نداء الى كل الاسمعلاوية ..... هذا ما حصل فى المديرية والتنظيم والادارة

[محمد ابو مريم 84]

اعزائى واخوانى معلمى الاسماعيلية ,, من كام يوم كنت فى الاسماعيلية للحصول على شهادة icdl ولقيت نفسى بجوار المديرية , قلت اخش اسأل عن اوضاعنا الجديدة . دخلت شئون العاملين فى الدور الاول .. البيه قالى : احمدوا ربنا على كدا .. ثورت فى وجهه وقلتله اننا شغالين بقالنا 6 سنوات بالحال ده .. طب واخبار التسوية " ضم السنوات السابقة " قالى ماعنديش فكرة .. خرجت وانا حاسس انى كنت بشحت من موظف بخيل .. دخلت الماهيات " جانبها على طول " قلت اسأل عن الفرق فى المرتبات بين الاسماعيلية والمحافظات التانية .. قابلت هناك واحد اسمه الاستاذ / احمد .. وشكله كان نايم دا مش عارف اصلا احنا قبضنا بدل الاعتماد والا لأ .. ولما قلته البدل موجود فى استمارات القبض واحنا بنمضى عليه ؟ خرج من درج مكتبه استمارة مفردات المرتب تخصنا واكتشف ان كلامى صح فبسأله ازاى مرتبنا يزيد حوالى 100 جنيه وبد كده ينقص الاجمالى 3 جنيه قالى مش عارف دى خصومات لمصلحتكم قلتله ان كان كدا ماشى .. طب ليه علاوات 2008 ، 2009 محسوبة 4.80فى حين ان محافظات تانية اكتر من كدا بكتير وهى دى اللى عاملة فرق المرتبات بينا .. قالى هما اللى غلط " وفى منتهى السرور قالى يا استاذ احنا من المحافظات القليلة اللى بنطبق قرار الزيادة على الاساسى القديم " يا برودك يا اخى .. طلبت منه اصور المفردات وقلت لا عند لازم اقابل وكيل الوزارة .مش رضى يدينى صورة من المفردات وعملت مشكلة انتهيت انى توجهت الى مديرية التنظيم والادارة وقبلت هناك مدام محترمة جدا بكل هدوء فهمتنى ان الفخرانى الحرامى ربنا يخده كان موافق على ان العلاوات تتحسب على الاساسى السابق وليس الحالى وقالت ان الجهاز عمل شكوة وكتب فى حيثياتها الظلم والفرق فى المرتبات بين المحافظات . وقالت لى لازم تعملوا شكوة مجمعة وترفقوا بها مفردات المحافظات الاخرى .. وقالت ان لازم يوافقوا على التغيير . وبخصوص ضم السنوات السابقة قالت من حققكم ضم كل السنوات حتى سنوات الاجر .
ياريت نهتم عشان كدا المشكلة مش بقت فى الماهيات تابع الادارة .. لا دى عند التنظيم والادارة والمالية .
ياريت نهتم . انا من ادارة التل الكبيروهحاول اجمع اكبر توقيعات . ياريت كل واحد يحاول فى نطاق ادارته

[vip_ame]

يا استاذى العزيز

بالنسبة لضم السنوات السابقة المختص بالموضوع ده قسم التسويات فى المديرية وهو فى نفس مكان الحسابات اللى بيعملوا الماهيات
رحت سألت هناك واللى اتقاللى بالظبط تعالى فى نص شهر 7 علشان هما حاليا شغالين فى الفيزا والمكافات
والورق المطلوب مفردات مرتب + افادة بالسنوات السابقة معتمدة من المدرسة والادارة + طلب هاتكتبه

وبالنسبة للخطأ فى المرتب الحكاية مش انه بيتحسب على اساسى السنة اللى قبلها لان ده قرار المالية
الحكاية انه بيتحسب على مربوط الدرجة لانهم ماكانوش معترفين بينا اننا موظفين اصلا فبيدونا العلاوات على مربوط الدرجة اللى هو 48 جنية مش الاساسى اللى كان 143 وبعدها 153 وبعدها 183

وانا رحت الادارة واتكلمت فى الموضوع ده ومات على اساس ان المرتبات هاتتغير ان شاء الله الشهر الجاى لما نشوف هاترسى على ايه

[هاجر موسى]

بالنسبة لضم السنوات السابقة المختص بالموضوع ده قسم التسويات فى المديرية وهو فى نفس مكان الحسابات اللى بيعملوا الماهيات
رحت سألت هناك واللى اتقاللى بالظبط تعالى فى نص شهر 7 علشان هما حاليا شغالين فى الفيزا والمكافات
والورق المطلوب مفردات مرتب + افادة بالسنوات السابقة معتمدة من المدرسة والادارة + طلب هاتكتبه

هل سوف يتم ضم جميع السنوات السابقة ؟ برجاء الرد

[vip_ame]

المشاركة الأصلية كتبت بواسطة هاجر موسى

بالنسبة لضم السنوات السابقة المختص بالموضوع ده قسم التسويات فى المديرية وهو فى نفس مكان الحسابات اللى بيعملوا الماهيات
رحت سألت هناك واللى اتقاللى بالظبط تعالى فى نص شهر 7 علشان هما حاليا شغالين فى الفيزا والمكافات
والورق المطلوب مفردات مرتب + افادة بالسنوات السابقة معتمدة من المدرسة والادارة + طلب هاتكتبه

هل سوف يتم ضم جميع السنوات السابقة ؟ برجاء الرد

ان شاء الله
سوف يتم خمس علاوات على المرتب كحد اقصى وضم جميع السنوات السابقة ان شاء الله

[هاجر موسى]

المشاركة الأصلية كتبت بواسطة vip_ame

ان شاء الله
سوف يتم خمس علاوات على المرتب كحد اقصى وضم جميع السنوات السابقة ان شاء الله

برجاء المتابعة مع حضرتك بكل ما هو جديد بخصوص هذا الموضوع