اعتصام جميع المعلمين الغير مثبتين علي مستوي الجمهورية . نبدأ بالدقهلية..ارجو التثبيت

[m_adel_143]

يااخ " مدرس وخلاص "


انت شفت حالة شاذة ومخالفة الاخ الي راح جرب حظه في سفر ومنفعش ورجع وسط زحمة االاعتصامات ورجع بالحصة او بعقد

انت شايفه مخالف ومايستحقش

بلغ عنه وكيل الوزارة او المحافظ


لكن ماتقتلش ناس تانية بتحارب بقالها سنين عشان تاخد حقوقها


انا واحد من الناس مدرسة جنب بيتي اول ماتخرجت كانت فاضية ومفيش فيها ولا مدرس رياضيات وتطوعت للعمل بدون مقابل وكتبت اقرار علي نفسي اني مش عايز مقابل ولا يحق لي المطالبة باي حقوق اذا لم يتم التعاقد معي بعد ذلك وقدمت لمدير الادرة كل الضمانات الا انه كان ضعيف الشخصية وبيخاف شويتين فرفض


ولما نزلت مسابقة في الادارة بعد الثورة قدمت واشتغلت الحمد لله ..


سيبنا بقي نطالب بحقنا وحق زمايلنا اللي بيشتغلوا من قبل الثورة


كلنا لازم نتثبت او علي الاقل عقد مميز



والتثبيت هو الصح وهو ده حقنا


د/ صفوت النحاس .. ( التنظيم والادارة )

قال انه مينفعش يبقي فيه موظف حكومي وبعقد او مؤقت .. لازم تكون وظيفة ثابتة والحد الادني لاي حد يبدأ هذا العام بحوالي 800 جنيه



يبقي عايزنا نقبل يا" مدرس وخلاص " بشغل بالحصة " ياريته بعقد كمان "

وبمرتب 134 جنيه ومش بنقبضهم كمان

وحياتك انا بصرف قدهم علي المواصلات عشان اروح مدرستي كل يوم











لاتراجع









لا استسلام









مش راجعين غير وجواب التعيين في ادينا

معادنا يوم 30 يناير . اوعي تتأخر

[m_adel_143]

تظاهرة للمعلمون ببنى سويف تطالب برحيل وزير التربية والتعليم





بنى سويف - عمرو رجب :

تظاهر السبت اكثر من 200 من المعلمين المتعاقدين بمديرية التربية والتعليم ببنى سويف، امام ديوان عام محافظة بنى سويف، مطالبين برحيل جمال العربى وزير التربية والتعليم، اعتراضا على تصريحات الوزير، والذى اكد فيها عدم وجود ميزانية تسمح بزيادة اجور هؤلاء المعلمين .

واشتكى المحتجون من انتهاء عقودهم المؤقتة بنهاية العام الدراسى، مشيرين الى انها لا تدخل ضمن ميزانية التربية والتعليم، وانما تخضع لميزانية المحافظات، اضافة الى عدم حصولهم على مرتباتهم منذ اكثر من شهرين، رغم تدني تلك المرتبات والتى قد لا تصل الى اكثر من 180 فى الشهر.

كما طالب المعلمين بضرورة عمل عقود أفضل لهم، وادخالهم ضمن ميزانية التربية والتعليم حتى يتساوا، مهددين بتكرار المظاهرات داخل محافظة بنى سويف حتى الاستجابة لمطالبهم، او الدخول فى اعتصام مفتوح امام وزارة التربية والتعليم حتى الاستجابة لمطالبهم.

يذكر أن هؤلاء المحتجيمن هم من خريجى كليات الاداب والتربية، وقد عملوا كمدرسين حصة لعدة سنوات، ويعود الاستغناء عنهم الى رؤية الوزارة لعدم الاحتياج اليهم، وسبق وان تظاهر هؤلاء المعلمون عدة مرات حتى وافق لهم المستشار ماهر بيبرس على العودة للعمل مرة اخرى بالتربية والتعليم بعقود مؤقتة من داخل صناديق المحافظة .






هذا الخبر نقلا عن موقع مصراوي



عاش رجالة بني سويف



كلنا معاكم ..



الدقهلية .. يبدأ الاعتصام يوم 30 يناير 2011

الساعة التاسعة صباحا .. أمام المحافظة

[احلى باتى]

هى دى الرجالة ربنا معاكو
واحنا معاكو بس ياريت الاستاذ شريف حسن يقرا ويشوف الناس اللى بتعرف تتحرك مش بالصبر وطولة البال
اللى بيكلم عنها
على فكرة يا استاذ شريف انا كنت زى حضرتك لحد التجربة اثبتتلى ان اللى صوته عالى ومشاغب حتى ولو على الباطل بيعرف ياخد حقه لكن الادب والصبر وطولة البال اللى بتنول الامل دى بتعمل للواحدة بلاده
لازم كلنا نقف معاكوا ومع نفسنا وناخد حقنا وكفاية لحد كده الناس قبل كده كانت بتشتغل بالحصة سنة وتانى سنة تمضى عقد مميز واحنا قعدنا بالحصة 3 سنين وكنا بناخد 9 و26 جنية بالماجستير كمان ادى اخرت الشهادات والتعليم
انا معاكو ونفسى بنى مزار تفوق من الغيبوبة اللى هى فيها بقى كفاية اوى لحد كده لازم نتحرك

[شريف حسن .]

المشاركة الأصلية كتبت بواسطة احلى باتى

هى دى الرجالة ربنا معاكو
واحنا معاكو بس ياريت الاستاذ شريف حسن يقرا ويشوف الناس اللى بتعرف تتحرك مش بالصبر وطولة البال
اللى بيكلم عنها
على فكرة يا استاذ شريف انا كنت زى حضرتك لحد التجربة اثبتتلى ان اللى صوته عالى ومشاغب حتى ولو على الباطل بيعرف ياخد حقه لكن الادب والصبر وطولة البال اللى بتنول الامل دى بتعمل للواحدة بلاده
لازم كلنا نقف معاكوا ومع نفسنا وناخد حقنا وكفاية لحد كده الناس قبل كده كانت بتشتغل بالحصة سنة وتانى سنة تمضى عقد مميز واحنا قعدنا بالحصة 3 سنين وكنا بناخد 9 و26 جنية بالماجستير كمان ادى اخرت الشهادات والتعليم
انا معاكو ونفسى بنى مزار تفوق من الغيبوبة اللى هى فيها بقى كفاية اوى لحد كده لازم نتحرك

والله ده من وجهة نظرك انتى انا مليش دعوة بيها اقتنعى باللى تقتنعى بيه

بس انا رديت عليكى لما بتقولى( الكل هنا نايم باين رجاله بلدنا ماتوا فى 73 والباقى مات فى 25

ولا حد فاهم اى حاجة ولا عارف اى حاجة مش عارفة ايه البلد المستفزة دى )

وقولتلك مش ده المقياس اللى حضرتك هتحكمى بيه على الرجولة

عايزة بقى تتظاهرى انتى حرة ده شئ يرجعلك انما الرجولة ملهاش دعوة

وبعدين لما بقول اصبرى يبقى تصبرى زى باقى زمايلك المعلمين الافاضل

اللى اشتغلوا بالحصة سنين كتيرة ثم عقد مميز ثم معلم مساعد سنتين

وحصول على دبلومة و icdl كمان ثم امتحان كادر ثم تعيين

عايزة حضرتك بقى علشان الثورة خلاص اى حاجة وبس ومليش دعوة بغيرى

احمدى ربنا ان الثورة ثبتتك على معلم مساعد اصلا

http://www.thanwya.com/vb/showthread.php?t=399898

[m-farouk]

غضب المؤقتين قادم لا تراجع عن التثبيت

[هشام جيل]

وقفة المعلمين النمقطعين بالشرقية 22/1 امام مديرية التربية والتعليم بالزقازيق
وفي بني سويف من النهارده

[m_adel_143]

الله يعينكم يارجالة .. رئيس الوزراء عرف بموضوع الاحتجاجات في بعض المحافظات .. عايزين همة كمان

صوتنا بدأ يوصل يارجالة

[m_adel_143]

السيد .. جمال العربي .. وزير التربية والتعليم


قال علي قناة الرحمة ان معلمي الحصة مش تبع الوزارة واننا زي العامل اللي بيتأجر وتديله آخر اليوم أجرته باليومية


يعني احنا سايبين السفر والقبض بالالوفات بره عشان سيادته ييجي يقولنا انتم مش تبعنا



لااااااااااااااااا



انسي


مش راجعين .. مش راجعين


غير والتثبيت في ادينا

[m-farouk]

التثبيت التثبيت الله المستعان الدقهلية موعدنا اول فبرايرررررررررررررررررررررررررررررر متنسوش

[m_adel_143]

المعاد اتغير يافاروق


الوقفة هتبدأ من يوم 30 وحتي نهاية الاجازة لغاية مايستجيبوا لينا


ياريت تكلمني عشان ننسق مع بعض

[meslmat]

ربنا يلطــــــــــــف

[الوردة الوحيدة]

ربنا معاكم ويوفقكم

[m_adel_143]

شكرا لكل اللي دخل الصفحة وشارك وعلق


ونتمني مشاركتكم معانا امم المحافظة يوم 30 يناير القادم والاعتصام مستمر حتي تلبية مطلبنا وهو التثبيت

[هشام جيل]

هام جدا لقد تم الاتفاق بالامس يوم الاحد الموافق 22/1/2012 على اننا نجتمع غدا يوم الثلاثاء الموافق 24/1/2012 الساعه التاسعه 9 صباحا امام المديريه لمقابله السيد وكيل اول الوزارة محمد حسيب وعرض كل المشكلات التى قابلتنا فى المديريات التعليميه وشكرا
ادارة ثورة معلمين التعاقد بالشرقيه

[m_adel_143]

عاش يارجالة


لا تنازل عن التثبيت


ازاي تبقي خريج جامعة وتاخد مرتب زي ده وازاي تقبل انك تكون مؤقت



وازاي وزير التربية والتعليم يشبه المدرسين اللي بالحصة .. " بعمال اليومية "


ازاي يتجرأ ويقول اللفظ ده علي المعلم