تثبيت محافظات المنوفية والغربية والسويس فى المشيخة

[مصطفى محمود خلف]

اليوم كنت فى مشيخة الازهر وخاصة فى ادارة الازهر والله العظيم رأيت بعينى كشوف واسماء حافظات السويس والغربية زالمنوفية وكل محافظة معاها القرار بتاع الازهر الخاص بالتثبيت والله لبعظيم هذا ما رأيت اليوم الساعة الحادية عشرة والنصف وكل معلم بجواره رقم سجل جديد والدرجة مكتوبة كمان وهى الدرجة الثالثة وفى مفاجأة كمان شيخ الازهر محضرها لكم يا مدرسين ولكن بعد ما ناخد الاول حافز الاداء 125 و57 و50 و25 شيخ الازهر والله محضر لكم المفاجأة ولكن مش هقولكم عليها الا قبلها بأيام هعلن عنها هى بالأخص ........ برده مش هقول والف مبروك لهذه المحافظات والدقهلية احتمال بعد يومين او ثلاثة او بعد العيد ماشرة اخوكم فى الله الاستاذ جمدى المتولى مدرس اللغة الفرنسية بقرية تلبانة مركز المنصورة محافظة الدقهلية مع العلم على كل مندوب من هذه المناطق التى ذكرتها انفا ان يتصل بالمشيخة لحين الاتيان بالكشوفات الاانى شفتها والله العظم أمام عينى وعلى فكرة الكشوفات دية طالعة من يوم 3/10/2011 و 4/10/2011 وكل كشف عليه رقم قرار مثلا 7325 ال رقم وخلاص وشكرا وأسأل لكم التثبيت عند السؤال وشكرا

[sherifkhattab]

شكرا لك ياستاذ مصطفى .ولكن اعاتبك على لهجة التشويق. ياما مكنتش تقول فى مفاجاءة. ياما تقول اللى انت عرفته.

[مصطفى محمود خلف]

خلاص هقولكم الا حصل ايه وخلاص فى حافز لجميع العاملين بالازهر على وجه الخصوص وهو 125 فى الميه وذلك بعد ما نحصل على حافز الاداء الا مجلس الوزراء اقره علشان كدة شيخ الازهر مستنى اوكيه يا جماعة يعنى فى زيادة فى المرتبات

[رائحه الورد]

حضرتك بتقول انك شفت اسماء محافظه المنوفيه فى المشيخه ازاى وبعض الزملاء قالوا انها وصلت المنطقه واتعلقت كمان اعتقد كمان ان احد الزملاء قال ان منطقه السويس كمان وصلت لهم الاسماء . يبقى ازى حضرتك شفتهم النهارده فى المشيخه .

[مصطفى محمود خلف]

أنا شفتهم والله وما اعرفشى ان همه راحوا المناطق شفتهم بالاخص فى ادارة الازهر االدور الثالث بس كده

[وليد الورداني]

ربنا يسمع منك ياحمدى وسلمى على الخطيب

[albahs]

سهلة وبسيطة ياختي رائحةالورد اي قرار بيكون معمول منه اكثر من نسخة وليس معني ان الكشوف راحت المنطقة ان مفيش منها في الادارة العامة

[أ/مصطفى محمود]

جزاك الله خيرا
ونتمنى ايضا اصلاح التعليم بجوار الحوافز والتثبيت

[رائحه الورد]

شكرا لكم جميعا على التوضيح ربنا يفرحنا جميعا والف مبرووووووووووووك لكل المحافظات اللى اتثبتت وعقبال باقى المحافظات

[جوجو***]

جزاك الله خيرا يا أخي

[أبوجنة]

بارك الله فيك

[أ/ سعيد موسى]

شكرا لك على هذه الاخبار الطيبه وبارك الله فيك
لكن اوضح نقطه بخصوص ال 125% هذه حافز اداء للعقود معذرة المثبتين وسوف تصرف لهم مثل التربية والتعليم
وهى ليست لجميع العاملين بل هى بنسب حسب كل فئة من الكادر
عموما الف مبروك للجميع

[زهرة الامس]

ربنايفرحك يااستاذ مصطفى بس انا عايزة اعرف ليه الدقهلية دايما اخر من يعلم

[mahdak95]

ممكن اسال اذا كان فيه معلومه عن باقى المحافظات مثل قنا

[شريف سعدون]

شكرا استاذ مصطفى بس السنين اللى فاتت دى هتحسب اقدميه ولا هتضيع علينا