رداً على مقاطعة الأخوان لنا و لمطالبنا العادلة

[نجيب البقلي]

والله أنا زعلان جدا

حاسس إن ده مش المنتدي اللي عرفناه من 3 سنوات

كل الناس بتشتم بعضها

زعلان علشان الكبت و الذل كان مسكتنا و الحرية فرقتنا

زعلان علشان كل واحد بيسمع نفسه فقط و شايف نفسه فقط

إحنا معلمين مسئولين عن تشكيل فكر الاجيال عايزين نربيهم علي احتمال الأخر و علي عدم مصادرة الفكر و عدم اتهام النوايا و عدم الشك في من يخالفني

[e_m_e2000]

بانوا بانوا على اصلكوا بانوا
بعد الخداع اللى بيتبعوه .... وبعد خداعهم للشعب المصرى كله ثم للمعلميين
يجب مقاطعتهم فى انتخابات مجلس الشعب لان البلد هتضيع بسببهم :
1- هيدمروا السياحة
2- هيدمروا علاقات مصر الدولية
3- هينشروا فكرهم المتطرف والذى سيؤدى لتقسيم مصر كما قسمت السودان وربما يكون هذا بالاتفاق مع امريكا
4- مفيش حاجة اسمها حرية او ديمقراطية وممنوع الخروج على الحاكم
5- السينما وكل وسائل الترفية هتتلغى
6- الحدود يعنى الشعب المصرى هيكون كله اصحاب عاهات
7 - والله اعلم هيكونوا مخبيين ايه تانى

[ashraf ram]

يا سيدى الفاضل المحترم انا لا اعرف ايه مشكلة حضرتك الحقيقية مع الاخوان
كل ما ذكرته انهم ضحكوا عليك مرارا وتكرارا لا يتناسب مع الاخوان اولا ولا مع حضرتك
لانه لايلدغ المؤمن من جحر مرتين
حضرتك تحمل الامور ما لا تحتمل وتخلق اشياء هى فى مسار الظن وفقط وليس حقائق على الارض ولا تتناسب مع ثقافة الاختلاف وادارته بطريقة متحضرة وديمقراطية
خلط الاوراق والاشخاص والمواقف واضح جلى فى كلام حضرتك وتركيبها لتخرج لنا بنتيجة انه لا امان للاسلاميين ولا وثوق فيهم وانهم خانوا العهد والوعد ولا يعملون الا لمصلحتهم الشخصية
كل هذا كلام مرسل لا دليل مادى قوى عليه غير الظنون والشكوك وسياسة التخوين
اعلم اننا لم نتعافى بعد من 60 سنة تجهيل وارساء قيم سلبية فى حياتنا
لكن انتظر من حضرتك ان تكون من الذين يبنون لا يهدمون
احب ان اقول لك من السهل ان تجلس متفرجا فى مباراة كرة قدم مثلا تسب هذا وتلعن هذا وتكون لهذا انه اعمى لايرى الشبكة التى امامه
لكن اطلب من سيادتك ان تنزل 10 دقائق فقط ارض الملعب لترى ان ساقيك تلتف حول بعضها وانك لا تستطيع ان ترى الكرة لا ان تلعب بها
ما اقصده انه من السهل جدا ان تجلس امام النت لتنتقد المواقف كلها اليمين والشمال لكن من الصعب ان تكون فى موقع مسئولية تتخذ مواقف فى اطار متغيرات وعوامل كثيرة تؤثر وتتأثر بقرارك
طبعا ربما تقول لى اننى بعدت عن الموضوع الاصلى وتكلمت فى امور بعيدة او ...........
اقول لحضرتك ان اتكلم فى اصل ما نعانيه كلنا وربما ما يشغل حضرتك هو مشكلتك الضيقة التى لو وصلت لها عن اى طريق ستستريح ولا يعنيك اى امر اخر انا اقول ربما وهذا تفكير المصلحة والمنفعة التى تربينا عليها سنين طوال وصعب جدا ان نتنازل عنها

[M:Sayed Moftah]

انت تقول انهم ضحكوا عليك فقط
وعملت خلطة من الضحك

[ashraf ram]

ثم مسألة الابتزاز بالا نتخابات لا يتناسب مطلقا مع العقل والمنطق
يا سيدى من يتخذ موقف ما يعرف انه لن يتفق عليه الجميع
ولو تكلمنا بسياسة الانتخابات وحصد الاصوات ستكون عملية خاسرة من طرفك
وممكن اثبت لك بالدليل من دراسة طبيعة الشعب ودراسة الواقع
واسوق لك دليل مادى واحد فقط
فى انتخابات الاعادة للمعلمين مثلا فى محافظة الفيوم التى جاءت بعد شن حملة ضد الاخوان
ماذا حصل هل خسر الاخوان الانتخابات
بالعكس اكتسح الاخوان تلك الانتخابات بنسبة 100%
وبعدها فازت قائمة الاخوان فى نادى الشمس الرياضى لاول مرة فى التاريخ والجغرافيا
يعنى معلمين ومجتمع
لا احب ان ادخل معك فى مهاترات من هذا النوع لمن ما يحزننى فعلا ان يتحدث بعض المعلمين بسذاجة تدلل اننا فقدنا قيمتنا فى المجتمع ولم نصل الى االمحامين ولا الصحفيين ناهيك ان نصل الى مستوى القاضى الذى نقول اننا افضل منه لاننا الذين ربيناه وعلمناه
يا سيدى الفاضل ما اود قوله اننا نحتاج الى وقفة مصارحة لكى نخرج من وضع متدنى للمعلم فى اذهان المجتمع نحن اول المسئولين عنه لاننا للاسف نفرط فى احترامنا لانفسنا فكيف يحترمنا الناس

[sheer2010]

بلا اخوان بلا زفت


داهية تاخدهم كلهم

[محمدبدران النجدي]

يجب ان يتحد كل المسلمين في مواجهة التيارات الاخرى التى تروج لمدنية الدولة بعيدا عن الاسلام والا سيحاسبنا الله حسابا عسيرا على ما فرطنا في ديننا وضيعنا المادة الاساسية في دستورنا فلنتحد جميعا بعيدا عن المسميات الفرعية فكلنا مسلمون في النهاية

[medokh]

الكلام ده معرف عنهم من زمان انت لسة هتعرف الان

[محمد إسماعيل داود]

عجيب أمر المعلمين منذ الزمن البائد وهم يبعودن عن العمل والبحث عن حقوقهم ويخوضون فى الإخوان وغيرهم ولايبذلون ما يستحق لعودة حقوقهم سوى السب واللعن وهم نائمون