بكل كلية، بالمخالفة لحكم قضائى بتخفيض أعداد المقبولين، ومخالفة مطالب الجامعات، وكشفت مصادر بالأعلى للجامعات، أنها تلجأ سنويا لهذا الحل لعدم كسر حاجز الـ99% للقبول بكليات الطب، وأنها لجأت لهذا الحل فى كليات القمة أيضا العام الماضى، وتم أيضا رفض الأعداد التى تقترحها الجامعات.

أما كلية الصيدلة فى الجامعات الحكومية، وعددها 10 كليات فطالبت "الأعلى للجامعات" بقبول نحو 2800 طالب وطالبة فقط، إلا أن المجلس رفع الأعداد إلى 8200 طالب وطالبة "ثلاثة أضعاف العدد الذى طلبته الكليات"، ليرتفع متوسط القبول من 280 طالباً فقط إلى 820 طالباً، وهو ما يتجاوز القدرة الاستيعابية للجامعات.

بينما كانت كليات الهندسة وعددها 15 كلية، طلبت هذا العام 8 آلاف و600 طالب فقط، إلا أن المجلس رفع الأعداد مثل كل عام، إلى 17 ألفاً فى الكليات، بينما طلبت كلية الاقتصاد والعلوم السياسية 400 طالب فقط، إلا أن "الأعلى للجامعات" رفع الأعداد لأكثر من 1600 طالب وطالبة، بينما طلبت أيضا كلية الإعلام جامعة القاهرة قبول 400 طالب فقط بها، ورفعها المجلس إلى 1200 طالب "3 أضعاف العدد المطلوب".

ومن جانبهم حذر خبراء تعليم، من أن استمرار الجامعات فى السنوات الأخيرة فى قبول هذه الأعداد التى تفوق قدراتها الاستيعابية، سيؤدى إلى تردى العملية التعليمية بشكل أسوأ مما هى عليه، بالإضافة لعدم تأهيل الخريجين لسوق العمل بشكل جيد، وعدم تحقيق جودة تعلمية حقيقة على أرض الواقع، خاصة فى ظل تراجع معايير ومستوى التعليم المصرى مقارنة بالمعايير العالمية.

كما حمل أعضاء بالمجلس الأعلى للجامعات، وأساتذة، المسئولية لوزارة التربية والتعليم التى تخشى من الغضب العام بالشارع المصرى، فتصدر الأزمة للجامعات، وتقدم لطلاب الثانوية امتحانات لا تقيس المستوى الحقيقى للطالب، ويفخر مسئولوها بسهولة الامتحان، مما يؤدى إلى الارتفاع الجنونى السنوى فى المجاميع، خاصة فى ظل ارتفاع نسبة الأطباء بالنسبة للمواطنين فى مصر عن النسب العالمية.

وتكشفت الإحصاءات العالمية عن أن النسبة العالمية لنتائج امتحانات أى مرحلة تشير إلى أن 68% من الدارسين يحصلون على درجة متوسطة من "60:80%" و16% يحصلون على درجات مرتفعة أعلى من 80%، ولكن نتيجة الثانوية العامة المصرية جاء فيها أكثر من 100 ألف طالب من إجمالى 350 ألف ناجح، بنسبة 30% أعلى من 90%، ونسبة الحاصلين على مجاميع أعلى من 80% يتجاوز 50% من الناجحين، وهو ما تعتبره المعايير العالمية سببه رداءة وسوء مستوى امتحانات الثانوية العامة.

ومن جانبه، قال الدكتور حسام كامل، رئيس جامعة القاهرة لـ"اليوم السابع"، إن السبب الرئيسى فى هذه الأزمة التى تتكرر سنويا، فى كليات الطب والصيدلة وطب الأسنان والهندسة وغيرها من الكليات، ارتفاع نسب نجاح طلاب الثانوية العامة والمجاميع عن النسب العالمية، مما يخلق شعوراً لدى الطلاب بالسخط باعتبارهم من المتفوقين، وكما يخلق شعوراً لدى المجتمع وضغوطاً على "التعليم العالى".

وأضاف كامل أن الحل هو تعديل طرق اختبارات وامتحانات الثانوية، بحيث تقيس المستويات الحقيقية، لطلاب الثانوية، بدلا من أن تكون الامتحانات تحت تأثير أهالى والرأى العام، مشيراً إلى أهمية تحقيق ذلك لضمان تحسن جودة العملية التعليمية.

بينما أشار الدكتور حسين عيسى، رئيس جامعة عين شمس إلى أن السبب الرئيسى فى الأزمة كل عام هو ارتفاع عدد الطلاب فى امتحان الثانوية العامة، واستمرار الأسئلة التقليدية فى الامتحانات التى لا تقيس المستوى الحقيقى للطالب، والمناهج تعتمد على الصم والتلقين، مما يؤدى إلى حفظ الطلاب للأسئلة وإجاباتها، ومعظمها لا يعبر مستوى الطالب العلمى.

وأوضح عيسى أن الأعداد التى تطلبها الكليات، والتى تهدف لضمان جودة التعليم بها، سيرتفع المجموع فى كلية الطب إلى أعلى من 99%، قائلا:" مشكلة كل عام المجلس يرفع الأعداد التى تطلبها الجامعات، وأصل المشكلة التعليم ما قبل الجامعى، والمفترض إصلاح المنظومة بدءً من الإعدادية وتغيير أسلوب الامتحان، المشكلة تصلنا فى الجامعات جاهزة والبعد الاجتماعى والشعبى والجماهيرى يضغط علينا".

المصدر
http://www1.youm7.com/News.asp?NewsID=741858&SecID=12



بيقولك مش هتقل (يعني هتزيد) وبعدين ال 17 الف دول بتوع هندسة بس ولا هندسة وبترول + هو كليات الهندسة 15 كلية ؟ دول كانوا حوالي 21 غير تخطيط عمراني ومنوف وطاقة اسوان ؟

[waleed Dahy]

ألف شكر على الخبر ............. واللى فيه الخير يقدمه ربنا

[Dr.Mohamed Attia]

اولا شكرا على مجهودك بس احب اوضح ان الاعداد بتاعة الطلبة اللى الكليات طلبتها واعداد الكليات ذات نفسها غير صحيحة لان اللى انا متاكد منه وكاتبة بايدى 12 كليه صيدلة و13 طب و7 اسنان واللى اصحابى بتوع رياضة كاتبينة 21 كليه هندسة وكمان ازاى الصيدله طلبت 2800 طالب وهى اصلا بتاخد 8600 طالب السنة اللى فاتت هما بيستهبلوا على مين دوول دا صيدله المنصورة لوحدها فيها 1300 طالب السنة اللى فاتت ونصهم ما بيحضرش ومعتمد ع الكورسات وهما يقولوا الطاقة الاستعابية والكلام الفاضى بتاعهم دة

[eng mohamed elwan]

اولاً الخبر ده كاذب مائة فى المائه

كليات الهندسه على مستوى الجمهورية
بترول + 21 هندسه + هندسه منوف + هندسه الطاقه
يبقى المجموع 24 كليه هندسه وانا اقصد كليه هندسه بانها تحمل اسم هندسه

ثانياً : القطاع الهندسى كل عام يقبل 20.000 طالب و 2012 قالوا هياخدوا 18.000 الف مش 8.500 ويزيدوا بالرأفه ل17.000 طب ازاى والكلام ده معقول يعنى حد عاقل يصدقه !!!!!!!!!!!!!!!!

ثالثاً : احنا مستعجلين على ايه كلها ساعات والنتيجه تطلع اما 2 قبل الفجر زى التنسيق
او السبت صباحاً

رابعاً : يجب ان نرضى بما قسمه الله لنا حتى ولو لم نكن نريده لانه الله يختار لنا الافضل والمناسب دائماً وكما قال الرسول "صلى الله عليه وسلم ": ( لو علمتم الغيب لاخترتم الواقع ). ومفيش حد بياخد اكثر من نصيبه

ولازم نحط امام اعيننا كلام المصطفى صلى الله عليه وسلم

واعلم ان الامه لو اجتمعت على ان ينفعوك بشئ لن ينفعوك الا بشئ قد كتبه الله لك ، وان اجتمعت على ان يضروك بشئ لن يضروك الا بشئ قد كتبه الله عليك رفعت الاقلام وجفت الصحف .....

لو تدبرنا الحديث لوجدنا ان الامر ليس بيد نشار ولا رؤساء الجامعات ولكن الامر بيد الله سبحانه وتعالى
وان كان مقدر لك تدخل كليه معينه فده اختيار الله

خامساً : انا عارف انى صدعتكم بكلامى بس حبيت اهدى اخواتى اللى ان شاء الله يكون ربنا كاتبلهم كل خير

مع السلامة وفى رعايه الله

[fire king]

المشاركة الأصلية كتبت بواسطة m-a-z

اولا شكرا على مجهودك بس احب اوضح ان الاعداد بتاعة الطلبة اللى الكليات طلبتها واعداد الكليات ذات نفسها غير صحيحة لان اللى انا متاكد منه وكاتبة بايدى 12 كليه صيدلة و13 طب و7 اسنان واللى اصحابى بتوع رياضة كاتبينة 21 كليه هندسة وكمان ازاى الصيدله طلبت 2800 طالب وهى اصلا بتاخد 8600 طالب السنة اللى فاتت هما بيستهبلوا على مين دوول دا صيدله المنصورة لوحدها فيها 1300 طالب السنة اللى فاتت ونصهم ما بيحضرش ومعتمد ع الكورسات وهما يقولوا الطاقة الاستعابية والكلام الفاضى بتاعهم دة

انا معاك
ولو بصيت على اخر سطر اللي بالاحمر كنت لقيتني كتبت 21 كلية هندسة
لكن نفسي افهم الغلط فين ؟
المفروض انها جرايد موثوق فيها يعني مش فرقعة كلام وخلاص
وبعدين انا اسمع ان الهندسة كانت بتاخد اكتر من 18 الف في العادة وبصراحة حالي كحال معظم الناس دلوقتي
محدش فاهم حاجة

اخيرا
هو التنسيق بكره ولا الاحد ؟
ولو بكره هيبقى امتى بالظبط ؟ يعني الساعة كام كده

[على وليد]

اية الظلم اللى بيحصل فى هذا البلد يعنى اللى ذاكر واللى تعب طول السنتين لم يدخل كلية الطب انا حاصل عل 98.4 فى المائة معنى كدة اننى لم ادخل واللى والده معاه فلوس وحاصل على 80 فى المائة يدخل ولم يمسك كتاب يدخل كلية الطب علشان ابوه معاه فلوس والله العظيم حرام حرام عليهم وكمان الغش اللى كان موجود مش ده يبقى حرام اتقوا الله فينا وفى مصر علشان الفلوس هى كل حاجة وانا لاامتلك فلوس علشان ادخل حرام وانا ذاكرت وتعبت و لابد من وضع حلول علشان التنسيق دة يقل شوية ازاى طالب حاصل على هذا المجموع لم يدخل اللى هوعايزة لابد من وقفة احتجاجية لكى الله يامصر من الظلم اللى موجود فى هذا البلد

[eng mohamed elwan]

راجع الرد بتاعى هتلاقى فيه الاجابه بإذن الله ولا تقلق يا اخى واستعن بالله

[fire king]

المشاركة الأصلية كتبت بواسطة ميدو علوان 2011

اولاً الخبر ده كاذب مائة فى المائه

كليات الهندسه على مستوى الجمهورية
بترول + 21 هندسه + هندسه منوف + هندسه الطاقه
يبقى المجموع 24 كليه هندسه وانا اقصد كليه هندسه بانها تحمل اسم هندسه

ثانياً : القطاع الهندسى كل عام يقبل 20.000 طالب و 2012 قالوا هياخدوا 18.000 الف مش 8.500 ويزيدوا بالرأفه ل17.000


مع السلامة وفى رعايه الله

اضافتين بس
1- في كلية التخطيط العمراني وهي هندسة برده
2-القطاع الهندسي ده اللي هو كل كليات الهندسة (بالبترول)؟
الكلام ده معناه ان هندسة تنسيقها هيعلى

[eng mohamed elwan]

هى حكايه التنسيق يعلى او ينزل انا معرفش والله انا زيى زيكم بس انا كنت قريت خبر من شهر 4 تقريباً بقرار بخفض الاعداد العام المقبل اللى هو 2012 بتاعنا يعنى من 20.000 الى 18.000

واكيد القطاع الهندسى هو اللى فيه كل الكليات

بس بالنسبه لتخطيط عمرانى انا مش عارف نظامها ايه ومكتبتهاش فى الرغبات انا كتبت الهندسه ثم حاسبات ثم علوم
وانا بصراحه حابب ال3 كليات ولو دخلت اى واحده الحمد لله مش هيكون فى مشكلة

[fire king]

بص
بالنسبة لهندسة وطبقا لموقع الاستاذ


لو القطاع الهندسي كله هياخد 17 الف طالب يبقى كده هندسة هتاخد من 387.5 اما لو حصلت اي زيادة يبقى ممكن تنزل نصف درجة وتبقى 387 وده رأيي الشخصي
محدش يزعل مني
على فكرة انا نفسي تنزل ويبقى تنسيق محترم لكن للاسف مفيش بشاير
كله بيتكلم عن زيادة في كليات الطب
والهندسة شكلها ماتت

[eng mohamed elwan]

بس فى حاجه ان انا قلت 18.000
ولو نظرت الى من هم فوق 386.5 لوجدتهم 18.162 وفى كلام انها هتاخد 18.336 بس الله اعلم فى كلا الحالتين

لو خدت 17.000 هيكون فعلاً مقارب للى بتقوله
اما لو 18.000 هتبقى 94.2 % زي الخبر بس المشكلة ان الخبر مذكرش العدد الصحيح للكليات و الاعداد المقبولة

وبعدين متنساش ان فى طلاب حوالى 20.000 راحوا جامعات خاصه خوفاً من التنسيق اكيد منهم رياضة حتى لو نسبه قليله
وكمان فى ناس متخلفه عن التقديم تقريباً 5.000 و 1.500 استنفذوا رغباتهم

فمفيش اى حد يقدر يتوقعه حتى الاستاذ التعليمى

للملاحظة انا جايب 386.5 ولما دخلت عليه قالى هندسه بس برضة حتى لو توقعاته قريبه بس مش نهائيه

كمان فى ناس مش هتكتب الرغبات زينا بمعنى المركز الثانى على الجمهورية علمى علوم هيدخل اقتصاد وعلوم سياسيه مع ان مجموعه يدخله اى طب يتمناها يعنى هى بتفرق على الرغبات

وفى الاخر ربنا يوفق الجميع

[fire king]

المشاركة الأصلية كتبت بواسطة ميدو علوان 2011

بس فى حاجه ان انا قلت 18.000
ولو نظرت الى من هم فوق 386.5 لوجدتهم 18.162 وفى كلام انها هتاخد 18.336 بس الله اعلم فى كلا الحالتين

لو خدت 17.000 هيكون فعلاً مقارب للى بتقوله
اما لو 18.000 هتبقى 94.2 % زي الخبر بس المشكلة ان الخبر مذكرش العدد الصحيح للكليات و الاعداد المقبولة

وبعدين متنساش ان فى طلاب حوالى 20.000 راحوا جامعات خاصه خوفاً من التنسيق اكيد منهم رياضة حتى لو نسبه قليله
وكمان فى ناس متخلفه عن التقديم تقريباً 5.000 و 1.500 استنفذوا رغباتهم

فمفيش اى حد يقدر يتوقعه حتى الاستاذ التعليمى

للملاحظة انا جايب 386.5 ولما دخلت عليه قالى هندسه بس برضة حتى لو توقعاته قريبه بس مش نهائيه

كمان فى ناس مش هتكتب الرغبات زينا بمعنى المركز الثانى على الجمهورية علمى علوم هيدخل اقتصاد وعلوم سياسيه مع ان مجموعه يدخله اى طب يتمناها يعنى هى بتفرق على الرغبات

وفى الاخر ربنا يوفق الجميع

الخبر بيقول زيادة الاعداد الى 17 الف
وعلى فكرة انا سمعت 17 الف في كذا جريدة
لكن الليلة هي الزيادة مش عارفين في زيادة ولا ايه
وهتبقى اد ايه ؟
اخيرا يا صاحبي
كله اللي هنقوله
يا رب
ونروح صلاة الجمعة ندعي عسى ان ربنا يسهلها

[eng mohamed elwan]

يا عم خليها على الله انا بتكلم على اللى قرأته قبل الامتحانات بشهرين بمعنى العدد اللى اتفق عليه القطاع ارساله لمكتب التنسيق ولو حصل زياده هيكون زياده عن ال18.000

وخد فى اعتبارك ان مش كل الناس بتكتب الرغبات سوى

والاعداد اللى ذكرتهالك بتقول ان على الاقل هيكون 1000 رياضه مثلاً خاصه و تخلف وممكن اقل وممكن ازيد

المهم كلها ساعات وتطهر النتيجه وينتهى الجدل ده
معلش سؤال هو انت جبت كام ؟

[fire king]

المشاركة الأصلية كتبت بواسطة ميدو علوان 2011

يا عم خليها على الله انا بتكلم على اللى قرأته قبل الامتحانات بشهرين بمعنى العدد اللى اتفق عليه القطاع ارساله لمكتب التنسيق ولو حصل زياده هيكون زياده عن ال18.000

وخد فى اعتبارك ان مش كل الناس بتكتب الرغبات سوى

والاعداد اللى ذكرتهالك بتقول ان على الاقل هيكون 1000 رياضه مثلاً خاصه و تخلف وممكن اقل وممكن ازيد

المهم كلها ساعات وتطهر النتيجه وينتهى الجدل ده
معلش سؤال هو انت جبت كام ؟

السؤال المحرج
387 ونفسي اما ادخل هندسة او تفرق جامد عشان معدش اقول لو كنت ذاكرت ولو كنت حليت ( والرط ده)

بقولك ايه
لو لا قدر الله مدخلناش هندسة ابقى قولي انت هتخش ايه ونشوف اي الكلام مع بعض

[eng mohamed elwan]

لو مجاتش هندسه او هندسه منوف وجات طاقه مش هدخل طاقه وهدخل حاسبات جامعه الاسماعيليه

وانا زي ما قلتلك حابب هندسه وحاسبات وعلوم

بس بلاش بالله عليك تدخل كلمه لو علشان دى مدخل للشيطان ولن يصيبنا الا ما كتبه الله لنا وكل واحد بياخد نصيبه
بس بجد باين عليك انك انسان محترم جداً فاتمنى ان نجتمع معاً فى كليه واحده فانت انسان على قدر كبير من الاحترام ولكن اسلوب محترم فى الكتابه والرد و الحوار ومش بتشد ولا بتعصب
بجد انا سعيد انى اتعرفت عليك
بس اهم حاجه انت اسمك ايه

انا اسمى محمد عبدالله محمود علوان من البحيرة