الندوه الأولى للتعريف بكل ما يخص ماده الأحياء

[minatosaaziz]

متهيألي فيه فرق كبير بين النفاذية التامة اللي انت قاصداها وبين التشرب .
مجرد التعريف بتاع التشرب يوضح الفرق اللي هو قدرة الدقائق الغروية وخاصة الصلبة منها على امتصاص الماء فتزداد في الحجم وتنتفخ . وغير كده علينا ان المواد دي بتسمى محبة للماء وهي السليلوز والكيوتين وبروتينات البروتوبلازم النقطة المهمة ان التشرب هو امتصاص السليلوز للماء فينتفخ وطبعا الماء بعد كده بيتوزع على الخلايا بالاسموزية ، لكن منقدرش نقول النفاذ لان النفاذ هو السماح بمرور المواد من خلالها . يبقى الفرقان التشرب هو امتصاص السليلوز نفسه للماء فتنتفخ لكن النفاذية هي سماحه للماء بالمرور من خلاله، ومفيش مشكلة اننا نقول السليلوز بيسمح بمرور الماء منه وكمان بيتشربه وينتفخ !
يا رب اكون وصلت لقصدك .

[tweetaya]

ماشى انا فاهمة التعريفين ......انا قصدى حاجة تانية ..بما ان النفاذية التامة هى السماح بمرور الاملاح والماء انا بقى اقصد المفروض الجدر الخلوية تكون بتتميز بدة عشان الغشاء البلازمى يمتص المواد دى بعد كدة ..لكن انا والله مش بسال الفرق بين الاتنين فى التعريف..ولو حضرتك تشوف فى الكتاب الحتة بتاعة النفاذية التامة هتلاقى اللى بيتميز بيها الجدر السليلوزية وفى نفس الوقت هتلاقى فى الحتة بتاعة التشرب اللى ليه قدرة على التشرب من المواد السليلوز برده ..فانا سؤالى ليه مقولش النفاذية التامة

[h0101765135]

السلام عليكم ورحمة الله وبركاته
أولا : حقيقي إن الجدر الخلوية توجد في النبات فقط بالإضافة إلى "أغشية" بلازمية أما في الحيوان فلا توجد جدر خلوية بل هي "أغشية" بلازمية.
ثانيا: خاصية التشرب: هي امتصاص المواد المحبة للماء كمية من الماء وتحتفظ بها داخل جزيئاتها وهذا لا يعني أن خاصية التشرب تسمح بمرور الماء لكن يتم احتجاز الماء فيها فإذا جاءت قوة أكبر من الداخل مثل تدرج التركيز فينتزع الماء من الدقائق الغروية إلى الداخل
ثالثا: خاصية النفاذيةالتامة: تعني أن مرور الماء خلال الجدار دون أدنى تحكم من الجدر سواء بالتشرب أو بغيره. لذلك لا يمكن أن نقول النفاذية التامة

[hseen]

التشرب يعنى الجدار بيمتص الماء بداخله لنفسه لكن النفاذية يعنى الجدار بيمرر الماء للخلايا المجاورة ولا يمتصه وكل الجدر فعلا تتميز بالتشرب لو هى مش مغلظة بحاجة من الخارج علشان كدة اجزاء الاندودرمس اللى مش مغطاه بالسيوبريين بتنفذ الماء

[mohamed99world]

خاصية التشرب تتم في الجدر الغروية الميتة ولا تتم في النفاذية الإختيارية لأن النفاذية الإختيارية خاصية تميز الأغشية البلازمية الحية وليس الجدر الغروية الصلبة الميتة وهذا سبب مؤكد وأن النفاذية تتميز بقدرتها علي التحكم في مرور الماء والأملاح أو عدم مرورها حسب حاجة الخلية وأنها يوجد بها أغشية منفذة وغير منفذة وشبه منفذة وبهذه الأغشية مواد محبة للماء ومواد كارهة للماء

[عفاف رزق]

بصى التشرب يختلف تماما عن النفاذية دى خاصية ودى خاصية اخرى يعنى الجدر الخلوية فيها ينفذ ولاينفذ وشبه منفذ مثل الغشاء البلازمى اما التشرب له مواد اخرى له قدرة على التشرب البكتين والسليلوز وبروتينات البروتوبلازم والسيوبرين مالهوش علاقة بده هو غير منفذ

[aashraf-hussen]

شكرا علي توضيح السوال والاجابة

[هاني جمعة محمد]

اسمحولي اضيف شي بصي يا اختي اولا كل الجدر السليلوزيه فيها خاصية التشرب والخاصية دي بتسمح بنفاذ الماء والاملاح بدون تمييز تخيلي الجدار الخلوي دا اسفنجة الاسفنجة بتمتص الميه بدون تمييز طيب تخيلي بقي لو غطينا الاسفنجة دي بقي بكيس بلاستك هل هتتشرب الميه طبعا مش هاتتشرب طيب ازاي بنقول الاسفننج بيتشرب الميه وهي الاسفنجة المغطاة بكيس بلاستك ما تشربتش الميه
انا اقصد من كلامي ان الجدار السليلوزي لو بطبيعته يبقي هايتشرب الميه اما لو الجدار مغلظ او مغطي بالسيوبرين او او الخ يبقي اكيد هاتتغير خواصه

[cendrella al antoka]

بصى اولا هى الجدر بتتشرب الماء عن طريق خاصية التشرب بس فى جد بيكون فيها الخلايا مغلظة مثلا زى الاندودرمس هى تغلظت بالسيوبرين عشان النبات يقدر يتحكم فى كمية الماء اللدى بيمتصها لكن لو مش كانت اتغلظت بالسيوبرين كانت المياه هتدخل ليها بكميات فوق حاجتها ده اللى انا فهماه

[aashraf-hussen]

يا جماعة مستر احمد وضحها يا ريت تقروا التوضيح ولو في شي تاني غير مفهوم نسال علية

[موزى موزى موزى]

الجدر السليلوزية فقط هى التى تكون منفذة كما ان لها خاصية التشرب ايضا اما الجدر المغطاة بالسيوبرين غير منفذة ولكنها تتشرب الماء ايضا ولكن السبب فى عدم تشرب الاندودرمس للماء هو وجود شريط كاسبيرى لذلك يمر الماء خلاله بالخاصية الاسموزية وليس بالتشرب وفى حالة عدم وجود شريط كاسبيرى سوف يحدث تشرب