انت ناوى على انى كلية ان شاء الله

[اسحاق نيوتن]

يارب حقق لكل واحد امنيته ويخش الكليه اللى هو عايزها

[اسحاق نيوتن]

تعرفوا انا لو خشيت الكليه اللى انا عايزها هعمل معاكم احلى واجب شربات بقا وجاتووه بس السنة تعدى واكيد هتعدى بس على خير انشاء الله والا ايه

[احمد هشام مجدى]

اكيد يا معلم بس قول يا رب وربك هيسهلها

[Alyaa Dfnany]

ان شاء الله ...... الكل يدخل الكلية اللى بيحلم بيها

ربنا يوفقنا ..... باذن الله

[مى السيد]

ان شاء الله هندسة قسم عمارة لانى فعلا نفسى ادخلها

[درة الفردوس]

1-نفسك تدخل كلية ايه بعد ما تخلص الثانوية ؟
نفسى ادخل صيدله
2-سبب دخولك ليها ؟
انى بحب المجال ده بحب الشغل فى المعمل
3-والنتائج المترتبة على اختيارك ؟
افرح اهلى طبعا واانا طبعاهفرح انى حققت حلم حياتى ونفسى اكون انسانه بارزه فى المجال ده واخترع دوا لمرض لسه مكتشفوش دوا ليه لحد دلوقت وبكده اخدم دينى ووطنى واخليهم يفتخرو بيا
ده طبعا حلم بس ان شاء الله هحقق ولو جزء منه
ادعولى بس وربنا يحققلكو اللى تتمنوه

[Mohamed Hussein Salama]

1-نفسك تدخل كلية ايه بعد ما تخلص الثانوية ؟
ان شاء الله هندسة ( ميكانيكا طيران )

2-سبب دخولك ليها ؟
بص هوه مش فارقة عندي ان شالله حتي لو معهد خدمة اجنماعية
عشان انا عندي منطق ان انا ممكن اخدم ديني وبلدي في اي مجال لكن الهندسة هي المجال الاكثر ابداعا وخصوصا الميكانيكا وسهل اني ابدع فيها وكمان مناسبة لميولي جدا بغض النظر عن الوظيفة او المنظر انا ان شاء الله داخلها حبا في علمها فقط ....

3-والنتائج المترتبة على اختيارك ؟
النتائج دي بقه في علم الغيب لايعلمها الاسبحانه جلى وعلى لكن رايي ان ده هيكون بعون الله بداية لمجهود كبير وجبار عشان احقق جزء من اهدافي لان دخول الكلية ماهو الا البداية بالنسبة ليا

والله الموفق والمستعان

[osama rabea]

نفسك تدخل ايه بعد ما تخلص ثانوي ؟!
هندسة . . . . ميكانيكا باور . . . أو طيران

سبب دخولك ليها ؟!
عشان أثبت للعالم إني موجود

النتائج المترتبة علي اختيارك ؟!
أفرح نفسي أول حاجة وأبقي عملت حاجة تشرف .. وأفرح اللي حوليا كلهم بقة

[Dr..Soha]

نفسى ادخل طب اسنان
سبب دخولى حاسة انه انسب حاجة هو وصيدلة للبنات فبيبقى على حسب الميول وكمان دى رغبة اهلى اللى بعمل كل حاجة علشان اسعدهم
النتايج المترتبة على دخولى اكيد هرضى ربنا علشان مقصرتش فى واجبى وكمان هفرح اهلى ومش مشكلة انا اهم حاجة رضيت ربى واهلى
يارب وفقنا كلنا وندخل اللى احنا عاوزينه

[mido shindy]

1-نفسك تدخل كلية ايه بعد ما تخلص الثانوية ؟

كلية الحربية

2-سبب دخولك ليها ؟

نفسي ابقي حاجة حلوة في العائلة وكمان في المجتمع

3-والنتائج المترتبة على اختيارك ؟

كل الناس بتقولي انت هتقبل فيها ان شاء الله
__________________
سبحان الله وبحمده سبحان الله العظيم

[dody hima]

[b]1-نفسك تدخل كلية ايه بعد ما تخلص الثانوية

اقتصاد وعلوم سياسية بأذن الله

2-سبب دخولك ليها؟

الكلية الوحيدة اللي شايفة نفسي فيها عشان انا سياسية اوي

3-والنتائج المترتبة على اختيارك ؟

يعني بأذن الله اشتغل في وزارة الخارجية او في المجال السياسي واحاول افيد البلد دي بأذن الله ادعولي