أرحموا المعلمين يرحمكم الله

[ashraf76666]

<H3><H3></H3><H2>صبرى سيد موسى يكتب: ارجع لفصلك

الثلاثاء، 4 أكتوبر 2011 - 09:14

صورة أرشيفية
ارجع مكانك
قبل ما يفوت الأوان
دى الشوارع مش مكانك
ولا حتى الميدان
منتش جعان
شايل يفط الابتزال والامتهان
إضراب معلم عن رسالته
عمل جبان
أنت الّلى اوشكت تكون م الانبيا
محفور على جدران الزمان
وحياة ولادنا
وولاد بلدنا
وحياة مقام الأولياء
ارجع لفصلك
قبل ما يفوت الأوان


5
حرام ..... نظرة بتعقل

بواسطة: معلم أول
بتاريخ: الثلاثاء، 4 أكتوبر 2011 - 12:10
انا معلم أول .... من المعلمين اللي ملهمش في الدروس الخصوصية .... انا لا أدعي أنني من ورثة الأنبياء ... انا أعمل كأي فرد في العالم كله من أجل المال ... لكي أصرف على اولادي وزوجتي وأقساط شقتي والتعليم والصحة والأكل والـ...... الخ .... راتبي 730جنيه ... لي من الأولاد 3 .... سؤال .
أءمة المساجد قالوا جمعة بلا إمام وطالبوا بزيادة مرتباتهم .... محدش هاجمهم وقالهم إنكم روثة الانبياء وأصحاب رسالة .
شيخ الأزهر ... وزير الأوقاف ... جامعة الأزهر ..... بيقبضوا فلوس ومرتبات ومكاقأت ومحدض قالهم انتوا ورثة الأنبياء ..... ودخولهم الشهرية مرتفعة جداً .
القضاه والأطباء والمهندسين عملوا اعتصام .
اساتذة الجامعة عملوا إضراب ومحدض قالهم .... انتوا ورثة الانبياء .
لكن احنا لما ندور على حقوقنا يقولوا .... الرسالة ,,,,, ورثة الأنبياء
لا انا عن نفسي شغال علشان اقبض فلوس .... أعيش بيها .... والاضراب حق دستوري وقانوني .... ومطالبتي بتعديل راتبي لأعيش حياه كريمة مش جناية
وعلشان ما أسمعش شعراء وفلاسفة يردوا علي
انا زي أكثر من 700000 ( سبعمائة ألف معلم ) مناهجنا ما فيهاش دروس .
طالبنا بحقوقنا في أربعة وقفات احتجاجية قبل الإضراب علشان يردوا على مطالبنا اللي قالوا هم( مجلس الوزارء - الوزير الهمام بتاعنا ) مشروعة .... ومحدش عبرنا
عملنا إضراب زي بقية الناس
ولا اللي مزعل أولياء الأمور إن العيال مش لاقين دادا ليهم غيرنا
في منا اللي شغال بـ 65 ج 105 ج 135 ج 180 ج في الشهر
ودوا حوالي 200000 ( مائتان ألف معلم ) ....... ولسه بتقولوا ارجع فصلك
والباقي مرتباتهم الله وحدف يعلم هما عايشين بيها إزاي
وبكرر تاني موضوع الدروس بالاحصاء اكثر من 700000 الف معلم موادهم ووظائفهم ما غيهاش دروس
احسب يا فيلسوف معايا
عندنا 48 الف مدرسة
معلم تربية فنية - موسيقية - رياضية - اقتصاد منزلي - تكنولوجيت - مكتبات - اجتماعي - مسرح - صحافة - مجال زراعي - مجال صناعي - مدير - ناظر - معلم واحد فقط لا يعطي دروس - معظم الموجهين - من يطبق عليهم وظيفو معلم ويعملون بالإدارات التعليمية والمديريات
اضرب 16 * 48000 = 768000 معلم مالوش غير مرتبه + المتعاقدين الجدد الـ 200000 الف معلم .
نعمل ايه نشحت ولا نسرق ولا نطالب بحقنا
البلد مش مستحملة ؟!!!! سؤال
كل الناس على لسانه الكلام ده
اشمعنا البلد مستحملة ....... الراواتب الي باللأف ومئات الألاف والمليون وال2 مليون
فين الحد الأقصى ......... لا محدش يقدر يبصل لحضراتهم
اما المطحون ............ يعيش مطحون ويموت مطحون
ولما يطالب بحقة بعد مرور 7 شهور من الانتظار والخوف على مصلحة البلد يبقى
حرام عليه البلد
الله يجازي............ !!!! كل ظالم ... طلمنا ..... كل صحفي أهاننا .... كل ولي أمر شتمنا ... والحكومة والوزير .... وكل منافق .... ومتشدد ... وغير فاهم ...

هو احنا مش بشر زس بقيت البشر
حرام عليكم
ولا احنا انبياء زي ما بتقولوا
http://www.youm7.com/News.asp?NewsID...90&IssueID=168

يجب على كل من هاجم المعلم ان يقرأ هذا الرد .......
وينظر للمعلم نظرة انسانيه وان له احتياجات ومتطلبات مثل بقية افراد المجتمع ......
والا يحمله فشل السياسات التعليمية لأنها دائما لاتعطيه الامكانيات والظروف الملائمة لاداء عمله على اكمل وجه .....
وتتجاهله دائما عند تنفيذ اى قرار مثل اقرار قانون الكادر فلم يأخذ رأى المعلمين فيه ثم يتم الغاءه بحجه ان به اخطاء وانه غير حقيقى ويحرم المعلم من كل مميزاته ويتحمل كل تبعاته.

فأرحموا المعلمين يرحمكم الله!!!!!!!!!

ما ضاع حق وراءه مطالب

[seryo]

كل من يقف فى وجه المعلم الباحث عن حياة كريمة
ما هو الاجاهل او حاقد او عدو لبلده
لانه لاتعليم الا بتوفير حياة كريمة للمعلم !!!!!!!!!!!!!!!!!!!!!!!!!!!!!!

[هيما2011]

لقد اشعل كلا من عصام شرف وأحمد جمال الدين موسي وحازم الببلاوي الفتنية بين المعلمين وبعضهم البعض وبين المعلمين وأولياء الأمور من ناحية أخري حسبنا الله ونعمة الوكيل موعدن السبت القادم لاسترداد كرامة مليون ونصف معلم وطظ فيك يا شرف انت وجمال الدين