إلي المستر / عصام جاويش & ادارة المنتدي

[hazem3]

المشاركة الأصلية كتبت بواسطة dr msh-tlba

هل هذا عدلا ,,,, ان حرية التعبير هنا في المنتدي يكون جزاءاها الوقف ؟؟؟

دا حسابي القديم
msh-tlba

ياريت ادارة المنتدي تتفضل تشوف الخطأ الجسيم اللي انا اتركبته و يعرفوني به ,,, عشان فعلا مينفعش انه لما اعلن عن رايي بصراحة دا يكون الرد

و لا ادارة المنتدي هنا موافقة ع تبني موقف واحد و راي واحد فقط دون الاعتبار للاراء الاخري !!!!!

ع فكرة ,, انا مش شخصية وهمية ,,, كتير من صحابي هنا في المنتدي يعرفوني شخصياً ,,, و صحابي جدا
و يعرفوا ارئي دي كويس اوي ,,, لاني مش بقصد اتكلم في الاديان ,,, لكن من الواضح ان خلط الدين بالسياسة هو اللي بيخلي الناس اللي بتتتعصب يفهموني غلط !!!!

معلومة اخيرة : انا ليبرالي ,,, لو دي جريمة او سبة هنا في المنتدي ,,, ياريت الحساب دا كمان يتوقف بالمرة عشان انا خلاص زهقت من القيود دي

===> ع العموم , انا بعتذر لكل اخ فهم كلامي

( و الغرض من الاعتذار دا مش ارجاع الحساب القديم )

كنت رايح أرد هناك.. لقيتك أتوقفت والموضوع اتقفل وكل شيء اتستف وآخر تمام..


أحب أفهم بقى في المنتدى والصرح العريق ده..

هل قرارات إيقاف الأعضاء بتتاخد فرديًا؟؟ يعني أي مشرف وأستاذ له كامل إحترامي أيًا كان اسمه.. يوقف اللي مش عاجبه..

ولا في نوع من القرار الجماعي؟؟

أتمنى أنها تكون التانية..

وما معنى أن النقاشات تبقى من أول إختراع أي موضوع نقاشي هنا محتدمة ولما يجي أبانوب يتكلم ببعض الحدة.. ردًا على ردود فيها كل الحدة.. يتوقف..

وقال أيه بعد إنذاره؟؟ مش فاهم يا ريت يا أبانوب تقولي اللي أنذرك ده أنذرك وبعدين أنت اتماديت مثلًا؟؟

ولا أنذرك و أوقفك في نفس ذات الوقت عملًا بمبدأ "من دقنه وافتله"؟؟

بالمناسبة برضه..

أبانوب صديق ليا من هنا.. ما هواش عضو وهمي بيحط ردود وهمية عشان يولع ويعمل طائفيات..

أكاد استنشق روائح نظام ثرنا عليه واسقطناه في تعامل الإدارة هنا.. أتمنى أنها ما تسيرش على نفس خطا مثيلتها الكبرى..

طبعًا مش حنسقطها.. حاشا وكلا.. إحنا حنسقط نفسنا.. طبعًا مش حيأثر مع حد.. لكن حيحسسنا أننا رفضنا وضع وأصرينا على رفض وضع خاطئ فعلًا..

ويا ريت بقى توضيح كلام أبانوب اللي بيحمل في طياته سخرية من الإسلام وأبناء الإسلام ودفاع عن عدو الله( يوسف بك وهبي ده صح؟؟)

اخرج بره بيتي يا عدو الله..

بالمناسبة أنا من أبناء الإسلام اللي أبانوب سخر منهم ومن دينهم.. ودافع عن عدوهم على حد تعبير سيادتكم..

فيا ريت التوضيح لمواضع السخرية عشان أنا سرعة استيعابي تنافس سرعة حيوان البيخرعاب ( لو أن في حيوان بالاسم ده يعني..)

تحياتي..