خبر هاام جدا عن التعيين اليوم 31/5/2011

[حسن عبد الستار]

أوجه كلمتي الي زملائي المعلميين المساعدين لقد تعبنا أنفسنا كثيرا بالحديث عن التعيين وهل سوف يطبق قرار 75 ام لا أعتقد اننا في نظام الرئيس السابق محمد حسني مبارك كانت حالنتا النفسية أحسن بكثير من بعد الثورة ففي عهده كنا فاقدين الامل في التعيين أصلا واللي كان يطالب بحاجة طبعا جهاز أمن الدولة بيقوم بالواجب معاه وكنا بنأخد بالحكمة اللي كانت بتقول (( يابخت من بات مظلوم وم**** ظالم ) وكنا راضيين ومبنفكرش في التعيين أما بعد الثورة كام قرار تعيين طلعوا واتعلقوا ومحدش فاهم منهم حاجة والنوم طار مننا علي أمل أن نلاقي أسمائنا ضمن اللي أتعينوا ومبقناش قادرين نستحمل الطلاب في المدارس من كتر التفكير وكلنا علي امل التعيين وعملنا إعتصامات واضراب عن الطعام في محافظة أسوان ومحافظات كتتبر بس ولاحس ولاخبر دا أصلا محدش بعبرك ولايقوللك انتي مين ولا ايه طلاباتك أنا من وجهة نظري عهد مبارك كان أحسن دا لما كنا بنعمل مظاهر الشرطة وأمن الدولة بحسسوك انك بني أدم وبيحضروا المظاهر وبيضربونا وبيأخدوا ناس أمن الدولة ويعتقلوا البعض تحس انه فيه حد بيسمعك ويرد عليك دا حتي وزير الماية يوسف بطرس غالي كان بيرد عليا لما نطالبه بالتعيين وبحترم وجه نظرنا وبيقول لنا الخزانة العامة فاضية مفيهاش فلوس طبعا احنا عارفين الفلوس كانت بتروح فين بس كان بيعبرنا اما دلوقتي جائنا الدكتور والخبير الاقتصادي سمير رضوان وقال ان الدولة حترفع الحد الادني ل600 ال 800 حنيه والخزانة مش حتتأثر بحاجة وان اقتصاد البلد بخير والدكتور عصام شرف كتر خيره بيشحت علي حسنا في الخارج وكل يوم نسمع عن فلوس بتتقدم منح للاقتصاد المصري دعم زمسانتدة وتقدير للثورة المصرية ( يعني زمان كنا عارفين انه مفيش فلوس ومش حيعينونا ودلوقتي عارفين انه فيه فلوس ومش عاوزيين يعيننونا ) بالذمة مين احسن
واختم حديثي بان الرزق من الله ولا احد سواه فلنراعي ضميرنا في العمل وربنا حيبارك لينا في فلوسنا ودروسنا الخصوصية

[اميرة مهران]

بذمتك هو دا الخبر الهام عن التعيين اليوم مش مكسوف من الى بتنشره كل دا علشان الناس تدخل تقول كلمتين

[أحمد جودة3]

لا تعللللليق

[nada1993]

بجد اية ده دا انت عكاك

[MUSTAFAEGYPT]

الرجاء احترام وجهات النظر المختلفة

[مهندس زراعى]

الوزير مش ناوى يسمع لحد لازم نتحد مع بعض

[ابو سوزان]

الله يسامحك

[محمد السويركى]

طيب وايه المطلوب بعد ده؟

[احمد رضا2]

حسبى الله ونعم الوكيل كفايه عليك كده

[أبو تقوى]

الله على الحمار لما بيعنق

[أبو تقوى]

شوف جبانة قبل ما يرموك على الترعة

[marwasamy]

استاذى الفاضل ياريت بدل مانكتب مواضيع تلفت الانتباة على الفاضى كان ممكن تقول تعليق مش تحت عنوان ممهم وتحتة كلام مش لية علاقة بالموضوع طب لية كدة وكمان الاستاذة اللى هيبداوا يشتموا فى بعض ياريت بلاش كدة احنا مدرسيييييييين

[chimist ayman]

يا جماعة براحة كلة بيجى بالهدوء

[بحراوية من دمنهور]

يا جماعة براحة عليه شوية .......صاحب الموضوع لسة عضو جديد فى المنتدى ويمكن خانه التعبير لما اختار العنوان ده .....بدل ميكتب رأى هام عن التعيين طلعت منه كلمة خبر ......

[هانى012]

محافظ سوهاج مضى قرار التثبيت يوم19/5 لتثبيت 6346 اللى مضو 3سنوات بالحصة والعقد والنهاردة معلقين تهنئة فى ادارة البلينا بخصوص هذا القرار