السياسه لعبه قذرة

[maths city]

طول عمرى وانا اسمع ان السياسه لعبة قذرة
واقول طيب ماهى لعبة قذرة بتلعبوها ليه؟ ما تلعبوا استغمايه او كورة وسيبكم من السياسة
فيه ناس طول عمرها بتكره السياسه وتلعن السياسه .... دلوقتى خلعوا العباايات وعايزين يلعبوا سياسه وبيلعبوا وبجد سياسه حلوه خالص عرفوا اللعبه وعرفوا انها قذرة واثبتوا انهم فاهمين وحافظين
تلاقى شخص كان معارض طول عمره للنظام وتعرض للتهديد والسجن والبهدله بقى دلوقتى ابت تيت عارفين ليه ( اصله بيشرب شيشة فى ميدان التحرير قدام الناس ) يالهوى شيشة اممممم ما ينفعش يكون سياسى ولا يكلمنا فى السياسه ازاى ناخد نصيحه من واحد بيشرب شيشه ما ينفعش
طب والأخ التانى اللى بينط علينا من امريكا زى الباراشوت وكأن امريكا دى كخه يعنى ومش رقم واحد فى العالم دلوقتى شئنا ام ابينا ينفع يكون ريس
لا طبعا يا راجل ده شنبه شبه الصرصار ، ده شبه عم شقشق ، ده هو اللى دمر العراق ، ده علمانى ن بنته متجوزه نصرانى كافر ، دهبيشرب خمره ، وبنته بتلبس مايوووه ، ده عميل للأمريكان
بالراحه طيب اعصابكم اكتشفت انا أنه كلما زاد نجاحك كلما زاد اعداؤك ؟ حد موافقنى ع الرأى ده ؟
اللى عايز يرد بكلامه هو بكلمتين سطرين عشره يرد باحترام مش عايز يكون احسن انما يدخل يشتم والساده المشرفين المحترمين جدا يقفلوا الموضوع زيه زى غيره يا ريت ما يحصلش احنا كلنا مصريين مش فى خناقه ردوا عليا