اخر اخبار ادارة مطوبس التعليمية

[roaaaa]

انا كلمت مدير المديرية وشكرته على تعاونه معايا لما كنت عنده وان مكالمته الهاتفية لمدير الادارة كان لها تأثير وطلبت منه اننا نريد تغيير صيغة الجواب تكون مثل باقى الادارات وباقى المحافظات وبلغته انى هروح المديرية يوم الاثنين ان شاء الله عشان اخد توقيعه على تطبيق صيغة الجواب داخل الادارة
وقالى لو حصل اى حاجة انا تحت امركم
المهم اننا نكون ايد واحدة ومع بعض
وانا دائما بأبلغكم بكل خطوة بأعملها عشان تتابعوا فى الادارة لانى مش بروح الادارة لوجودى فى دورة فى كفر الشيخ ارجو المتابعه مع الادارة والله الموفق

[ammhhe]

ايه رايك فى الكلام ده ياwael710

[wael710]

أنا كلمت مديرالادارة النهارده وقلتله ان احنا مش هنسكت علي الي بيعمله الأستاذ طلعت الشيخ علي
وانه عاوز يعمل فرق العلاوة 29.60 من 1/5/2009 وليس 1/10/2008 وده مخالف للقنون واحنا معانا نص القانون
وهنروح لمدير المديرية تاني
لان ده فساد اداري يعاقب عليه القانون
فقالي بلاش تروح المديرية وانا هديلكم حقكم ، وتعلالي ومعاك نص القانون
فانا ان شاء الله هروحله بكرة الادارة لان بقية الأسبوع عندي دوره في كفر الشيخ ، والادارة فتحه بكرة

[wael710]

وان شاء الله مش هنسكت ، والجهات الي هنوجه لها شكوتنا هي
رقابه ادارية
نيابه اداريه
جهاز الكسب غير المشروع
الجهاز المركزي للمحاسبات
جهاز التنظيم والادارة
وارسال الشكاوي والفاكسات سيكون بالتوازي بين المؤسسات السابقه

[roaaaa]

اكيد لو حاولوا يضحكوا علينا تانى ويسرقونا مش هنسكت عن حقنا وهناخذ حقنا ومش هنتنازل عنه وهنطالب بحقنا من كل الجهات المختصة على مستوى الجمهورية
يا استاذ وائل يوم الاثنين ان شاء الله هنروح المديرية لو مدير الادارة ما عرفش يتصرف معاهم
والله الموفق

[wael710]

وده الكلام الصح
واحنا في كفر الشيخ في الدورة لمده اسبوعين كمان وأنا جبت عنوان الرقابة الادارية بكفر الشيخ ولو المديرية معملتش حاجة هنروح الرقابة الادارية ونقدملهم الشكوي

[ammhhe]

يا اخوان انا عملت مقارنات بين المرتب بتاعنا ومفردات المرتب فى المحافظات الاخرى وجدت مفاجاه جديده وهى ان
الكادر او بدل الاعتماد عندنا وبعض المحافظات76.80 اى نفس الفكر العقيم بتاع الادارة
اما المحافظات الناصحة والتى تبحث عن حقوق موظفيها فحسبت الكادر او بدل الاعتماد91.80
لذلك قررت ان اعرض هذا الامر فى موضوع مستقل لاخذ راى باقى زملائنا فى المنتدى مع احتفاضنا بموضوعنا الخاص حتى لا تتشتت افكارنا فى موضوعات متعددة

[ammhhe]

يا اخوان انا عملت مقارنات بين المرتب بتاعنا ومفردات المرتب فى المحافظات الاخرى وجدت مفاجاه جديده وهى ان
الكادر او بدل الاعتماد عندنا وبعض المحافظات76.80 اى نفس الفكر العقيم بتاع الادارة
اما المحافظات الناصحة والتى تبحث عن حقوق موظفيها فحسبت الكادر او بدل الاعتماد91.80
لذلك قررت ان اعرض هذا الامر فى موضوع مستقل لاخذ راى باقى زملائنا فى المنتدى

مع احتفاضنا بموضوعنا الخاص حتى لا تتشتت افكارنا فى موضوعات متعددة واماكن متعددة


ولكم الشكر

[ammhhe]

برايكو ايه السبب
حتى استطيع التحرك
لان التحرك فى الادارة مش نافع

[ammhhe]

نسيت اقول لكم وانا باقرأ القانون الخاص بالعلاوة وجدت ان احنا نستحقها من تاريخ صدور القانون يعنى مش شرط ان ناخذها فى العقد المميز ممكن قبله
بس مش لازم نطالب بيه
لان الفرق 6شهور اى احنا سيبين لهم 6شهور كمان

[محمودعيد]

فين اخر الاخبار الجديدة فى مطوبس برجاء التوجد الدئم كى لانفق المنتدى الجميل اخبار مطوبس

[wael710]

كلنا مشتركين في العلاوة بدايه من 1/10/2008
اما شهور 5 ، 6 ، 7 ، 8 ،9 /2010 فيه ناس مكنتش شغاله فيها عشنها كانت يالأجر وكانو مبيشتغلوش في الصيف

[ammhhe]

لقد اتضحت الرؤيه ياwael710
ولك الشكر على التواصل

[wael710]

كلنا بنكمل بعض يا أخ ammhhe
هو اسم حضرتك ايه

[roaaaa]

انا كلمت الاستاذ طلعت النهارده وسألته على النشرة هنصرف من امتى العلاوة دى قالى انتى تاريخ التعاقد بتاعك امتا قولتله 1/10/2008 قالى خلاص هتصرفى من التاريخ ده
سالته امال ايه حكاية 1/5/2009 قالى فى ناس تعاقدها 2009 دى هتصرف من تاريخ تعاقده
كل واحد هيصرف من تاريخ التعاقد بتاعه
قولتله امتا الكلام ده هيحصل قالى احنا كتبنا نشرة ووزعناها وكتبنا ورقه فى الادارة عشان مسئولى المرتبات يعرفوا ويعملوا كشوف المرتبات على النظام الجديد
وقالى ما تقلقوش كل حاجة هترجع لوضعها الاصلى
وعرفت من مصدر آخر موثوق منه جدا ان النشرة دى كانت موجودة من زمان وهما حاطينها فى الدولاب ومحدش بيبص على اللى فيها لحد احنا ما فتحنا الموضوع وسألنا عن حقنا
دى الاخبار الجديدة اللى عندى النهارده
والله الموفق