|
|
|
#1
02-02-2013, 12:36 PM
|
|||
|
|||
اقتباس:
السؤال الذى يشغلنى الأن الشرطة رجعت لقوتها هاااااااااااااااااااااااااااااااااااااااااااااى الله أكبر ولله الحمد لكن رجعت لقوتها بعد معسكر تدريبى فى مدن القناة ثم عادت لتواجه المنتخب فى التحرير والاتحادية طب وبعدين والحكم متحيز معاهم وحامل الراية كمان متحيز معاهم والمراقب متحيز معاهم وكلهم من ((العشيره) لم يتبقى غير الجمهور طب الجمهور من إمتى بيحد نتيجة المباريات ؟ إحنا نشتكى للفيفا أحسن وربنا يستر لتكون متحيزه لهم كمان من يرفض تدويل أى قضية بزعم حرصا على مصلحة بلدنا أقول له بزمتك هى بلدنا بردوا ماحدث بالأمس كان صيد عدة عصافير بحجر واحد إعادة العداوة بين الشرطة والشعب لتتوالى نداءات تطهير الشرطة من السلطة والمعارضة فى أن واحد تشويه الثوار والكفر بالثورة تشويه المعارضة واقصاء كل من له صوت مخالف لأولياء الله من عشيرة التيار الإسلامى إهانة الشعب فى صورة تعرية رجل صعيدى مسالم وتجد من يسخر من مجرد ذكر هذا الموقف ممن ذكرهم المصطفى صلى الله عليه وسلم بأن الكعبة أهون على الله من دم بنى أدم أو إهانته شكلنا هنحج ونطوف قريبا حول قصر الاتحادية لأن وضح أن قصر الاتحادية أقدس من الكعبة إخجلوا فكرامة ودم المسلم فى زمن الإسلام الصحيح كانت لها شأن عظيم أعظم من الكعبة مش من الاتحادية!!!!!!!!!
__________________
الحمد لله 
|
|
#2
02-02-2013, 12:48 PM
|
|||
|
|||
|
عفوا ياصديقى
أحيانا الكلمات تعبر أفضل من الصور وخاصة من التى تخدش الحياء يمكنك إعادة الصور فى موضوعك (شوية صور عسل بعد تنقيتها من الصور الخارجة ) أتضامن معك فى رؤيتك وحقك ولكن لك أن تعلم يا أخى الكريم أن هذا المنتدى لايقتصرعلى الرجال فقط شكرا جزيلا
__________________
الحمد لله
|
|
#3
18-11-2016, 10:58 PM
|
|||
|
|||
|
شكرا جزيلا مسترأيمن على هذه اللافتة الطيبة كعادتك أيها الرئيس الطيب
والموضوع مفتوح للجميع لإرسال رسائل لمن يريد شريطة أن يتقبل النقد والرأى الأخر فهذا الموضوع يحكى حوار يومى لحالنا منذ 2011إلى 2013 جزاكم الله خيرا
__________________
الحمد لله
|
|
#4
18-11-2016, 11:18 PM
|
|||
|
|||
|
اقتباس:
خالص شكرى و تقديرى و احترامى لحضرتك أستاذنا الفاضل رضا عطية
مرحبا بكل الآراء كما تفضلت حضرتك شريطة تقبل النقد و الراى الآخر فى اطار من الاحترام المتبادل جزاك الله خيرا و بارك الله فيك
|
|
#5
20-11-2016, 07:10 AM
|
|||
|
|||
|
رئيس جمهورية مصر العربية
هديتنا لك فى أول يوم من سنة جديدة متعك الله بالصحة ونقى فكرك من أفكار البعض فى حاشيتك الذين لايرو سوى الحلول الأمنية كرد فعل برافو ياريس - كمل ياريس امنح الشباب الحريات وشاركهم معك قلل زُوَّار القصر من أصحاب الحلول الأمنية وفقط وافتح الباب لباقى التخصصات فالبلد عامرة بهم افتح الباب للمؤيدين فهذا حقك الأصيل وأيضا افتحه للمعارضين فهذا حق الوطن النبيل زيّن مساراتك ومسيراتك وزياراتك بالشباب فنفس الوجوه المتكررة أصابت البسطاء من شعبك بالملل فجدد لتعيد لهم الأمل أعانك الله على تحمل مسئولية كل المصريين فهذا قدرك وأعاننا الله على تحمل أخطاء الأخرين فهذا قدرنا كل سنه وانت طيب ياريس
__________________
الحمد لله
|
|
#6
29-11-2016, 09:49 PM
|
|||
|
|||
|
2011ثوره
2013ثوره 11-11حمره والعيشة بقت جمره الفايق الرايق ابن الناس الرايقه لسه كل اللى شاغله هى يناير ثورة ولا مش ثورة ويونيو ثورة ولا مش ثورة طب ادينا أمارة تخلى الناس ترد عليك هيقولوا لك ثورة لأن خيرها لم يظهر إلا عليك ! هيقولوا لك ثورة وهما شايفين الحكومة ومجلس النواب مش مشغول إلا بمطالب معاليك! هيقولوا لك ثورة وحكومات مابعد الثورة جابوا لنا المرض ومعاه نقص فى الدواء وعجز فى الاقتصاد وناس مسئولةغرقانه فى شبر ميَّه وناس كسبانه من النقد بس وكتر الكلام نحن نعيش زمن اللا حياء والبجاحة صنعة المتاجرين بغلب الفقراء
__________________
الحمد لله
|
|
#7
30-11-2016, 10:45 PM
|
|||
|
|||
|
الحكومة فى بلدنا
هو سيادتكم ناوىين تكملوا معانا بسياستكم دى كتير هو سيادتكم هتكملوا معانا بقراراتكم دى لحد فين رفع الدعم عن الكهرباء والطاقة ثلاث سنوات لكن تنشيط الصناعة وبشاير الاقتصاد رميتووووووها لـــ 2030 يعنى وضعتوووووها فى خانة غيركم حكومة مش قادرة توفر فرصة عمل واحدة تقوم تحارب صناعة محلية يعمل فيها مليون عامل على الأقل أيديكم تقيله على الدولار لتوفير العجز فى الدواء لكنها كانت خفيفة وهى تفتح باب استيراد الدواجن وبدون جمارك طب ماتشيلوا الجمارك من على العلف المستورد أو وفروه محليا -وشغلوا الرقابة مش دا المغقول ودى الأصول - ولا الرقابة عندها ظروف !!!!!!!!!!!!!! الفكر دا بيقول حاجات لا تقال بعدها غير (أسترها يارب)
__________________
الحمد لله آخر تعديل بواسطة أ/رضا عطيه ، 30-11-2016 الساعة 10:55 PM
|
|
#8
09-12-2016, 07:25 AM
|
|||
|
|||
|
ناس وناس
فيه ناس واقفه قدام التفاح وتشتكى وتقول الأسعار نار وناس من غلبها بتفرز فى البطاطس وبتصرخ أستر ياستـار وناس كل اللى شاغلها قانون التظاهر والاعلام وقانون الاستثمار وناس بتقول للحكومة وللنواب اختشوا على دمكم شويه وراقبوا التجار وناس صوتها مسموع كالعاده وناس صوتها مالوش صدى ولا أى اعتبــــــار
__________________
الحمد لله آخر تعديل بواسطة أ/رضا عطيه ، 09-12-2016 الساعة 07:28 AM
|
|
#9
14-12-2016, 11:46 PM
|
|||
|
|||
|
الناس اللى بتحب السعودية قلبها بيتقطع على النصره
والناس اللى بتحب قطر وتركيا قلبها بيتقطع على داعش والناس اللى بتحب بشار قلبها بيتقطع على جيوش العلويين وكله رافع شعار وا إسلاماااااه - يعلوه شعار (الشيعه أشد خطرا علينا من اليهود!!!!!!!! ) كل دوله أوربية أخذت كفايتها من اللاجئين ولاتنزعجوا كثيرا فحتما إلينا راجعين راجعين ليس كمواطنين صالحين ولكن جيوش من داعش لكل بلاد المسلمين إسلامهم غير إسلامنا ودينهم مش دين الأن وصلنا للمرحلة الأولى من غربة الدين فهنيئا لكم أيها المتشددين والذين يخفون تشددهم فى نصرة الدين هما السنة والشيعة فى العراق وسوريا مش كانوا عايشين فمن أين جاء الخلاف ؟؟؟!!!!! الأمم متعددة الجنسيات والأديان توحدت لكن عندنا الاستثمار معمّرديار العِدا لكن بديار المسلمين كالصومال مش داريين وهما هما اللى رافعين شعار نصرة الدين !!!!!!! بتضحكوا على مين ؟؟؟؟؟؟؟؟؟؟؟؟؟!!!!!!!! وحتى لما كتبنا هذه السطور حد جاب فيها سيرة عن رأى السوريين !!!!!!!! لكم الله يا أهل الشام
__________________
الحمد لله
|
|
#10
18-12-2016, 01:43 AM
|
|||
|
|||
|
كل منتخبات العالم يشاركون فى مونديال الشام
والعجيب أنهم يرفضون مشاركة الفريق صاحب الأرض والجمهور بجاحة سياسية وإنسانية مستفزة لكم الله يا أهل الشام
__________________
الحمد لله
|
|
#11
24-12-2016, 01:37 PM
|
|||
|
|||
|
اقتباس:
ولازلنا نطوف فى نفس الدوامه ويطوف حولنا أهل الخسه والندامه كل يتغزل فى ليلاه وليلى الكل لها الله هو وحده جل فى علاه يكتب لنا ولها السلامه يارب
__________________
الحمد لله آخر تعديل بواسطة أ/رضا عطيه ، 24-12-2016 الساعة 01:43 PM
|
|
#12
25-12-2016, 02:54 AM
|
|||
|
|||
|
اقتباس:
واجملها هي :- 10-اردوغان 12-مبارك 14-كلينتون ديما مبدع اخي الفاضل استاذ رضا في كتاباتك ونقدك تحياتي وتقديري
|
|
#13
28-12-2016, 11:05 PM
|
|||
|
|||
|
اقتباس:
أولا : أعتذر عن التأخير فى الرد ثانيا :تعلمين جيدا كم يسعدنى مرورك وتعليقاتك المشجعة دائما ثالثا : كل ماكانت تكتبه أنامل العبد لله حينها كان مصدرها مشاعر مواطن وأحاسيسه وأظنها بفضل الله وصلت لكل من كان يمتلك هذه المشاعر والأحاسيس فى وقت كان صوت الطوفان يحطم كل من يلفظ لفظا لايرضيهم ولايتوافق مع طموحاتهم -- وقد نلت كل الاتهامات بلا استثناء الحمد لله فحينها كان كم مصرى يعرف معتز مطر الذى افتتحت رسائلى برسالة له رابعا :من يتجول بين الأراء المختلفة يستطيع أن يكون له رأى يخصه ومن يثبت عند رأى يأتيه من صدر وفكرغيره فلايلوم إلا نفسه شكرا جزيلا وجزاكم الله خيرا
__________________
الحمد لله آخر تعديل بواسطة أ/رضا عطيه ، 28-12-2016 الساعة 11:08 PM
|
|
#14
07-01-2017, 10:04 AM
|
|||
|
|||
|
جدع
جدع ياحضرة النائب ياللى كنت حريص على لفت الأنظار لحضرتك بأن تيران وصنافير مصرية حتى قبل ماتقوم بدورك وتناقش وتتفحص ثم تصدر القرار وتصر عليه ولأنك قدمت التأييد الناقص والمسبق فإنك تستحق التقدير بالمثل ويؤسفنى أن أخبرك أيها النائب المحترم بأن العشوائيات والقرى والنجوع أيضا مصرية وربنا العزيز - (اسطبل عنتر أوعزبة خيرالله )مصرية ميه فى الميه ومفيش عليها خلاف واسأل حتى فريق البرادعى وحبايبك خالد على ومنتخبه فماذا قدمت وماذا فعلت -- وماذاستقدم وماذا ستفعل لهؤلاء المصريين ؟ الفلاح زارع الهم المم بتاع الشعب كله والوحيد الذى لم يوقف انتاجه تحت أى ظروف ودلوقتى مش لاقى كيماوى ولامبيدات ووزارة الزراعة مسوياه غرامات باع الأرز بـ2400والتاجر يبيعه الأن بـ9000 جنيه فماذاقدمت وماذا فعلت --وماذاستقدم وماذا ستفعل لهؤلاء المصريين ؟ هتقول الحكومة هى المسئولة -- هنقولك وانت دورك إيه؟ المصرى اللى ماشى يكلم نفسه من الغلاء هو اللى يستحق منك أن تحاسب الوزراء أو تطالب برحيل الحكومة رحمة بيه ولو حتى من باب الإنسانية طالما لاتقوم بدورك أيها النائب المروى بوطنية مدهونه بالفوضوية تشعر أحيانا بأن بعض النواب من حوارتهم وفى أسلوب معارضتهم بأنهم فى رحلة ترفيهية وما يفعلونه هذا من باب خلق مسليات من أجل شطشطة الرحلة و الاستمتاع بها حسبنا الله ونعم الوكيل
__________________
الحمد لله آخر تعديل بواسطة أ/رضا عطيه ، 07-01-2017 الساعة 10:21 AM
|
|
#15
07-01-2017, 01:58 PM
|
|||
|
|||
|
شوف ياعم
العبد لله مواطن ويعلم ربنا ماهو عارف يعيش والغلاء بيكسر فى عظمة وبيجى عليه أيام مابلاقى تمن العيش تصدق أو متصدقشى إنت حر طالما بحريتك واضح ومابتخبيش لكن مش عارف تفرق بين اشتراكية وليبرالية وراديكالية وعلمانية ومركسية وثيوقراطية وديمقراطية وبيروقراطية وعايز تقضيها فوضية وكل اللى حافظة ديكتاتورية ومعتكف فى جماعات ظلامية وعايز تنشر ثقافتك بجاهلية وتصب غضبك على البلد والنظام والجيش يبقى انسى لأنك بالشكل دا مش هتقدر بينا تعيش البلد دى نسيجها فولاذ ولاتقبل أى ابتزاز
__________________
الحمد لله
|
 |
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 06:01 AM.
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
Copyright ©2000 - 2025, Jelsoft Enterprises Ltd.
