|
||||||
| حى على الفلاح موضوعات و حوارات و مقالات إسلامية |
 |
|
|
أدوات الموضوع | انواع عرض الموضوع |
|
#1
07-07-2011, 09:05 PM
|
||||
|
||||
*رمضــــان.....الدحيحة بيصلوا......و احنا معاهم *
السلام عليكم ورحمة الله وبركاته رمضان ...... الدحيحة بيصلوا .......واحنا معاهم
طبعا انت دلوقتي بتقول ايه ده انتي كاتبة عنوان الموضوع غلط ليه انتي تقصدي :الامتحانات ..... الدحيحة بيذاكروا واحنا معاهم مش كده ؟؟؟؟  لا مش كده انا قاصدة العنوان طب ايه؟؟ مش فاهم ايه علاقة الدحيحة برمضان اقولك انا رمضان ده زيه زي الامتحانات بالظبط وكلنا طلبة ها فهمت؟؟؟؟ يعني... ممكن توضيح اكتر اصل ربنا بيبعتلنا رمضان امتحان عشان يعرف همة وقوة ايمان كل واحد لان في رمضان مافيش شياطين فلو عصيت او قصرت في العبادة اعرف ان ده من نفسك الأمارة وساعتها بقى راجع نفسك وساعتها شوف بقى اخدت كام على عشرة في الامتحان ااااااااااااه فهمت ....طب ده الامتحان ...الدحيحة ديه ايه بقى اقولك مش احنا اتفقنا اننا كلنا طلبة تمام الطلبة دول بقى انواع طالب فاشل: ده تلاقيه بيصوم بالعافية وبيصلي اول كام يوم كده وبعد كده ما يصليش (اصله تارك للصلاة والعياذ بالله) وساعات ربنا يعافينا مش بيصوم اصلا بس اعذروه اه اصله بيجوع ياعيني ... .gif) او تلاقيه بيصوم وكل حاجة بس طول النهار نايم لحد الفطار وبعد الفطار بيلعب كورة او في الخيم الرمضانية اللي مالهاش علاقة برمضان ولما تسأله يقولك بسلي صيامي.. صيام ايه ده اللي بعد الصيام ده محدش فاهم.. وساعات بقى الصبح بيروح البحر هو وصحابه اصل الجو حر جدا او بقي يجيب من الاخر ويطلع الساحل او شرم وما ادراك ما الساحل وشرم ..وساعتها بقى يبقى خلاص كل سنة وانت طيب رمضان ضاع بالتلاتة ويبقى حاجة كاجوال اوي.. لا وطبعا طول النهار والليل مافيش على لسانه غير "اني صائم" معذور طبعا ماهو تقريبا كده الناس اللي هناك مش بيفتكروا ان رمضان جه اساسا وبعد كل ده تلاقيه يقولك ده كان اجمد رمضان قضيته في حياتي .gif) ولو بنت بقى تلاقيها قبل رمضان عاملة قايمة بالمسلسلات والبرامج اللي حاتتابعها ومنظمة وقتها معذورة لازم تعمل قايمة من كتر المسلسلات في القنوات الله لا يبارك.. وقبل الفطار بقى تلاقيها عمالة تكلم في صحابها ودودودودودودو وشوفتي فلانة ديه عملت ايه وللاديه يا ساتر حاجة تخنق... و كل خمس دقايق تدخل المطبخ وتلاقيها دايما متابعة كل برامج الطبخ كأنها مثلا بتستنى رمضان من السنة للسنة عشان تاكل.. وفي الفطار بقى عينك ما تشوف الاالنور ....لا هي مش حتلحق تشوف بتنزل على تربيزة الاكل تمسحها مسح وطبعا بعد كده تفضل نايمة من بعد المغرب وللا العشاء لتاني يوم وبعد كده تقولك انا مش عارفة ليه وزني بيزيد في رمضان اه صحيح تفتكروا ليه؟؟؟ .gif) وتقريبا كده النوع ده مابيسمعش ان المفروض الواحد يزود قراءة القرآن اسفة قصدي يقرا قرآن في رمضان وتقريبا كده ما سمعش عن حاجة اسمها نوافل او اذكار طبعا بعد الواحد جالو ارتفاع في الضغط من النوع الاول نيجي بقى للنوع التاني طالب متوسط : ده بقى بتلاقيه الحمد لله بيصوم وبيصلي الفروض بس مش بيصلي النوافل وساعات بينزل يصلي التراويح يعني مرة اه وعشرة لا.. بيختم القران مرة بالعافية..ساعات نفسه بتغلبه ومش بيغص بصره.... الصبح بينام او بيلعب كورة بيسلي صيامه يعني وبعد الفطار بيتفرجلو على كام برنامج او مسلسل.. مالهوش علاقة بالتهجد او القيام يعني ولا اي حاجة من الكلام ده هو بكبيره التروايح زي ما قلت نيجي لنوع تاني طالب جيد: بيصلي الفروض واحيانا النوافل بس في البيت بيختم القران ختمة او ختمتين بيصلي التروايح في المسجد بس مش بيصلي القيام بانتظام احيانا كده يبص على برنامج في التليفزيون بس مش مسلسل و ساعات ينزل يخرج مع اصحابة شويه يتفسحوا هو بيحب ربنا ومقدر قيمة الشهر بس ما عندهوش همة عالية نيجي لنوع تاني طالب ممتاز:بيصوم الحمد لله وبيصلي الفروض والنوافل في المسجد وبيصلي التراويح بانتظام وبيصلي قيام الليل ممكن يعدي يوم او يومين في الشهر تروح عليه نومة وما يصليهوش بيختم القران من 3-7 ختمات كده وبيحافظ على الاذكار دايما ..نادر اوي لما تلاقيه يخرج غير مثلا لو عندهم عزومة وللا حاجة ومرة وللا حاجة بالكتير ممكن يخرج مع اصحابه نيجي بقى للنوع الاخير . . . الطالب الدحييييييح :بيصوم كما قال الرحمن بيختم القرآن 10 مرات وساعات اكتر ما بيفوتش فرض في المسجد صف اول كمان ولو بنت اول ما تسمع الاذان تكون على سجادة الصلاة طبعا الحمد لله بيصلي النوافل كلها .. والتراويح اول ما يخلص فطار يكون موجود في المسجد اصله ما بيحبش يفوت الصف الاول وبليل بقى ما شاء الله قيام وقراءة قرآن وفي الوقت اللي مش بيقرا فيه قران او بيصلي لسانه لا يفتر عن الذكر والتسبيح والاستغفار اصله خايف يضيع ثانية لتضيع منه نص درجة في الامتحان وحد تاني هو اللي يطلع الاول... طبعا اذكار الصباح والمساء وقبل النوم لايمكن ينساها بفضل الله .. مش بيفتكر اصلا ان في حاجة اسمها تليفزيون غير مثلا لما يعوز يشحن ايمانه يتفرج على درس ديني او يحمل درس من النت ... دايما يتصدق ولو بجنيه في اليوم وفي العشرة الأواخر بقى يا سلاااااااااام مش بيسيب المسجد او لو بنت مش بتسيب سجادة الصلاة وتقريبا كده مش بينام خايف يفوت جزء في المنهج لازم يراجع كويس لازم يطلع الأول... الصلاة قرة عينه بيحبها حب لا يوصف اصله بيكلم فيها ربه واكتر مكان بيكون مرتاح فيه في الارض وهو ساجد لو عليه نفسه يفضل طول عمره ساجد اصل ده اقرب مكان ليه من حبيبه .. اول ما بيسمع عن اي طاعة يجري عليها ويعملها ودايما معاه اصدقاء بيعينوه على الطاعة.. ورغم اجتهاده في العبادة بيفضل خايف لربنا ما يتقبلش او حد تاني يسبقه ..بيخلص رمضان وهو انسان تاني اتولد من جديد وبيدعي ربنا دايما انه يثبته على الطاعة ويحببه في صلاته قرة عينه اكتر واكتر وبيقول ياااااااا رب اكون نجحت في الامتحان ها يا أختي ها يا أخي ناويين تكونوا أي نوع فيهم اختارو النوع اللي يريحكو بس بالله عليكم بلاش اول نوع  يللا يا شباب بقى عايزين نشوف الهمة وان شاء الله كلنا نبقى دحيييييييييييييييحة في رمضان الجاي وكلنا نرفع شعار رمضان .....الدحيحة بيصلوا.....واحنا معاهم 
|
|
#2
07-07-2011, 10:22 PM
|
|||
|
|||
|
شكرا على الموضوع الاكثر من رائع و جوابى انا من نوع الطالب الجيد بس انا مش بعمل كده فى رمضان بس لكن طول السنه بنفذ و بقوم بكل هذه العبادات
|
|
#3
07-07-2011, 11:20 PM
|
|||
|
|||
|
جزاكِ الله خيرا يا أم عمار على هذا الموضوع الذى أعجبنى أيما إعجاب وجعله فى ميزان حسناتك. وأسأل الله العلى القدير
أن نكون من الطلبة" الدحيحة" فى رمضان القادم .
|
|
#5
08-07-2011, 08:26 AM
|
||||
|
||||
|
__________________
-جدير بالعلا من يصطفيها ****ويركب فى مطالبها الصعاب 
|
|
#6
08-07-2011, 08:33 AM
|
||||
|
||||
|
من الممكن أن يكون عنوان لحملة رمضانية رائعة ومفيدة باذن الله وأرجو من الجميع المشاركة فيها رمضان . كريم
__________________
-جدير بالعلا من يصطفيها ****ويركب فى مطالبها الصعاب
|
|
#7
08-07-2011, 08:11 PM
|
||||
|
||||
|
جزاكم الله خير ع المرور الطيب
|
|
#8
08-07-2011, 09:45 PM
|
||||
|
||||
|
ربنا يجعلنا من الدحيحة يا رب
فى الصيام و الطاعة و القرآن والقيام يارب بــآركـ الله فيكـِ وجعله فى ميزآن حسنآتكـ
__________________
|
|
#9
09-07-2011, 12:44 AM
|
||||
|
||||
|
جزاكى الله خيرا على هذا الموضوع الأكثر من رائع
ووفقنا الله جميعا ان نكون من الدحيحه بارك الله فى اقلامك أختى الحبيبه
__________________
اللهم اغفرلى ولوالدى وللمؤمنين يوم يقوم الحساب ._(يارب أحصل على الامتياز) كل من يقرأ يقول أميييين ***اللهم ثبتنى على دينك*** *اللهم ارزقنى الشهادة فى سبيلك* *وادخلنى الجنه مع حبيبك ورسولك(صلى الله عليه وسلم) 
|
|
#10
09-07-2011, 11:21 AM
|
||||
|
||||
|
اقتباس:
اللهم امييييييين لا تنسيني من صالح دعااااااائك
|
|
#11
09-07-2011, 11:22 AM
|
||||
|
||||
|
اقتباس:
ربنا يباركلك وتحصلي ع امتياز وبالله عليي لاتنسيني من دعااااااائك
|
|
#12
11-07-2011, 01:31 PM
|
||||
|
||||
|
جزاكم الله خيرا ونفع بكم وجعلنا الله واياكم من المتسابقين في الخيرات
|
|
#13
11-07-2011, 08:52 PM
|
||||
|
||||
|
اقتباس:
اللهم امييين يااااااااارب
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 06:24 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
