هاموت لو مادخلتهاش

[mrmooor]

لو سمحتوا عايزه اى حد سياحه وفنادق يرد عليا عندى شوية اسئله
_امتحان القدرات ده بيبقى امتى قبل النتيجه ولا بعدها
_وبيبقى عباره عن ايه الاسئله اللى فيه
_طيب لما اروح امتحن اروح انهى بلد
_وايه احسن قسم وممكن اشتغل فى ايه بعدين
ارجوكم ردوا عليا ربنا يخليكم انا بحب اللغات اوى ونفسي فيها عشان للاسف اكيد مش هحصل السن

[mohamed mo7md]

اولا ميعاد القدرات http://www2.youm7.com/News.asp?NewsID=717135


ثانيا المكان هتروحى البلد اللى فيها اقرب كليه سياحه لحضرتك علشان التوزيع الجغرافى

[mohamed mo7md]

بعد ترشيحك لكلية سياحة وفنادق
بتجهز الاوراق المطلوبة منك وبتروح الكلية عادى وتقدم الورق
وبعدين هما بيحددوا مواعيد المقابلة الشخصية
ماهى المقابلة الشخصية؟
هى عبارة عن لقاء بينك وبين طرف مسؤل بشكل عام
اما بالنسبة للكلية :
فالاسئلة كالاتى/
1- اسمك وعنوانك وهواياتك ؟
2- وظيفة الوالد؟
3- دوافع اختيارك للكلية؟
4- تحب تدخل قسم ايه وليه؟
5- وطبعا منساش الاسئلة العامة( عملات البلاد - احدث الاخبار- وزير السياحة - رئيس الوزراء - اليوم العالمى للسياحة - محافظ مدينتك - ............. الخ)
طبعا فيه حاجات تانية عامة .
بتدخل على اكثر من دكتور وبيسالك الاسئلة دى وغيرها
مراعات هامة عند عمل المقابلة الشخصية
المظهر: بالنسبة للطلبة (الذكور) تقليم الاظافر / قص الشعر بطريقة مناسبة ولائقة بعيدة عن الطرق الغير تقليدية / ويجب الاهتمام بالمظهر لان المظهر اول مايلاحظ اثنا دخول الطالب لعمل المقابلة.
ويجب عدم وضع عطور نفاذة
بالنسبة للآنسات:
عدم وضع مساحيق التجميل بصورة بالغة او استخدام الاكسسوارت بطريقة ملفتة للنظر.

ويفضل عند عمل المقابلة الشخصية ارتاء ملابس كلاسيكية
وهناك اشياء اخرى
لابد ان تكون مبتسما وتراعى الاتصال البصرى مع الممتحن باستمرار لان عدم النظر اليه يوحى بالخجل وعدم الثقة بالنفس
لابد ان تكون الاذرع فى وضع استرخاء وقبضة اليد منبسطة وذلك يوحى بالهدوء والراحة.

ملحوظة: عمل المقابلة الشخصية باللغة الانجليزية.
ستسأل عن درجات اللغة والتاريخ


مقابلة بتكون بالانجليزى فى اشياء
زى التقديم
وبالعربى فى اشياء تانية

وعموما كله بيعدى هو اختبار روتينى ومحدش يقلق من الاختبااااااااار ده


( ده رد واحد اكبر منى فى كليه سيااحه )

[mohamed mo7md]

الدراسات السياحية: هو قسم يقوم بدراسة علم السياحة و اعمال شركات السياحة وشركات الطيران وكل شىء يخص السياحة بجميع انواعها.


2-الدراسات الفندقية: تقوم الدراسة فيه على ثلاثة اشياء وهم :

الأول: إدارة الفنادق ويقوم الطلاب بتعلم كيفية إدارة المنتجعات السياحية - الأغذية والمشروبات - خدمة الغرف - المكاتب الأمامية.


ثانياً: الأغذية والمشروبات f&b يقوم الطلاب بدراسة قوائم الطعان وتقيمها - مراقبة الأغذية والمشروبات - كيفية الطهو الفندقى وأسسه.


ثالثاً: التسويق يقوم الطلاب بدراسة الإقتصاديات التسويقية لمختلفة المنشآت السياحية - عمل دراسة جدوى لإنشاء مشروع سياحى - دراسة النواجى المالية لإدارة المشاريع السياحية.


3-الارشاد السياحى:- تقوم الدراسة فى هذا القسم بتعريف الطلبة بجميع الحضارات المختلفة التى عاصرتها مصر كالحضارة الفرعونية والاسلامية .

- يقوم القسم بتعليم الطالب اللغة المصرية القديمة وطريقة كتابتها ومدى أهميتها فى شرح المعالم المصرية القديمة.

- يقوم القسم بإعداد رحلات دراسية تعليمية للطلبة لزيارة المواقع الأثرية المختلفة فى كافة أنحاء مصر (أسوان – الأقصر – القاهرة - ...) وتعليم الطلاب كيفية التعامل مع السائحين المصريين والأجانب كمرشدين سياحين وكيفية التواصل معهم فى الواقع العملى.

- ملحوظة : فى قسم الدراسات السياحية وقسم الدراسات الفندقية يتم تدريس لغتين طوال الاربع سنين يختارهم الطالب من بينهم اللغة الانجليزية اما فى قسم الارشاد السياحى فكل المواد باللغة الانجليزية ويتم تدريس لغات ايضا .

واضيف كمان ان اللغتين مبيدرسوش بعمق جامد اوى زى الكليات المتخصصة فى اللغات (زى كلية الالسن مثلا) ولكنها بتدرس اللغات كمقررات فرعية بجانب مقررات القسم اللى بتختاره وكمان انت لازم تعمق لغتك عن طريق الكورسات او اى حاجة تانية بقدر الامكان لانك لازم تتخرج من الكلية دى وانت معاك على الاقل انجلش .

التدريب الصيفى: - يقوم طلاب الكلية بالتدريب فى الصيف فى احدى شركات او مكاتب السياحة أو وكالات السفر او شركات الطيران بالنسبة لطلبة قسم الدراسات السياحية .

- وفى الفنادق او المطاعم او القرى السياحية بالنسبة لطلبة قسم الدراسات الفندقية .

- وزيارة الاماكن السياحية و الاثار المصرية والفرعونية بالنسبة لطلبة قسم الارشاد السياحى .

وعلى فكرة التدريب ده يعتبر فى كلية السياحة والفنادق مادة نجاح ورسوب ولكنها لا تضاف الى المجموع الكلى
عشان كده لازم تهتموا بالتدريب ده كويس وكمان بيديك خبرة عشان فرصتك فى التوظيف تكون اكتر لان معظم سوق العمل فى السياحة بيطلب الخبرة السابقة .

الجامعات التى تدخل فيها الكلية:- جامعة الاسكندرية - جامعة المنصورة - جامعة حلوان - جامعة المنيا - جامعة الفيوم - جامعة قناة السويس فرع الاسماعيلية - جامعة المنوفية (مدينة السادات) - جامعة جنوب الوادى فرع الاقصر .


مجالات عمل الخريجين: 1- خريجى قسم الدراسات السياحية: تتضمن : 1- شركات السياحة:
- قسم "Operation" تنفيذ البرامج السياحية.
- قسم السياحة الداخلية – قسم السياحة الدينية (الحج والعمرة).
- قسم السياحة الخارجية – قسم الحجز (البواخر – المراكب – النقل).
- قسم الطيران بالشركة او حجز تذاكر الطيران

2- شركات الطيران:
- حجز تذاكر الطيران.

3- في المطارات:
- الضيافة الجوية .
- العلاقات العامة بالمطار (بس الوظيفة دى صعب تتوظف فيها شوية)

4- وظائف عامة مختلفة :
- شركات التسويق والمبيعات
- شركات المحمول (أقسام التسويق - خدمة العملاء).

ويمكن ان يعملوا كمرشدين سياحيين اذا حصلوا على دبلومة ارشاد سياحى لمدة سنتين وممكن تبقى سنة واحدة زى دبلومة الارشاد اللى فى كلية سياحة وفنادق المنصورة
وعلى فكرة الدبلومة دى صعب ان حد ياخدها وكمان الحصول على رخصة الارشاد مش مضمونة اوى يعنى .


2- خريجى قسم الدراسات الفندقية: مطلوبين بشدة فى مصر و الدول العربية و بيترقوا بسرعة و مرتباتهم حلوة برضو و كل ما تثبت نفسك فى الفندق اللى انت بتشتغل فية بيعلى مرتبك وتحصل على منصب اكبر .
وعشان تتوظف بسرعة وبمرتب اكبر يفضل اللى معاهم خبرة سابقة وياريت تاخدها من وانت فى الكلية او فى التدريب الصيفى .


3- خريجى قسم الارشاد السياحى: بيشتغلوا مرشدين سياحين و ممكن يشتغلوا مدرسين فى اى لغة وخريجى هذا القسم بياخدوا رخصة الارشاد فور تخرجهم من الكلية وعلى فكرة الرخصة دى هى الاثبات الوحيد للمرشد السياحى انه مقيد فى نقابة المرشدين السياحيين .
اما بالنسبة لمرتباتهم فتبقى حسب اللغات اللى معاك وكل ما يبقى معاك لغة نادرة زى اليابانى او الصينى بتاخد فلوس اكتر وعالعموم مرتب المرشد السياحى بيتراوح ما بين (3000 الى 6000 جنية او اكتر ) وممكن تقل عن كدة لو معاكش لغة نادرة .


( دى مشااركه لـ Eslam_Tourism واحد اكبر منى فى كليه سيااحه ومشرف المنتدى )

[ايمان هارون]

الاسئلة مش صعبة وروح اقرب كلية سياحة ليك حسب التوزيع الجغرافى

[mrmooor]

ميرسي للاهتمام بجد
بس في ناس خوفتنى وقالولى مش هتشتغلى حاجه بعدين خصوصا انى من سوهاج يعنى مفيش سياحه هنا وانا بنت مش هقدر اسافر اشتغل
وممكن اعرف هو ايه الورق المطلوب للامتحان والرسوم بتدفع فى نفس اليوم اقصد يعنى اقدم فى نفس اليوم ولا قبلها لازم

[mohamed mo7md]

ولو انتى حابه الكليه روحى قدمى...... ومتسمعيش كلام حد.......