مبروك للإداريين ال33% بأثر رجعى من شهر يناير

[dahy_m]

مدير مدرستى جاء من الإدارة وقال ان الإداريين هياخدوا ال33 % اللى ناقصه عن المدرسين بأثر رجعى من يناير الماضى وقال انه شاف القرار بنفسه وفى انتظار القرار ينزل المدارس
بصراحة من حقهم لأن وزيرنا الهمام اللى بنقول عليه انه مدرس وحاسس بالمدرسين طلع بيخاف من الإداريين باين فيه ذكريات مؤلمة بينه وبينهم وبعدين دول بردو مهما كان واخدين دبلوم يعنى اعلى من الكليات بكتير المفروض ان المدرسين يكملوا وياخدوا دبلوم عشان يقعدوا فى المدرسة لا شغله ولا مشغله غير معاكسة المدرسين

[مصطفى جابر راشد]

هههههههههههههههههههههههههه

[توفيق رفعت عجيز]

الكلام ده في ادارة ايه والا هو الكلام جالك في الحلم وانت نايم والا ايه

[صفاء عزمى]

في بني سويف
حصلوا علي 83% علي سته شهور واصبحوا اعلي راتب من المدرس
ولا تنسي اننا نحصل علي كادرعلي الاساسي القديم

السيد الأستاذ/
بعد صدور قرار صرف 83% من شهر يوليه للعمال والادرايين من شهر يوليه 2011- يناير 2012 لمدة سته أشهر من المرتب الأساسي للعام المالي الحالي 2011-2012 مما أدي إلي زيادة راتب الإداري والعامل عن المدرس بنسبة لا تقل عن 20% لأنهم أصبحوا يحصلون علي 200% كاملة علي المرتب الأساسي للعام المالي 2011-2012 ونحن نحصل علي 200 % علي الراتب الأساسي للعام المالي السابق 2010-2011 التي تعادل تقريبا 180% لو قورنت حسابياً بالراتب الأساسي للعام المالي الحالي ، وأيضا حصولهم علي 200% من يوليه 2011 ونحن نحصل علي 200% من شهر أكتوبر بعد صدور قرار رئيس مجلس الوزراء بزيادة حافز لأداء لبعض فئات المعلمين
جدول أجور المعلمين من شهر أكتوبر 2011

الفئة

بدل المعلم
بدل الاعتماد
حافز 25%
حافز أداء
جملة حوافز علي الأساسي القديم
جملة حوافز علي الأساسي الجديد
الإجمالي

متعاقد

50%
0
25%
125%
50%
150%
200%

معلم

50%
50%
25%
75%
100%
100%
200%

معلم أول

50%
75%
25%
50%
125%
75%
200%

معلم أول أ

50%
100%
25%
25%
150%
50%
200%

معلم خبير

50%

125%
25%
25%
175%
50%
225%

كبير المعلمين

50%
150%
25%
25%
200%
50%
250%

وبناء علي ما سبق نطالب بالمساواة مع الادرايين في كل ما يلي
1-الحصول علي فروق 3 شهور يوليه وأغسطس وسبتمبر من العام السابق وهي تعادل 25% لمعلم أول و50% لمعلم ومتعاقد والتي لن تقدر عن 200-300 لكل معلم
2- احتساب الكادر بدل المعلم وبدل الاعتماد علي المرتب الأساسي للعام المالي الحالي 2011-2012 أسوة بالادرايين والعمال ,3--المدرس هو الوحيد لكي يحصل علي الدرجة يتدرب ويعمل أبحاث ويصدر له قرار الترقية بعدها بشهور كما حدث في الترقيات الكادر التي بدأت في أول سبتمبر العام الماضي وما زالت مستمرة وقد تستمر شهور,بينما باقي موظفين الدولة حصلوا علي الدرجة في عام 2010 نجد المدرس لم يحصل عليها حتي يومنا هذا,ونطالب إن يشارك الادرايين معنا في الإشراف اليومي , العجيب إن المدرس عندما ترقي سوف يقل راتبه ما عدا المترقي لمعلم خبير
مثال : أساسي مدرس في 1/7/2011 388.31 والأساسي عام 2010 347.31
قبل الترقية =%125x347.31+75%* 388.31=725
بعد الترقية من الثانية إلي الأولي :%150x347.31+50%* 388.31=715
أي يقل راتبه حوالي 10 جنيهات
أو تحولوننا إلي الادرايين أكثر راحة وأكثر ماديا ونستريح من أعباء التدريس ما طالماً العمل الإداري ماديا ً أفضل , فليس من المنطق إن يزيد إداري عن المعلم في راتب 60 جنيها لو كانوا علي نفس الدرجة والمرتب الأساسي

لسيادتكم جزيل الشكر

الاسم

القومي

الاسم

القومي

[dahy_m]

المشاركة الأصلية كتبت بواسطة توفيق رفعت عجيز

الكلام ده في ادارة ايه والا هو الكلام جالك في الحلم وانت نايم والا ايه

شكلك انت اللى بتكتب وانت بتحلم بقولك ان المدير راح وجه وعمل وانت تقولى بتحلم احنا فى ادارة المنزلة تبع الدقهلية

[توفيق رفعت عجيز]

شكرا علي الايضاح ولا اقصد اهينك انا كنت بهزر فقط واسف لو حضرتك زعلت

[صابر مسعد]

المشاركة الأصلية كتبت بواسطة توفيق رفعت عجيز

شكرا علي الايضاح ولا اقصد اهينك انا كنت بهزر فقط واسف لو حضرتك زعلت

ولا يهمك وأنا كمان بهزر وأسف على الرد الشديد

[وليد عبد العظيم بركات]

ألف مبــــــــــــــــــــروك

[قمرمنير]

يا أساتذه انتم بتتكلموا فى إيه ؟؟؟؟
هى من امتى الوزارة بتستجيب للمعلم ولا بتهتم بالكلام
لابد للمعلم ان تكون له وقفة اكثر ايجابية وفاعلية من كدا
مش نقعد نتكلم ونطالب وهم مش بيعبرونا ؟
حضرات المستشاريين اللى فى مكتب الوزير واللى وضعوا الكادر المهين هم نفسهم اللجنة اللى بتدرس إعادة صياغة القانون 155 المهين للمعلم ....