يلا كل اللى نجح فى امتحان الكادر يدخل يجهز ورق التعيين لحين صدور القرار

[شريف حسن .]

اولا مبرووووووووووك الف الف مبرووووووووووووووووك لكل الناجحين

والله العظيم فرحتلكوا جميعا دون تفرقة الف الف مبرووووووووووك

المهم لغاية ما يصدر قرار التعيين اللى بياخد حوالى شهر او اقل ان شاء الله

قلت اعرفكم بالاوراق المطلوبة نبتدى نجهزها من دلوقت

1 - أصل المؤهل + أصل الدبلومة لغير التربويين

2 - 4 صور شخصية

3 - صحيفة أحوال جنائية ( الفيش )

4 - اقرار ذمة مالية ( لو ما حدش لقاه يشوف واحد معرفة فى اى مصلحة حكومية خصوصا الضرائب )

5 - استخراج ورقة نجاحك فى الكادر من على صفحتك

6 - فى ملف فيه كميه اوراق كتيرة هتلاقوه فى اقرب مكتبة بجوار ادارتك او اى مكتبة ( ملف تعيين )

يلا كلنا نجهز الاوراق خصوصا الفيش اللى هياخد معاك حوالى اسبوع لاستخراجه ومحدش يخاف

مدة الفيش 3 شهور واللى ما عندوش صور يتصور وكمان اصول الشهادات لازم منها مينفعش صور

او ورق مختوم صورة طبق الاصل

ملحوظة فى ناس هتقول ما احنا قدمنا الحاجات دى وموجودة فى الادارة احنا برضة قدمنا كل الاوراق

بالفيش وبرضه طلبوه تانى فكل واحد يتأكد من الموضوع ده من اصحابكم بتوع قرار 53 و 244

لانه بيختلف من محافظة وادارة لاخرى

اتمنى اكون مش ناسى حاجة وانى اكون افدتكم جميعا

لاحظوا ان الموضوع بيختلف من محافظة لاخرى لان لسه فى محافظات معملتش تامين صحى

شكرا لحضراتكم والف الف مبرووووووووووووووووووووك للجميع