حملة شباب ضد الغش - هااااااام جدااا للازهر

[amr elsharef]

السلام عليكم يوجد الكثير من المعاهد الازهريه ظاهرة الغش والاغلبيه للاسف حتى لو وصل للكليه مبيكملش لانه اعتاد الغش ويخرج الى الشارع لهو استفاد بصنعه ولا استفاد بتعليم والسبب كان هو الغش وللاسف بيوصلو للثانوى والبعض لايعرف يقرا ولا يكتب اتمنى انه نعمل زى التربيه والتعليم ونعمل باب للشكاوى عن المعاهد التى يتفشى بها ظاهرة الغش واصررت ان انسخ الموضوع لانه عجبنى وياريت يطبق على الازهر واطلب من الاستاذ مصطفى جزاه الله كل الخير ان يترك الموضوع لفتره وميحزفهوش حتى نرتقى بالازهر وكل مدرس يبدأ بنفسه وميغشش والله المعاهد هتكون على اقوى ما يمكن
والعمليه دى تحتاج لفتره مش فى يوم ولا ليله

أطللقنا حملة جديدة علي الفيس بوك بعنوان "شباب ضد الغش"

بعدما كثرت الشكاوى من طلاب الثانوية العامة بوجود حالات غش جماعي في لجان المراقبة

هدف الحملة إننا نجمع من الطلبة أسماء المدارس اللي فيها غش جماعي وتسيب ونبلغ الوزارة حتي يتم تدارك الأمر ...

إحقاقا للحق ولكي يتم إمتحان جميع الطلاب تحت نفس الظروف وتتحقق المساواة ويتم التحقيق مع المراقبين اللي بيسمحوا بكده

ده لينك الشكاوى علي موقع وزارة التربية والتعليم اللي بيوضح تعدد الشكاوى وجدية الأمر

http://www.facebook.com/topic.php?ui...484&topic=3808

إحنا أنشأنا الحملة في محاولة لتوصيل صوتنا للوزارة

وبالفعل معانا أسماء لأكثر من 25 مدرسة في مختلف المحافظات ومعانا مسؤول من وزارة التربية والتعليم المصرية مهتم بالموضوع والتحقيق مع لجان المراقبة في المدارس ...

إحنا في حاجة لمساعدتكم في نشر الصفحة بشكل سريع جدا لتدارك الأمر قبل إمتحان الفيزياء والكيمياء والأحياء وباقي الإمتحانات ....

تذكر إن الطالب هو المتضرر الأول والأخير من موضوع الغش

سجل في الصفحة وإكتب إسم مدرستك والإدارة التابع ليها وإيه حالة الغش في المدرسة بالظبط

ده لينك صفحتنا .... منتظرينكم

شباب ضد الغش

http://www.facebook.com/Againstcheating

[amr elsharef]

الطالب اول ميعرف انه فيه مدرس مبيغشش هيذاكر غصب عنه يقول ربما يراقب على هذا المدرس فما بالك لو مجموعه من المدرسين والله الطلاب هتدعيلكم متدعيش عليكم وهذه عن تجربه من اناس كثيرين على سبيل المثال كان فيه واحد فى الصف الثالث الاعدادى صابح عليه امتحان بقوله مبتذاكرش ليه قال اصلى بنغشوهم ياعم عمرو قلتله يشكرو ومن بعدها مبغشش كلمه ولحسن الحظ اول تعيينى من خمس سنوات تقريبا

[حسام صالح اسماعيل]

ارحب بهذه الفكرة وكنت اتمنى ان ترى النور من زمان وانا نفسى اعانى من هذه الظاهرة فبسبب الغش والضغوط التى تمارس على من اجل الغش لم اشارك فى امتحانات الشهادات الازهرية منذ فترة كبيرة لذا اطالب بنشر الاقتراح واطالب تدخل شيخ الازهر للتشديد على منع الغش وارسال لجان متابعة خلال الامتحانات لمحاسبة المقصرين

[عبدالرحمن فهمى2012]

أخى العزيز كل ما نشرته عن هذه الحمله هو عن التربية والتعليم
فكيف سيتم تطبيق ذلك على الازهر
أرجوا أن نتواصل جميعا من أجل تطبيق هذه الحمله فى الازهر حتى يصبح أزهر بلا غش
والله المستعان وجزاكم الله خيرا

[أزهرى وأفتخر]

فى البداية بشكر حضرتك
بجد فكرة ممتازه والله
بس فيه ملحوظة صغيرة كدا ممكن تسمعنى لو سمحت
قبل ماتقول مش عاوز غش حارب الاول المدرس اللى معندوش ضمير
لانه لو شرح بضمير والتلميذ خرج من الحصه فاهم وعارف منهجه مش هيستنى الغش دا ابدا
لكن للاسف مفيش شرح فى المدارس طبعا مش كله بس معظمه
وقبل مانحاسب المدرس اديله حقه
لان بصراحه اقل فئة فى المجتمع ماديا ومعنويا بقا المدرس وشكرا
وبعد كدا حاسب اللى يعمل غلط
وجهة نظرى
وشكرا

[عاصم عبدالحميد]

فكرة ممتازة يتم تطبيقها عمليا فى معهد اولاد يحيى الحاجر بسوهاج فى سنوات النقل فالامتحان كا ينبغى ان يكون من حيث الالتزام والجدية وربما يفوق امتحان الكلية بمراحل ووالله لا اقول الا الصدق ....ولكن امتحان الشهادات عندنا على العكس من ذلك تماما حيث الغش الى ابعد حد وتسيب واستهتار من جانب المراقبين ورؤساء اللجان يعنى حاجة تكسف بعكس امتحانات النقل ووصل الامر الى حد ان الملاحظين يطلبون كروت شحن من الطلاب فئة 100جنيه وغير ذلك

[ابوبسام222]

للعلم الغش فى الامتحانات هو السبب لما نحن فيه من غش ورشوة فى كل شئ
غش فى الزراعة
غش فىالمخابز
غش فى الحياة الزوجية
غش فى ............