كل ما يلزمك بالفيزياء تجده هنــــ((مع كمال))ــــــــــــــــــــــــا

كمال قرنى · #1 01-07-2011, 05:21 PM

السلام عليكم

هدخل سريعا فى الموضوع بتجميع معظم اسئلة العام السابق الهامة بأجاباتها وافكارها

وانا هقسم الموضوع وهنسقه كالاتى

1)مسائل على اجزاء المنهج

2)مسائل من تأليفى

3)فيديوهات موضحة لاجزاء المنهج +ملحوظات على بعض اجزاء المنهج

4)نصائح منى لبدء عام جديد فى الثانوية بدون معاناه

5)استقبال اسئلتكم واستفساراتكم حول المنهج وتلبية طلاباتكم

نبدأ بأذن الله وعونه

1)مسائل على اجزاء المنهج

**الفصل الاول والثانى**

1)مصدران للصوت متقابلان تردد كل منهما 800 هرتز فاذا كانت سرعة الصوت فى الهواء 320متر/ثانية والمسافة بينهما 2 متر أكمل:

يكون الصوت فى المنتصف..(1)....وذلك بسبب.....(2)..

عند التحرك جهة المصدر الاول مسافة..(3)...يختفى الصوت وهى مسافة تساوى.(4).....الطول الموجى

الحل

(1)اشد ما يمكن

(2) لان التداخل بناء لان فرق المسار =0

(3)الحته ديه هوضحها
بما ان التداخل يكون هداما عندما مسار الاول – مسار الثانى = ((m+1/2λوبفرض المسار الاول 1+x

يبقى المسار الاخر 1-x

بطرح الاثنان هيفضل2x

=((m+1/2λثم عوض عن m ب0.1.2........بس خلى بالك لازم فرق المسار يكون اقل من 1 لان المسافة اللى انت تقدر تتحركها هيه 1 متر بس وانا لما عوضت لقيت الصفر بس اللى ينفع

وشوف x هتبقى بكام

عند m بصفر x = 1/4 لامدا

(4)1/4

2)باخرة تبحر مبتعدة عن جبل عالى على الشاطى وعندما كانت على بعد 900م من الشاطئ اطلقت صوت سمع قائدها صداه بعد 6 ث فإذا كانت سرعة الصوت فى الهواء 340م/ث احسب سرعة الباخرة

الحـــــــــــــــــــــــــــــــــــــــــل

هنقول بما ان الصدى انعكاس للصوت اذن الصوت مشى من مكان السفينة لحد الجبل ثم ارتد

يبقى مسافة الذهاب =900

ومسافة الارتداد =900+س

هتقول ليه هقولك لان عقبال ما الصوت راح ورجع السفينة كانت بتبتعد

طب الزمن اد ايه

هيبقى 6 ث لان دا زمن السماع مرة اخرى

يبقى سرعة الصوت = المسافة اللى قطعها / زمن قطع تلك المسافة

ع=340

ث=6ث ,ف=1800+س

عوض وهات س

بعد كدا قول بما ان

سرعة الباخرة =المسافة اللى قطعها(س)/الزمن(6)

وهات سرعة الباخرة

الناتج النهائى 40م/ث

3)سفينة بحرية تصدر موجة فوق سمعية لتعيين عمق البحر بحيث يسمع صدى هذه الموجة بعد 10ث فإذا كانت السفينة متحركة بسرعة 20م/ث احسب عمق البحر علما بأن سرعة الصوت فى الماء = 1450 م/ث

الحـــــــــــــــــــــــــــــــــــل

بما ان الموجة سقطت فى عمق البحر ثم ارتدت للسفينة بعد تحرك السفينة 10 ثوان

بزاوية سقوط تساوى زاوية الانعكاس اذن يتكون مثلث متساوى الساقين ضلعه الثالث عبارة عن المسافة التى قطعتها السفينة اللى بتساوى سرعتها * 10

كدا عندك ضلع

وبما ان المسافة اللى قطعتها الموجة تساوى مجموع الضلعين المتساويين

والزمن 10

والسرعة 1450

تقدر تجيب طول الضلع الثانى والثالث

وبعدها هات ارتفاع المثلث يبقى هوه دا العمق

4) وتر مشدود من أ الى ب طوله 2م وكتلته 10جم مربوط فى وتر اخر من ب

الى جـ طوله 3 م وكتلته 30جم فإذا كانت قوة الشد عليهما 100 نيوتن فإن الزمن اللازم لكى تنتقل نبضة قمة من النقطة أ الى جـ هو .........

الحـــــــــــــــــــــــــــــــــــــــــــــل

بما ان الوسطين مختلفين يبقى تجيب زمن مرور النبضة على كلا منهما ثم تجمعهم تجيب الزمن الكلى

فى المشهد الاول

من أ الى ب

السرعة =جذر قوة الشد/كتلة وحدة الاطوال

محدش يقول قوة الشد هنقسمها حسب الطول وكدا مينفعش

الشد واحد فى الاثنين يعنى تعوض ب 100

وكتلة وحدة الاطوال = كتلة الوتر أب/طوله

منها تجيب السرعة الى بتساوى المسافة(2)/الزمن

وتجيب الزمن1

ونفس الموضوع فى الوتر الاخر وتجيب الزمن 2

يبقى الزمن المطلوب هوه 1+2

5) وترين كتلة كل منهم 5جم وطول كل منهما 3م معلق بكل منهما ثقل ,إذا أ ُحدثت نبضة قمة فى الوتر الاول وبعد مضى 0.01ث أ ُحدثت نبضة قمة فى الوتر الاخر فوصلت النبضتين الى نهايتى الوترين فى نفس الوقت

احسب كتلة الثقل الثانى علما بأن كتلة الثقل الاول=3جم

, جـ=10م/ث2

الحـــــــــــــــــــــــــــــــــــــــــــــل

بما ان سرعة النبضة فى الاول = طوله/ الزمن(ن المجهوله)=المعلوم(جذركتلة الثقل الاول*العجلة)/كتلة وحدة الاطول

منها تقدر تجيب ن

يبقى السرعة فى الثانى=نفس الطول/الزمن(ن-0.01)=المجهول(جذر كتلة الثقل الثانى*العجلة)/نفس كتلة وحدة الاطوال

منها تجيب كتلة الثقل الاخر

لم تنتهى المسائل على تلك الوحدتين وباقى الوحدات

يتبع

To Be Continue

2)مسائل من تأليفى

يتبع

To Be Continue

3)فيديوهات موضحة لاجزاء المنهج +ملحوظات على بعض اجزاء المنهج

بعض الملحوظات على الفصلان من رأيى الخاص

1) التردد دائما= تردد المصدر عندما ينتقل من وسط لاخر ويمكن مفيش كتير يعرفوا ليه بس السبب بسيط ان التردد عبارة عن طاقة لما تنتقل تلك الطاقة من وسط لاخر تكون نفس الطاقة لذا يكون نفس التردد

2) السرعة للموجة ثابتة فى نفس الوسط

والسبب لان المقاومة التى تلقاها الموجة بتكون ثابتة فى نفس الوسط ولكن اذا تغير الوسط تتغير المقامة التى يلقاها لذا تتغير السرعة

لكن فى شواذ ألا وهى سرعة الضوء حيث انها ثابتة مهما كانت الاوضاع او الاوساط والسبب هو البعد الرابع ألا وهو البعد الزمنى الذى يجعل السرعة ثابتة

والسبب كامل مش هقدر اشرحه دلوقتى وعشان مش هيفيدكم فى المنهج

3)الشدة ليس لها علاقة بالطول الموجى فالشدة طاقة والطول الموجى مسافة

لكن فى رأيى هناك حالة واحدة تكون فى الموجة الطوليه حيث ان اتجاه الانتشار هو نفسه اتجاه الحركة للجزيئات

يتبع

To Be Continue

4)نصائح منى لبدء عام جديد فى الثانوية بدون معاناه

اولا نصيحة فى المذاكرة

زى ما انتم محتاجين تذاكروا محتاجين الراحة عشان الانتباه

اعملوا يوم فى الاسبوع راحة

ثانيا ارجو انكم وانتوا بتذاكروا تعملوا كشكول كدا لشرح كل حتة فى المنهج بأيدك انت تحط فيه خلاصة اللى انت عرفته والحاجات اللى انت غلط فيها والملحوظات اللى انت مش عارفها بطريقة منظمة وتشتغل فيه من اول يوم

والهدف منها فى ايام الامتحانات هتيجى تذاكر مثلا الفيزياء

هتلاقى عندك 10.000 ملزمة 500 كتاب 200 كشكول وربنا يزيد ويبارك

وبعدها تغنى وتقول كتاب الفيزيا مش هتقدر تفتح عينيك

وابقى قابلنى

وهتلاقى كشكولك اللى انت حاطط فيه الخلاصة وسبت اللى ملوش لازمة فهينجزلك جامد جدااااااااااااا وهتشوف عشان انا حصلتلى المشلكة ديه السنادى

5)استقبال اسئلتكم واستفساراتكم حول المنهج وتلبية طلاباتكم

يتبع

To Be Continue