ايه كليات سياحة اللي فيها قسم ياباني؟

[mohamedreda11]

السلام عليكم
انا عاوز اعرف ايه كليات سياحة وفنادق الموجود فيها قسم ياباني انا من المنوفية وكليتي مفيهاش
وانا حابب اللغة جدا وعارف شوية كلمات فيها وقواعد وعرفت انها لغة نادرة في مجال السياحة فعايز اعرف ايه الكليات اللي فيها قسم ياباني او ايه اقرب كلية بالنسبة لي فيها ياباني؟
ياريت اي حد في في كليته ياباني يقول علشان اعرف
وشكرا جزيلا لكم

[ايمان هارون]

حسب مسمعت ودة متاكدة منة ان فى صينى ف كلية سياحة وفنادق اسماعلية انما يابانى صعبة دة لو فكرو ينزلو ف كلية الاربع سنين مش هيكفو عشان تحفظ الحوف خدلك كورس احسن

[mohamedreda11]

شكرا جزيلا لردك
وانا كدة كدة طبعا حاخد كورسات بس عايز اكون عرفت معلومات زيادة عنها ده غير اني حاسس اني باءذن الله حمشي فيها ومش عاوز اختار مثلا عبري او حتى صيني لاني معرفش فيهم ولا اي حاجة خالص
فقلت الافضل اخد ياباني في الكلية لم اخلص اكمل كورسات على اللي انا خدته بدل ما خد لغة تانية واسيبها واخد كورسات ياباني يبقى ملهاش لازمة ادرسها في الكلية
غير ان من اهدافي في المستقبل اني اسافر اليابان
وياريت حد في سياحة الفيوم او اسكندرية يقلي في ياباني عندهم ولا لاء

[Ahmed Asko]

هيى ايه اللغات اصلا الى موجودة فى حلوان

[ايمان هارون]

المشاركة الأصلية كتبت بواسطة ahmed asko

هيى ايه اللغات اصلا الى موجودة فى حلوان

كاااااااااااان في لغات انما من السنة دى نزل لائحة جديدة بقوانين جديدة لغت اللغة التانية عندنا مبقاش عندنا لغة تانية غير بتوع ارشاد هما الى بياخدو لغة تانية واحنا اتناقشنا مع العميد وقال احتمال يحاولو يرجعو لينا اللغة التانية تانى وعموما لو رجعت يعنى هتبقا هى هى نفس اللغة التانية بتاعتك ف ثانوى انا كنت فرنش
فلو رجعت ف الكلية يبقا هاخده فرنش

[ايمان هارون]

المشاركة الأصلية كتبت بواسطة mohamedreda11

شكرا جزيلا لردك
وانا كدة كدة طبعا حاخد كورسات بس عايز اكون عرفت معلومات زيادة عنها ده غير اني حاسس اني باءذن الله حمشي فيها ومش عاوز اختار مثلا عبري او حتى صيني لاني معرفش فيهم ولا اي حاجة خالص
فقلت الافضل اخد ياباني في الكلية لم اخلص اكمل كورسات على اللي انا خدته بدل ما خد لغة تانية واسيبها واخد كورسات ياباني يبقى ملهاش لازمة ادرسها في الكلية
غير ان من اهدافي في المستقبل اني اسافر اليابان
وياريت حد في سياحة الفيوم او اسكندرية يقلي في ياباني عندهم ولا لاء

ربنااااااااااا معاك ويارب حد يفيدك بس مش هتلاقيها ف اى كلية اللغة دى غير ف السن تقريبا بم انك حاببها اوى كدة خد فيها كورسات وكدة كدة الكليات مش بتفهم حد حاجة ما احنا بقال فوق ال10 سنين بناخد انجليزى ف المدارس والكلية اهوة واكتشفنا ف الاخر اننا منعرفش حاجة بس ربنا معاك بس مظونش فى يابانى ف الفيوم واليكس عشان انا اصحابى هناك ومعندهومش يابانى فى فرنساوى والمانى وايطالي وف المنصورة ف ايطالى بس وف حلوان بتبقا اللغة الى كنت بتاخدها ف ثانوى واسماعلية فيها شوية لغات حلوين ماعدا اليابانى بردة وهى لغة حلوة بس انا شايفا ان الكورى سهل وعجبنى انما يابانى وصيني كبااااااااااااااار اوى

[mohamedreda11]

• في اضطهاد للياباني ولا ايه
• انا اول ما خلصت عرفت ان ياباني موجود في السن واداب القاهرة وسياحة وفنادق طبعا مجموعي ميجبش السن وميجبش قسم ياباني في اداب القاهرة
• كده الامل ضاع
• بس موضوع نفس لغة ثانوي دي حضيعني لاني كنت برده واخد فرنساوي جبت فيه 45 بس معرفش فيه اي حاجة ولغاية دلوقتي مش عارف جبتهم ازاي تقريبا اللي صحح لي ورقتي كان راجل بيحب يعمل الخير الظاهر
• انا عموما عجبتني سياحة وفنادق حلوان وربنا يكرم وتجيلي وربنا يستر بعدين في موضوع اللغات
• بس كنت عاوز اعرف انا امتحنت القدرات في سياحة السادات - جامعة المنوفية كده ممكن اخش سياحة حلوان عادي ولا مش حينفع ادخل غير السادات

[ايمان هارون]

المشاركة الأصلية كتبت بواسطة mohamedreda11

• في اضطهاد للياباني ولا ايه
• انا اول ما خلصت عرفت ان ياباني موجود في السن واداب القاهرة وسياحة وفنادق طبعا مجموعي ميجبش السن وميجبش قسم ياباني في اداب القاهرة
• كده الامل ضاع
• بس موضوع نفس لغة ثانوي دي حضيعني لاني كنت برده واخد فرنساوي جبت فيه 45 بس معرفش فيه اي حاجة ولغاية دلوقتي مش عارف جبتهم ازاي تقريبا اللي صحح لي ورقتي كان راجل بيحب يعمل الخير الظاهر
• انا عموما عجبتني سياحة وفنادق حلوان وربنا يكرم وتجيلي وربنا يستر بعدين في موضوع اللغات
• بس كنت عاوز اعرف انا امتحنت القدرات في سياحة السادات - جامعة المنوفية كده ممكن اخش سياحة حلوان عادي ولا مش حينفع ادخل غير السادات

يعنى انتة امتحنت ف المنوفية وعاوز تخوش حلوان ازى لا صعبة اظن انك هتخوش السادات لكن شوف ف الرغبات لو نفع تكتب حلوان الاول ممكن تجيل عادى مش نفع وقال خطاء توزيع يبقا انتة لبست ف المنوفية بس حتة اللغات دى ابقا اتصرف ف كام كورس والدنيا هتظبط وعادى مش لوحدك الى خارج مش فاهم فرنساوى ولة انجليزى المشكلة الكبيرة ان الانجليزى بتاع المدرسة كوم وبتاع الكلية كوم تانى خالص بصراحة فى صينى وكورى اة عندنا ف حلوان بس دى بتبقا كورسات نازلة من الكلية انما يابانى مسمعتش عنه وشكلك بيقول انك مرحلة تانية تنسيق عشان كدة مش هتلحق اداب القاهرة انما لو انتة مرحلة اولى وبتخمن مجرد تخمين وظنيت انوو انتة مش هتخوشها اكتبها يمكن ربنا ييسرلك الحال ومجموعك يجيبها بس بردة لو سان قريب من المنوفية يبقا مش هيجيلك اداب القاهرة هيجيلك المنوفية ولو مرحلة اولى اكتب السن المنيا بتبقا اقل من القاهرة وام تجيلك اعمل تقليل اغتراب وارجع القاهرة

[mohamedreda11]

انا فعلا مرحلة تانية بس المشكلة انا ساكن في المنوفية ومش عاوز اخش اي كلية هنا بصراحة
بس هل ممكن لو جاتلي المنوفية احول لحلوان بأي طريقة ؟

[ايمان هارون]

بص مرحلة تانية هتبقا فرصتك ف حلوان صعبة شوية لانها بتبقا اعلا واحده فيهم اعلا كلية سياحة بس بم انك المنوفية لو جاتلك المنوفية مش هتعرف تحول عشان التوزيع الجغرافى وسوء انتة دخلت سياحة او غيرها هتخوشها هناك ف المنوفية بردة ف انتة لو ذكى كنت اختارت كلية مش موجودة ف جامعه المنوفية انا كمان مكنتش عاوزة جامعه بنها اختارت كلية سياحة عشان مفيش منها ف بنها وكنت هبقا مجبيرة يا اخوش منوفية يا حلوان لقيتنى ف القدرات حلوان حمدت ربنا ف انتة اختار كلية بعيدة وبعدين اعمل تحويل لحلوان بس انا مقدرش اقولك افضل سنة ف المنوفية وحول حلوان لان حلوان التخصص من سنة اولة والمنوفية من تانية اعرف واحد عاوز يحول حلوان وهو من حلوان بس ف سياحة الفيوم والكلية مش موافقة عاوزة تقدير عالى اوى ف السنة الى هيحول منها وكمان هعى مش بترضا باللى بيتخصص من سنة تانية لانو بيبقا دارس كوكتيل وبيبقا فى مواد مختلفة عن بعضها

[mohamedreda11]

ده انا شكلي هلبس رسمي
انا دورت على اي كلية موجودة في حلوان او القاهرة او اسكندرية حتى ومش موجودة ف المنوفية ملقتش خالص
ربنا يستر بقى

أنا جاتلي فكرة هو انا لو اخترت معهد في القاهرة او في حلوان وجالي ينفع احول منه للكلية؟

[ايمان هارون]

لالالالالالالالالالالالالالالالا متحولش تعمل كدة خوش سياحة المنوفية حلوة مش وحشة بس اجتهد عشان تجيب تقدير ف اول سنة تخوش بية القسم الى انتة تحبة العيب ان التخصص فيها من سنة تانية وباذن الله تلحق المنوفية وسيبك بقا من الكلام الفاضى المعهد وكدة دة اهى كلها جامعات وخلاص انتة لو دخلت معهد مش هينفعه تحول لكلية المفروض من العالى للواطى مش العكس يعنى من اداب لمعهد ومينفعش العكس انك تبقا ف معهد وتحول ل اداب

[mohamedreda11]

طيب خلاص الف شكر ليكي تعبتك معايا جدا
وانا ان شاء الله ناوي اذاكر على قد ما اقدر علشان اجيب تقديرات واعرف اعمل دراسات عليا
انا ناوي اتخصص دراسات سياحية بس ممكن بعد كدة اخد دبلومة ارشاد واتقدم للرخصة واضبط نفسي ياباني وانجليزي Toefl ان شاء الله وربنا يكرم ف الشغل بقى والحمد لله اني ع الاقل حخش المجال اللي بحبه وان شاء الله الكلية متسببش ليا مشكلة في الشغل بعدين

[ايمان هارون]

المشاركة الأصلية كتبت بواسطة mohamedreda11

طيب خلاص الف شكر ليكي تعبتك معايا جدا
وانا ان شاء الله ناوي اذاكر على قد ما اقدر علشان اجيب تقديرات واعرف اعمل دراسات عليا
انا ناوي اتخصص دراسات سياحية بس ممكن بعد كدة اخد دبلومة ارشاد واتقدم للرخصة واضبط نفسي ياباني وانجليزي Toefl ان شاء الله وربنا يكرم ف الشغل بقى والحمد لله اني ع الاقل حخش المجال اللي بحبه وان شاء الله الكلية متسببش ليا مشكلة في الشغل بعدين

ايون كدة ربنا معاك مدام انتة بتحبها هتنفع فيها ولا شكر على واجب انتة اخوى بردة ولة الموضوع دة فيه شك ولو انتة حابب ارشاد قوى خوشة من اولها مش محتاج تخوش دراسات الاول اصل انا اعرف ان الدبلومة بيبقا صعب الحصول عليها اوى

[mohamedreda11]

لا انا حابب دراسات اكتر غير اني مش بحب التاريخ قد كده مع اني جايب فيه 50 بس يعنيزي مابيقولوا مذاكرة للامتحان يعني بعد الامتحان كله بيطير لكن مجال دراسات سياحية عاجبني أكتر خصوصا انه بيجمع بين ال3 أقسام وفرص العمل أكثر بكتير وف أماكن مختلفة