بالله عليكم ادخلوا يا بشمهندسين

[أحمد العربي 2]

يا جماعة انا اسمي احمد من بني سويف وجايب 97 ودخلت هندسة بني سويف طبعا بالعافية حسب التوزيع الهبابي بس يا ريت حد يكتب معلومات عن هندسة قسم مدني وقسم ميكانيكا من حيث الدراسة والشغل وبالذات ميكانيكا علشان محتار جامدومليو ن مبروك للجميع

[eng/yasmeen]

اولا الف مبروك يابشمهندس على الكلية وربنا يوفقك فيها
ثانيا انا قسم مدنى فمعنديش خلفية عن ميكانيكا
مدنى قسم جميل جدا الدراسة فيه حاجة ممتعة برغم الصعوبات عشان مفيش حاجة اسمها سهلة ف هندسة زى ماحضرتك عارف
قسم مدنى طبعا بيبقى كل شغله عبارة عن خرسانة او حصر مبانى او منشأت مائية او تربة .......... الخ
ده الجزء التنفيذى
اما الجزء التصميمى وده لما بتتخرج بتشتغل ف مكتب استشارى ويكون معظم الشغل رسم على الاوتوكاد والساب وتصميم منشأت مش اكتر يعنى لا هتنزل مواقع ولا غيره
طبعا فى تدريب اجبارى من اول سنة 2 وانت طالع وده يستحسن فيه تنزل مواقع عشان تشوف كل حاجة زى مادرستها كويس
اهم مادة ف مدنى ودى بتدرسها على 8 ترمات اسمها (structure) ودى محتاجة فهم كويس اوى ومتابعة من اول السنة المادة دى بالذاااااات لازم تذاكرها سكشن بسكشن
هيكون عندك ف الكلية اول سنة اعدادى ودى اى كلام لازم تعديها بمجموع كويس عشان تدخل القسم الى انت عاوزة
بعد كده لو ان شاء الله دخلت مدنى هيكون عندك رسم مدنى وده اسهل بكتير من الرسم الى هتاخده ف اعدادى لان رسم اعدادى يكون رسم ميكانيكا فبيكون صعب شوية


معلش طولت شوية بس يارب اكون افدتك ولو بحاجة صغيرة

بالتوفيق ان شاء الله
لو فى اى استفسار بخصوص مدنى انا موجودة